قصيدة الشاعر فلاح بن مبرد في شاعر العرب

[ابـــوحـــــور]

لوجوء سياسي

ياطيب المعنى مقامك براسي=الياضمحل من الوفا كل مدسوس

دايم وفاك يهزني لقتباسي=لاحسني من بعض الاوضاع حاسوس

لااقبلت كلي مايبدد حماسي=لفح الرياح العاتيه والهوى كوس

ماغيرت مجراي كثر الحساسي=ولاهزني من تافه الهرج نادوس

اشري جديد الخام والبس مقاسي=ولااستعير من بعض المخاليق ملبوس

من وفا المعنى على قو ساسي=مستخلصه من عمق الاحساس هاجوس

يلقابه الي من زمانه يقاسي=فن وكرامة نفس واعلاج منفوس

راع الوفا يظهر وفاه متواسي=للحق منهاج وللعدل قاموس

واليوم ابا اقدم بشاشة رواسي=علم وكاد بقاف اشطر من الموس

بالشك مايدخل عليه التباسي=معنى من الواقع مدقق ومدروس

صنع الظروف وهاجس دبلماسي=مرماه من قوس المعاني سهم قوس

للظلم باسرار النفوس انعكاسي=شي من الماضي مجرب وملموس

ياجاهل التاريخ ماهو بناسي=قدامنا بالدرب رواد واعسوس

من حط من قدر الجبال الرواسي=يسقط وياخذ واجبه مثل حنوس

خصم السوالف والكلام الاساسي=مشاركتنا بسم ابو زيد ناموس

رمز الوفا في قمة المجد راسي=وخال الملوك الي على الضد عاكوس

سادات قوم وساسة ماتساسي=لاشانت العملات والحبل ممسوس

كم طمنو راس من الظلم قاسي=وزادوه من وقفاتهم علم ودروس

قلته وفا ماهو لجو سياسي=ماني بضيف باسياسه على الروس

[ذيب الحمادين]

اخي الكبير ابو حور نقلت وطرحت واصبت قلمك المبدع باجمل القصائد الرائعه للعم ابو بدر ولاهنت وسلمت يمناك لاعدمناك تقبل مروري يالغالي

اخووك: ذيب الحمادين

[ابـــو نـــورهـ]

مشكور ابو حور على النقل المميز وصح لسان ابو بدر تقبل ودي

[صادق الود]

صح السان ابوبدر وسلمت اخي ابوحور على النقل

[شُموخ]

يــــسلــــموؤوؤوؤوؤ ع هــــيك مـــــــــــــــــوضوع