غني عن التعريف
29/08/2009 - August 29th, 06:13 PM
بسم الله الرحمن الرحيم
السلآم عليكم ورحمة الله وبركاته
اقدم لكم ديوان الشاعر : ناشي محمد الصخيني
وامل ان يحوز على رضاكم
هذه القصيده قالها شاعرنا عندما طردوا الحمادين جموع المفحطين عن ام دباب
هات القلم ثم سطر القاف تسطيـر=ابا اشرح الموضوع في كل الاحوال
سلم على ربع(ن) حمو جوبة البير=وفكو ديرهم من سرابيت واهبـال
وفكو بيوت(ن)للنشامى المشاهيـر=اللي لهم ذكر(ن)قديـم(ن) ولا زال
نسل الكرام ومحتميـن المظاهيـر=بالسيف والشلفا وبجنوب الابطـال
اللي منـول يلحقـون المصاغيـر=فكاكة التالي علـى مـر الاجيـال
وحنا على ساقة ارجال(ن)مناعيـر=والـذل والله يـام دبـاب منـزال
عشرين وقفوادون جمع وطوابيـر=الضول ما هابوه مع كثـر الازوال
دونك ارجال(ن)تارد الموت وتغير=سلايل السربه مواريـث الابطـال
حنا الحمادين ولنا مضرب(ن)غير=من ماضي الايام تضرب لنا امثـال
نذكر ونعرف من عصر سالم الزير=بالطيب نشهر مابهـا قولـة اذلال
لاجاء نهار(ن) فيه شر(ن)بلاخيـر=رجالنـا ينطـح ثمانيـن رجــال
وين الربع غنا على راسه الطيـر=والمسندي منا لقى فعـل الاهـوال
وسقنا المعقل يوم وقـت المناذيـر=لين الرشيد اهتال من سبعة ارجال
لي الفخر فيهم وتفخربنـا مطيـر=ربع(ن)لهم في ساحة العز منـزال
نفديك والله يـام دبـاب ونسيـر=درب الرجال وفدوة الـدم والمـال
وقولي عليه شهود ماهوب تزويـر=واقوالناتعـرف لياجـن الافـعـال
اللي جرابـك يـام دبـاب تحذيـر=لحضر القصيم ان كان للعلم مثقال
وتسلم لنا ياعقوب من دون تقصير=بباقي الرجال وكل ربعي والابطـال
[/poem]
قاف سمعته هيض القلب ياسعـود=وهجوس فكري في مجـاره راوت
شاعر وفكري في مجاراه مشـدود=دام ان بيوتـه مايجيهـا تفـاوت
يقطف ورود الشعر من كل عنقود=يـوم المقـرد للمقـرد تصـاوت
ذكرتنـي ياصاحبـي ليـن العـود=اللي عليها الدمع حـول مشـاوت
ترسل علي سهومها يافتى الجـود=ماعندها الا الجـرح مايـوم داوت
أحبهـا والقلـب يالبـرق ملهـود=والبنت ماغيري من الناس هـاوت
منول معـه المحبـه فـري قـود=واليوم حيـن يشوفنـي قـال اوت
نرسل عليه ولايجي منـه مـردود=راح وعلي جروح قلبـي تضـاوت
أصافح الذكرى ورى كـل مطـرود=حزين دام أركـاب حبـي تثـاوت
ياخوك عن حب الغضي مأقدر أعود=دام أرتوت منه الجروح وتـراوت
يفداك يابرق الوسـم كـل مقـرود=القلب ماهـو سلـف والا كتـاوت
هيه يالي منطقك شد أنتباهي=تدعي بالطيب وتبز المناخر
تحسب إنك من رياجيل" دواهي=مادريت إنك مابين الناس الآخر
الفعل يزهى الذي للطيب زاهي=مانت كفو" للفعايل والمفاخر
عن علوم الجود والمعروف لاهي=خايب" بين العرب لو أتفاخر
كد نهيتك مير مأنته بمتناهي=لاتهاذي بالمجالس وأنت ساخر
