قلبي ليا شاف المشايخ تنومس

[شقران]

مسيكم بالخير جميعا

نزلت قصيده قديمه ولها ضروفها

وزعل علي شيخنا الفاضل ابوعبدالله الحميداني

وانا مااقوى على زعله (خص انه بيطلع اجازه شهر)




خاطر ابن عمي الكويتي معومس=وابا ابدع القيفان لله وارضيه
ماوالله اسلى والكبود اتحومس= كبد العزيز الي نظيفه مباديه
ابا انصب الأطناب بيتي مخومس=واقوم العمدان وافتح مذاريه
بيت(ن) سواده صافي(ن) ماتشومس=ولا كاسر الدلال بالسوق راعيه
واقلط شيوخ(ن) علينا ترومس=غالي زعلها والغلط ماتناديه
وامد يمناي الثقيله واللومس=كف(ن) على القران بانت مواريه
يامرحبا بالشيخ ماني مهومس=بصوت(ن) جلال(ن) طارف القوم توحيه
ترحيب بالشهد المصفى مغومس=والعود ريحه والنفل خالطه فيه
قلبي لياشاف المشايخ تنومس=نوماس ورع(ن) فزع الهوش غاليه
هم قبلة الله بوقتنا الي تدومس=هذا الصحيح وزبدة الهرج صافيه

[ابونادر]

ألان انا كفيلك ياشقران ان ابو عبدالله يبي يتنومس ونص عقب هالابيات الرائعة

وكلنا نتنومس من الكلام الطيب والقصيد الجزل واولنا شيخنا الفاضل .

وانت تعرف ان ابو عبدالله قلبه ابيض من الثلج ويحب الخير للجميع

صح لسانك وبيض الله وجهك مليووون على هالقصيدة الجزلة


تقديري


.

[ابوعبدالمجيد]

فكك الله ياشقران من كفن امخومس ,,,,,, من يد ابو عبدالله ولا من يد عوانيه
تسلم ياشقران على ها الابيات ويعطيك العافيه

[ابـــوحـــــور]

صح لسانك اخوي شقران والكويتي مايزعل ولكن ممكن يعتب على من يحب وانت منهم طال عمرك

[ابو عبدالله الحميداني]

نعم وانعم والله بشقران الحبيب الغالي والشاعر المبدع ابدا والله مثل ما قال اخوي ابو حور انا ما ازعل ولكن اعتب عتاب المحبين اما وبعد هذه القصيدة الجزله فوالله لو كنت شاعر لجازيتك بمثلها وتستاهل الطيب كله ياشاعر منتدانا
واشكر لمن رد وابدع في الرد قبلي ابو نادر وراعي المعطا
اسال الله ان يبارك لك في قولك وعملك ويجعلك مباركا اينما كنت
وما هو الا يومين فقط واسدل الستار عن النت باكمله واغادره الى ماهو خير ان شاءلله على امل العودة لكم مجددا ان كان في العمر بقية بعد العيد نسال الله ان يكتب لنا حياة تكسب عملا صالحا

[شقران]

ابونادر بيض الله وجهك يالقرم لاخلا ولاعدم

راعي المعطا جعلها يمناك ماتجيها النار صح بدنك يالقرم

ابوحووور الله يبيض وجهك على الكلاااااااام الطيب

ابوعبدالله لومنت غالي ماجبتها على القاف العسر وترى القاف هذا (ماقد انكتب عليه من خلقت الدنيا) وانا مسؤل

عن كلامي

صحيح عشرة ابيات بس يكفيني اني اول شاعر يمدح بقاف جديد ماقد لعب عليه شاعر على وجه الأرض حسب علمي

وهذا والله ماهو غرور بس لأن قصيدة الزعل على نفس الفكره وحبيت ارضي الله ثم ارضيك بنفس الحيله

[صادق الود]

صح السانك ياشقران ولاهنت يالقرم تحياتي

[ناشي الصخيني]

شقرااااااااااان

ابا انصب الأطنـاب بيتـي مخومـس
واقـوم العمـدان وافـتـح مـذاريـه

صح لسانك على هالجزله والكويتي يستاهل من يرضيه والخطأ مالله حبه

[السيناتور]

صح لسانك شقران ,,,,

وافية يالوافي,,,,,

يستاهل أبو عبدالله كل علمن غانم ,,,,

[غنام العرافه]

شقران

صح لسانك ورفع الله شانك وتسلم قصيده رائعه وبيض الله وجهك ، وأبو عبدالله يستاهل الدوواين ولا تكفيه وعسى يوفق الجميييييييييع , تقبل مروري وفائق أحترامي لشخصك الراقي.

[شقران]

صادق الود

ناشي الصخيني

السيناتور


غنام العرافه


كلكم شعار ومروركم راقي ياطوال الاعمار


لكم جل احترااااااااااااامي

[ابن ربضان الحميداني]

صح لســــــــــــــــــــانكـ ولاهنت