انا ليا ضاقت علي المساعي

[>الوافي<]

بسم الله الرحمن الرحيم


السلام عليكم ورحمة الله وبركاته

قصيده في الشيخ فيحان المقهوي



انا ليا ضاقت علي المساعي= نصيت رجالن يحل الشرابيك
مثلك يابو نايف طويل الذراعي =الطيب ساسك والرجوله مباديك
يومن بعض الناس طيبه صناعي= طيبك ورثته ورث مافيه تشكيك
تفزع وتاطى فوق روس الافاعي=وتعين من ضاقت عليه المساليك
وفزعتك منها يشبعون الجياعي =الله على فعل الجمايل مقويك
طويت عن مدح الاوادم شراعي=الاانت يافيحان لحل طاريك

الشاعر هاملي


ولكم اطيب تحيه





..

[ابونادر]

والف نعم يستاهل ابو نايف المدح والعلم الغانم

حتى معلقات من القصايد ماتكفيه

ولو ان شهادتي فيه مجروحة


وصح لسان الشاعر الهاملي


الذي تمنيت لو ذكرت اسمه ياأخ الوافي


عموم شكرا لك ماقصرت

[>الوافي<]

شكرا على مرورك يابو نادر ولاهنت
والهاملي مااعرف اسمه
وانتظرو الجديد ولكم اجمل تحيه