عدنا بالطيب يالمقرود راهي=وعن رفيقي بالوفا ماني بذاخر
ضيفي أقهويه من دله وشاهي=وأذبح الحايل وعودا" فالمباخر
حافظ" بين البشر قدري وجاهي=وش يجيبك يالقوارب للبواخر
ماذكرت بطيب لو إنك تظاهي=لا السنين الأوله ولا الأواخر
تفتخر وأقول أنا فلم" فكاهي=للفخر مأنت كفو ولانت فاخر
ياشبيه الي ربض وزن الشياهي=خلك وزان المره وأرقد وشاخر
يابلاد العز منشى المسلمين=يابلاد العز يادار السلام
يابلاد العز بالله نستعين=لك غلا لك حب لك كل احترام
يابلاد العز يالسد المتين=دونك الأرواح ترخص بأهتمام
يابلادي يوم بين مايبين=قالوا الدنيا ترى فيها قتام
فيه ناس تحسدك خلك ذهين=لاتسمع هرجهم وسط الزحام
ويابلادي يوم صرنا فاهمين=شفت كيف الحسد يبغا لك هدام
شفتهم وشلون حطو لك كمين=شفتهم بعيالك بشرق وشام
غرروهم فهموهم مغلطين=درسوهم درس مبداه الخصام
ادعو في دين مدري اي دين=يقتل الشياب والطفل الفطام
وحطو ان الشعب كله مستهين=وكثرو باللوم لعيال الأمام
يابلادي والله انك تكرمين=عن ضعوف الناس وهروج الهلام
يابلادي انتي وردة ياسمين=فيك ريح الورد وارياح الغمام
يابلادي والله انا صامدين=ضد من يضهدك وعيال الحرام
نرخص الارواح لأجلك ميتين=ولايجيك من الضرر حتى العسام
يابلادي عزك الله تسلمين=دام عزك فيك بعيال الامام
وابومتعب بالولاء له مخلصين=سيدي قد المهمات العظام
سيدي ياسيدي لك معلنين=مانهاب الموت بغبات الظلام
والله انا لاجلسنا واقفين=ونتحرى الموقف لشد الحزام
ماحيينا لأجل نكتب كلمتين=حطنا الله للعباده والمهام
نحتمي الموقف ونضرب بالسمين=ولاهزمنا لاجل نسعى لأنتقام
ياملكنا بالوفاء دنيا ودين=الولاء ثم الولاء لك كل عام
افتخربك والفخر لازم يبين=في قصيدة شعر والا في كلام
هذه القصيده في زواج الأخ العزيز,,,,,عبدالله بن خالد بن ماطر العليم
بأسمك بدينا ياولي العرش في جزل القصيد=أبيات شعر" للجزاله منتوي طاروقها
أصوغها صوغ الذهب وأصبها صب الحديد=ونذر" عليه دامني شاعر لحفظ حقوقها
أقودها قود المطيه بالرسن من دون قيد=وأرقابها فوق الطوال بقدرتي وأسوقها
أحوفها من معرفة فكري قبل هرج البليد=أرفا خمايلها عن الزله وأخيط فتوقها
شاعر وتطلعني يميني مع هل الراي السديد=ومتذوقة شعر النبط تبشر بمرضي ذوقها
يامرحبا بالي لفانا من قريب ومن بعيد=عد المزون المرزمات اللي تلوح بروقها
وإعداد مانسنس هوى الغربي وما هز الجريد=ترحيبة" عن كل ترحيبه تبين فروقها
في مجلس" فيه الوفا والطيب والمجد التليد=والنار تشعم والدلال الصفر دايم فوقها
والعود الأزرق للنشاما يستدير ويستعيد=والحايل تقلط قدر للضيف في مرزوقها
عند الرجال أهل الدلال ملينة راس العنيد=ربعي هل الميقاف وأهل الطيب من منطوقها
