بمناسبة تولي الامير فيصل بن عبد الله وزيرا للتربيه

[صادق الود]

قصيده بمناسبة تولي سمو الامير فيصل بن عبدالله وزيرا للتربيه

--------------------------------------------------------------------------------





ياطويل العمر يزهـاك لا قالـو وزيـر=والوزاره انـورت يـوم زرت اركانهـا
ياسليل المجد سيف(ن) على ضدك شطير=جعل من عقبك يجـزى ببـرد اجنانهـا
وقفتي قدمك تساوي من العمـر الكثيـر=واتشـرف لا مدحتـك بزيـن الحانهـا
من جزيل القول شلته على البحر القصير=فرحتن في مقدمـك والفخـر عنوانهـا
يا وزير التربيه منصبك ماهـو صغيـر=حاضر الاجيـال يشهـد بعالـي شانهـا
سيدي فيصل بحضرتك يصغر كل كبيـر=وللوزاره جيبتك مـن عطـا رحمانهـا
سيدي لو قلت فيك القليل امـن الكثيـر=الخصايـل وافيـه والدليـل ايمانـهـا
انعقد فيك الامل يالوزيـر ابـن الاميـر=فـي سمـوك حكمتـن بينـن برهانهـا
خادم البيتين رشحك في حكمـه بصيـر=امنك وانـت الامانـه ا تحفـظ امانهـا
خابرن فيك الوفا للوطن منـت ابغريـر=من هلا العوجا يـزود الفخـر ميدانهـا
يمن الخايف بظلـك اليـا جـاه النذيـر=والجزال امن العطايـا تسـوق اثمانهـا
المعالي في سموك كمـا البـدر المنيـروالسعد في مقدمك من مسكت اعنانهـا
زايد(ن)علمك بحلم اوتواضع للشوير=مانهجت المنهج اللي يخل اوزانها


صـــــــــــــــــــــــــــــــــــــــــــــــــ ــــــــــــــــــــــادق الود

[غنام العرافه]

صادق الود

تسلم والله يعافيك يالغالي وابدعت , بس لو ذكرت اسمك بالاخر اذا كانت القصيده لك من اجل نقول صح لسااانك واذا من شاعر اخر غيرك تذكر اسمه حتى نشكرك على النقل ولا يضيع حق هذا الشاعر تقبل مروري ووودي .