اهداء للشيخ خلف كساب العنزي من الشاعر غزاي العليم

[صادق الود]

اهداء للشيخ خلف الجعفري العنزي :-

وشلون ماكتب فيك شعر(ن)حماسي = وانا على قدرك لي اشعور واحساس
من طيب راسك ياخلف طال راسي =جيتك توزن بالجواهر والالماس
شفتك جبل بين الجبال الرواسي =وقدام اشوفك سولفو ليه الناس
الطيب ماهو بالرتب والكراسي=الطيب للي حط ساس(ن)على ساس
يالجعفري للطيب صرت امتواسي=المرجله قيست على قدك قياس
انتم كرام القوم والوقت قاسي = ابن مهيد منادين للعشاء الناس
يا مبرك القعدان وسط التباسي = كسبت فيها يا خلف كل نوماس
ومَسيت الجهنان غير الماسي =شهودها الحضار واقف وجلاس
وبني عطيه مبعدين المراسي = من الوجه لحدود بئر بن هرماس
يوم (ن)شرد الخيل سبق التكاسي = فريسهم بديارهم تقل حراس
حريبهم يحرم عليهم النعاسي = وقصيرهم يامن بهم كل هوجاس
وصلتهم بديارهم مع الدماسي =عزمتهم وشرعة بابك والاكياس
وعيال عايد من جميع الجناسي = نطاحة العايل على قب الافراس
نوامسه والنومسي ما يداسي = عون الضعيف الي شفاياه يباس
دعيتهم للطيب في قوباسي = وقدمتو الماجوب من كل الاجناس
والباقي العالم أسوق التماسي = وحقوق خلق على العين وراس
عن الخطاء والايصير التباسي = اعوذ بالرحمن من كل وسواس
والمعذره يا شيخ ون كنت ناسي = منك السموحة لي ورفع بها الراس الشاعر /غزاي العليم

[برق الوسم]

الطيب ماهـو بالرتـب والكراسـي =الطيب للي حط ساس(ن)على ساس

كفووو الله بالشيخ خلف

وصح لسان الشاعر غزاي
وفعلا الطيب ماهو بالرتب والكراسي <<< ماشاءالله عليه وصف
دقيق وحكمه تسلم اخوووي صادق الووود على روعة الاختيار والف الف
شكر لك من القلب ووودي برق الوسم

[صادق الود]

لاهنت يالبرق لك وديييييييييييييييييييييييييي