وأهل الفعول النادره نطاحة العلم الأكيد=مثل الحرار الي على الجزله تتل سبوقها
ربع" لهم كل أحترامي بالقصيد وبالنشيد=ربع" لها قدر ومعزه والقصيد يلوقها
ماطر وأخوه محمد بوقت الشدايد له عضيد=وعبدالله القرم السنافي شوق منهو شوقها
ماوفي مواقيف النشاما لو أبا أكرر وأعيد=لو أرسم الأبيات وورود الشعر من فوقها
أعزهم وأفخر بهم بالوقت الأول والجديد=لا يابعد ناس" على الخيبه تمط شدوقها
عيال رجل" نادر" بالطيب والباس الشديد=هذاك أبن ماطر كعام الي وساع حلوقها
يالله عساه بجنة الفردوس والعيش الرغيد=وتجنبه عن نارك اللي تلتهب وحروقها
واليوم نور الجوهره يزداد بالعيد السعيد=مبروك عد غروب شمس الكون وإلا شروقها
جينا نسوق أحلى التهاني والوفا في يوم عيد=بأحلى العبارات الجميله والوصوف تفوقها
وياطيب راسي يوم أفاخر بالدويله بالقصيد=وأذكر بني عمي وهذا حق ضمن حقوقها
ربعي حمادين يضدون المعادي والضديد=عدونا عينه نهار الكون نكحل موقها
إليا تعزوينا يهون الكايد اللي مستكيد=في ساعة" فيها القرب يكبر مصب شقوقها
تشهد لنا صم الرمك والجيش من وقت بعيد=أرواحنا وقت الحرايب مرخصين" سوقها
كم من شجاع" لاتهقوانا يعود مايفيد=وكم من رجالا" بالوغا والحرب حنا عوقها
لعيون وضحا" تلتذع لوحت خبيط" للبيد=ولعيون من يزها مبيسمها جمال دقوقها
ألاد عمي محزمي باللازمه وأهم الرصيد=الشجره الي ياعساها ماتموت عروقها
ياالله إنك ترحم العين من شـي تشـوف=ويالله إنك ترحم القلب من ضيق الصـدر
ياولـي" بالشدايـد ميسـر للـظـروف=فزعتي لاصار مالـي مطيـر ولا مفـر
ضيق الخاطـر غزال"جميـل وفيلسـوف=نعنبوهـا صادفتنـي بكوريـش الخبـر
جادل" فيها الحـلا ماتوصفـه الحـروف=وآعذاب القلب من شوف بـراق النحـر
لامشت تمشي على هون وتهز الكتـوف=أتدلـع بالخطـا وأتغـطـرس بالكـبـر
زينها وهبه مـن الله وللعاشـق تلـوف=كل مافيها حـلا مـن شعرهـا للظفـر
ماقدرت أستحمل وقلت لحظه يالهنـوف=وقفي وأرجـوك لـدي عليـه بالنظـر
ليـه قلبـك قاسـي" لايـود ولايـروف=نعبوا دارك حجمتي علـى كـل البشـر
في عيونك خيل مع حرب مع سلة سيوف=أنتي الفتنه على الناس وأسباب الخطـر
لامشيتي صاروا الناس مع جنبك صفوف=الخلايـق لامشيتـي يشوفـون الـبـدر
العيون السود والعنق وأطراف الـردوف=والشعر ليل" على الصبح غطـى وأنتثـر
ترسلين سهوم عينك على عباد" ضعوف=مالهم حيلـه ولا حـل ياكـود الصبـر
مير سوي بـالأوادم جمايـل ومعـروف=لاتجين ولاتمشي علـى شاطـي البحـر
مير جعلك فدوة الي على قلبـي تحـوف=جادل" في وسط قلبـي غلاهـا مستقـر
مايزعزع في غلاها هبوب ولاعصـوف=مسهرتني عن لذيذ الكرى ليـن الفجـر
ياعساها سالمه من مقاديـر الصـدوف=بهذلتني مير أبا أطلب من الـرب الأجـر
تلـت القلـب المعنـا وزادت بالجـروف=والسبايب كلهـا سبـة القلـب الخضـر
وصفها ماينتوصف بوصف من الوصوف=ويش أوصف ويش أبى أقول طلـة قمـر
جادل" في حبها همت والحـب معـروف=من مشى درب المحبه يبى يلقـى العبـر
ياحبيب" فيك قلبـي مولـع ومهـروف=ياعسى يفـداك يازيـن سكـان الخبـر
قصيده في الشيخ : فيصل بن متعب بن سقيان
يالله ياللي عالـم" غيـب الأسـرار=ياواحـد" رزق الخـلايـق بـيـده
إنـك تنجينـا عذابـك مـن النـار=وتجيرنـا يـوم" عسيـر" مـشـده
من بعدها ياراكـب" فـوق فكسـار=سكبه وراع الصنف لـه فيـه لـده
فكسـار يابانـي بتصميـم بيطـار=إليا عطـى لـه سهلـة" مجرهـده
توه جديد وقيمتـه غالـي الأسعـار=ولا ياصلـه راع الفقـر والمـكـده
إليا ضرب له سهلـة" مابهـا قـار=تقـول حـر" منصـرم فـي مهـده
أركب عليـه ولاتهوجـس وتحتـار=نصه لشيـخ" مـارد الطيـب عـده
منصاه يم مليـح وافيـن الأشبـار=شيـخ" معـرب يـم خالـه وجـده
فيصل ولد متعب ليا صـار ماصـار=له هقوتن تبعد ورى الطيـب شـده
مني سـلام" عـد ماطايـر" طـار=ياسـايـقـه بالله للـشـيـخ وده
شيخ" ولد شيخ" ومن ماكر أحـرار=يوم إن شيخة بعض هالخلـق مـده
ياشيخ ينصونـك طحاطيـح وكبـار=والـي نصـاك بلازمـه مـاتـرده
والعـود الأزرق والمباهيـر تنـدار=يوم إن ولـد الـلاش طيبـه بنـده
لك ماقف" يشرى بغاليـة الأسعـار=وكل ماقف" عسر" تراك أنـت قـده
أبن الحمايل مكرم الضيف والجـار=وفي لازمي ناصيك وأنتـه مسـده
نسل الشيوخ الي لهم فالبلـد كـار=وأبـوك متعـب مانسيتـه وأعـده
حر" وفيه تقـال زينـات الأشعـار=مزبان من ضده من الوقـت ضـده
ستر العذارى من قديمات الأعصـار=قرم" على الفزعات في كـل شـده
أبوك راع الطيـب دواس الأخطـار=لو إن بعض الخلـق ماهـو بـوده
قرم" علـى درب الردييـن ماسـار=أنتم هلن للسـرج وأهـل الأشـده
يوم إنها ماغيـر فـارس وسبـار=قـوم" لكـم فـي نجـد هـده ورده
وإن صاح صياح الضحى وقت الأنذار=كم شيخ منكـم قبـل القـاع خـده
المدح يزهى كل ماضيـن الأذكـار=مثل الشداد إليا ركـب فـوق بـده
ياشيخ يفدونـك ضعيفيـن الأفكـار=وياجعـل تفـداك الوجيـه المصـده
جني بنات الفكر جلـن مـع إبكـار=وضح" توحى يـم صـوت المـوده
وصلاة ربي عـد همـال الأمطـار=على النبـي وإعـداد سكـان جـده
على الله ياهجوس الشعر والميدان ياحميدان=جزيلات القوافـي ودي أطرقهـا وأغنيهـا
سرى ليل العرب والنوم خله ينفع النعسـان=وساعات المواقف مالها إلا مـن يهقويهـا
أشيل الحمل وآقفبه وأزوزيبه مثل شقـرانولا تشكي متونـي والحمولـه ماتشقيهـا
أسج الرجل مع درب النشاما وأترك الرديان=أمشيها وأنا في قطعـت الفرجـه مضريهـا
أروم الطايله باللازمه وأصهل صهيل حصان=وقواف" مالها معنى هجوسـي ماتسويهـا
بيوت الشعر اثبتها واراصفها على الميـدان=بعد ماحضـرت وزنـا" تحيينـي وأحييهـا
أصوغ البيت وأحوفه عن المنقود والنقصان=وأصـور بالقصيـده مايلـيـق بقوافيـهـا
صخرت البيت من دافع محبة شرد القيفـان=ونحت الصخر والقمـه بفضـل الله معديهـا
أطرز بالقصيده طرز من لولو ومن مرجـان=عشان المستمع يطرب لها من يوم يوحيهـا
أروضها وأطوعها بليـا سـرج وإلا عنـان=بأوامر ناتـج المفهـوم أمشيهـا وأقديهـا
لها خلف الضلوع العوج مدهال ولها مسكان=أوردها على عد القصيـد العـذب وأرويهـا
يدور الكون والأوقات بأمر مدبـر الأكـوان=يسيرها ولي العرش حسب أمـره يمشيهـا
ألا ياوقت يالي فيك كثرة شهـرة الفرسـان=صقاط" في زمان العومله كثـرة مغازيهـا
غزى الساحه شواعير" بلا معنى ولا عنوان=نشوف العلـه القشـرا ولا نقـدر نداويهـا
رجالا" مبتليـن الشعـر بالقيفـان والأوزان=هذاك بيوت كاسرها وذاك بيـوت شاريهـا
حداهم لانشدته قال أنا المبدع وأنـا الفنـان=وأنا صاخر قوافيها وأنـا مسـس مباديهـا
يحسب أن القصايد هرج يم فلان وإلا فـلان=يجر الصوت مايـدري ومسباحـه يلويهـا
لقى ناس" تطبله وجاه من الطبـل زيـران=بلى نفسه ببـدع القـاف والقيفـان باليهـا
يبي صيد المعاني مير كنه طير أبن برمـان=يشيل الكلمه العوجـا وبالساحـه يوطيهـا
غريبه شخص يارد عد ويصدر منه ضميان=مصيبه ياعساني في زماني مابتلـش فيهـا
أعزتهم قنوات الفضاء والفضـل للرحمـن=وخلتهم شواعيـر" تفاخـر فـي معانيهـا
قناوات" لها منـي تحيـات ولهـا عرفـان=حوت موروثنا الشعبي بحاضرها وماضيهـا
وأنا ماعم كل الناس به ناس" لهـا ميـزان=شواعير" تشرف فـي قصايدهـا وطاريهـا
مشاكل مالقينا حلهـا مـع دورة الأزمـان=مع الأيـام زادت وأبتلشنـا فـي بلاويهـا
يامرحبا من دافع أحساس وشعور=باللي مراسيله لفت مع رسولـه
قرم" شكالي من عنا الحب مخطور=وأسند عليه بعـد ماطـق جولـه
لامبارد يشكي وده الحـل بالفـور=وناشي عشان القرم مسرج خيوله
أرسل علي الهم في مجمل سطور=يشكي فراق العيطموس الخجولـه
أسانده وأقف لـه بكـل الأمـور=ماهو بحكي لسـان وإلا مقولـه
نرسل على خلك مراسيل وسبـورونجيب علمه يوم ربعـي عنولـه
وكانه على فرقاك ماهو بمجبـور=وأقفى وصدق فيك ناس" حكولـه
ياصاحبي كانك تباتاخـذ الشـور=اسمع كلا مي وفهم اللى بقولـه
احيان راع الحب يمشي بلا شعور=يحفي قدم رجله ويتعـب ذلولـه
لويشتكي ويصيح الناس معـذور=نفسه على فرقا وليفـه زعولـه
اصبرعلى الاحزان والسهروالجور=ويجيك يومن كـل همـن يزولـه
قصيده موجهه للشاعر : عبيد علي الحميداني
ألا ياوجـدي ياعبيـد علـى مـافـات=وجود الشجـاع الـي لياليـه بهذلتـه
يبى الوقت الأول مير هيهات ياهيهـات=زمانـه لعبـه والمقاديـر مشغلـتـه
شجاع يفك الجمـع ويصامـخ الهيـات=وسيف الوفـا والطيـب يمنـاه ناقلتـه
عقيد النشاما يوم الأكوان لـه وقفـات=مع أهل المواقف تعرف القوم منزلتـه
يفك الجموع وضربتـه تبـري العـلات=لكن الليالي مـن ماهـو فيـه حولتـه
غدر به حقير" للـردى فيـه ماريـات=إطعن بالمنام وطعنـت الغـدر شللتـه
يبى يقوم مير العلم ماهو على الهقوات=سطت به جروحـه ياعبيـد وعازلتـه
عن الناس صد وقام يضحك به الشمات=تقل مايمينه مع هـل الطيـب مهلتـه
يذوق الممات بداخله مير هـو مامـات=يقوم ويطيح وكبـر الوقـت مشكلتـه
يشوف النكد دايم وهو عالي الهامـات=يجر الونيـن وعينـه الدمـع سيلتـه
صوابه عطيب وزايد الجرح بالمشكـات=ولاله ربوع وكـل الأصحـاب مهملتـه
وأنا الحال مثله لي زمانين ود وهـات=على الجادل الي صد مـن يـوم دللتـه
عطيته خفوق" فيه حبا" حيـا مامـات=وعلى صادق الأحساس والحب عاملتـه
فديته بقلب" عاش من شانه المأسـات=وأحاسيس شاعـر بالمشاعـر تمثلتـه
خياله بعيني مايفارق صـدى النظـرات=وبرقه يلوح وعيـن ناشـي مخايلتـه
أحبـه وحبـه بالدقايـق وبالساعـات=يزود الغلا فـي كـل لحظـه تخيلتـه
حسين الطبوع أبو الدلع سيد الخفـرات=مع الناس ماضنـي نحصـل لشاكلتـه
أبو لبة" بيضـا" كمـا شعـة اللمبـات=غـلاه بضميـري مايوفـا بمـا قلتـه
نحت أسمه بقلبي وفرقـاه زاد آهـات=ذبحني ولا أدري وش سبايب مجاملتـه
يكسر مجاديـف المحبيـن دون إثبـات=وأنا لأجل عينـه كـل شـي" تحملتـه
هجرني بعد ماأركى على القلب بالعرقات=ولا أدري ورى نفسه على البعد سولته
جداي أفرك الكفيـن وآجـاذب الونـات=على الي تواصيفه مع الملـح كملتـه
أنا ويش أسوي ياعبيـد بهـا الأوقـات=لفاك الصخيني مالقـى حـل لأسئلتـه
يوم" لك مع الشعار صوله ولك جولات=وتعرف الهوى حيث أنت يالقرم عابلتـه
لفيناك نشكي من عنى الوقت اللوعـات=ومثلك يابو محمـد تشـرف مساجلتـه
من لاينال المرجلـه فـي شبابـه=ماضنتي يلقا المراجل ليـا شـاب
كل" على الطالات يشعـب ركابـه=ولافيه شي" غير في بذل الأسبـاب
إليا أذن المـذن عليـك الأجابـه=وصل الفرايض وأسجد لرب الأرباب
أعبد ولـي" مالـه أحـد" يشابـه=مفرج الكربات في وقت الأنشـاب
وامك وأبوك أرحم بهـم والقرابـه=لاتقطع الأرحام بالربـع الأقـراب
هم الأجر وإن كان تبغـى المثابـه=وخل العلوم الثانيه عنـك مجنـاب
وأفطن وخلك ذيـب بيـن الذيابـه=وأحرص على خوة طويلين الأشناب
أهل النقا والطيب وأهـل الحبابـه=كسابة الناموس في وقت الأصعاب
الـي مواردهـم سـواة اللهابـه=لاجيتهـم باللازمـه فكـو البـاب
وإلا الردي مافـي مخـاواه ثابـه=لو طاب لك يومين تـراه ماطـاب
لابد من يوم تشـوف الـردى بـه=وتقول له روح ترى خاطري طـاب
ولد الردي ماينحسـب وش تبابـه=والله مايحسب من حساب الأصحاب
لو كان له جـدان وفعـول لابـه=ماحد" يعدل بالعصا عوج الأرقـاب
ماينفعـك لا كشـر الوقـت نابـه=كنه سهم سبكيم وإعمار وإنسـاب
وأنصحك عن شي" عليك إجتنابـه=لاتصير بأعراض الرياجيل شـذاب
هرج القفا على النشامـا معابـه=هرج القفا وإلا التنابـز بالألقـاب
يخلـي الرجـال مالـه مهـابـه=وينزله مابيـن ربعـه والأجنـاب
والمجلس وأحذر لاتزيد الحكى بـه=لاصار بالمجلس من الناس شيـاب
الهرج منقود" علـى الـي هذابـه=وعيب" على الرجال لاصار كـذاب
أتبع طريق الطيب والـي سعابـه=ولا تترك شماغك ولا تلبس الكاب
ودرب" يجيب الريح قم سـد بابـه=مالك ورى بعض السواليف طـلاب
قصيده في زواج الأخ,,سطام بن علي بن سالم القصيم :-
بأسم الآلـه المعتلـي رب الأكـوان=الواحـد الـي عالـم" بالسـريـره
من يوم لاح البرق في غر الأمـزان=يالله عسى بالأمـر خيـر" وخيـره
القاف جاهـز للمعانـي والألحـان=من شاعـر نبـع الوفـا يستثيـره
يسوقه الدافع من إحسـاس وجـدان=للي لهـم بالطيـب والجـود سيـره
سـلام يارمـز الوفـا ياكحـيـلان=يانـادر" بالطيـب عقلـه شـويـره
قرم" تسلل مـن سـلالات شجعـان=حـر يبشـر بالسعـد فـي مطيـره
شيال عسـرات الحمولـه بليهـان=بالـراي راع المعرفـه يستشـيـره
علي ولد سالم على العـز والشـان=له صفحـة" بالمجـد دايـم نويـره
له ماقف" يشـرى بغاليـة الأثمـان=لا يابعـد راع اليـديـن القصـيـره
للاش لاش ووقته الشيـن لـو زان=مـع دورة الأيـام يعـرف مصيـره
وإلا أنت للطاله ولا الطيـب عنـوان=ولك في مجال الطيـب دوره وديـره
ربعك هل الفزعات من ماض الأزمان=منهم جموع القـوم راحـت كسيـره
قصمان لاركبوعلى الخيـل فرسـان=بالشلـف والا بالسيـوف الشطيـره
عدوهم مكسور مـن غيـر حقـران=كسـر" بيبطـي مايلاقـي جبـيـره
من جاء يبيهم تالي الليـل طمعـان=يـروح حبـا" بالرحـا المستديـره
تشهد لهم صم الرمك يـوم الأكـوان=وتشهد لهم بالطيب شبـه الجزيـره
ياما أكسبوا بالكون حلـوات الألبـان=وياما رمو روس" بالأسماء شهيـره
خوال أبوي مرجحـت كـل ميـزان=يعني خوالـي هـم كعـام المغيـره
ومبروك ياسطـام ياطيـر حـوران=عسى السعد فالـك ولافيـه غيـره
وأنا ماقـول إلا مثـل قـول راكـان=مثـل ومـن راع المثـل نستعيـره
ماقـل دل وزبـدة الهـرج نيشـان=والهرج يكفي صاملـه عـن كثيـره
أقسم وخل الضرب والطـرح قـدام=مـادام نفسـي للبيـوت محديـه
شاعر ومرفوع علمي بين الأعلام=من فضل ربـي ماقنيـت الرديـه
هيضني اللي حط للقـاف مرسـام=شاعر وصاغ الشعر من مقدريـه
شاعر ويحسب مع هل الشعر مقدام=من ناتج أفكـاره يقـود السريـه
نحت بيوت" كنهـا نحـت الأهـرام=من الجبـل خلـى معانـي جريـه
فيها من الورد وبها شويـة ألغـاهديـة" ياطيبهـا مــن هـديـه
العلم فيه علـوم والعلـم صـرام=اعنـه صـده يالرجـال العذيـه
لاصار مبهم يبشر بصمـة إبهـام=وتحليل مفهـوم البيـوت الذكيـه
أفسر الموضوع تفسيـر الأحـلام=لاضاعـو الرديـان بالمهمهـيـه
الناس ماهم يافتـى الجـود خـدام=وأنته تعـرف إن الليالـي مديـه
الشرق ماله ذنب يبلا مـع الشـام=لاتجمع الأثنيـن وسـط الخطيـه
مافيه عز" غير في ديـن الأسـلام=فـي طاعـة الله وأتبـاع لنبـيـه
لكن أنا بسألـك يالبـرق بـأولام=يوم أنت في شعرك تحالـي طميـه
سؤال عيـت تكتبـه كـل الأقـلام=لـو إن ماحلـه بصعـب" عليـه
يابرق ليـه الزيـر يثـأر بهمـام=عقب الأخوه كيـف يذبـح خويـه
مدري يبى الشهره بذبحه والأعلام=وإلا إن نظراتـه تخيـل الثـريـه
الحل عندك وأرسله يأبن الأكـرام=عبر الأميل أرجوك حـل القضيـه
ياراكب الي يدنـي البعـد ممشـاه=توه جديـد مـن البواخـر منـزل
الموتر الي مـن حفيـزه شرينـاه=ودك تتله مـع طعاميـس وعبـل
كـل المواتـر لامشـى ماتـعـداه=بين المواتر كاسب اعلـى المنـازل
تصميم فكـر يـوم سـواه سـواه=عود ولو تاصف له الـدرب مـادل
ياسـايـقـه بالله يـاخــوك بالله=نصـه لقـرم بالشديـدات مــاذل
اركب عليه ودق سلفـه ومنصـاه=راع الكـرم والمعرفـه والمراجـل
هو صاحبي جعـل البـلاوي تعـداه=وياجعـل تفـداه الرخـوم المبـدل
راع الحجاج المسفهـل لاعدمنـاه=منصى لعكفان الشـوارب ومدهـل
سلم عليـه وحـط خطـي بيمنـاه=وليا لفـاه الخـط ماهـوب باحـل
يابو محمد ذقـت شيـن المعانـاه=أسهر طوال الليل ودموعـي تهـل
على وليف" تل قلبي مـن أقصـاه=تل الرشا من قاعـة البيـر لا تـل
أقفى وقفـت يالشطيطـي مطايـاه=غرو على قلبي مسيطـر ومحتـل
الـي عقـد مثنـاة قلبـي بيمنـاه=عقد المرار ليا انعقد زيـن ماحـل
قام يتغلى واطرده واطلـب ارضـاه=قفى وانا اشكي منه سوء التعامـل
ماشوف انا بالعين غيـره ولامـاه=ريمية ياخوك تجفـل مـن الضـل
افز انا لاوحيـت صوتـه وطريـاه=واليوم جيتك واشتكي من هوى الخل
حيثك تعرف الحب وتعرف مجـراه=شاعر مع اهل الشعر تنقض وتفتل
يابو محمد محتمي كـل مـن جـاه=جاك الكتاب وصاحبك يطلب الحـل
-----------------------------------------------------------------------------مناسبة القصيده خروج الاخ/ فلاح بن الحميدي بن عبيسان الحميداني من المستشفى
بأسم الولـي رب العبـاد أستعنـا=مدبر الأحـوال بالصبـح والليـل
الواحـد الـي عالـم" ماجهلـنـا=منـزل كتابـه بالأيـات تنـزيـل
معلقيـن" بالـولـي دوم أملـنـا=مافيه غيـره يستحـق التهاليـل
يوم أرعدت غر المـزون ولفنـا=وأنهل من مزن الخيـال الهماليـل
جالي مع الطـاروق قـاف" يغنـا=ونظمت قـاف" لاود عـدل الميـل
هاض الصخيني من هجوس" تغنا=بأقصى الضماير قامت تحط وتشيل
ماني مضريها علـى غيـر فنـا=لها على العد الرهـاوي مداهيـل
ماجبتهـا منـا ومـنـا ومـنـا=أتعب على معنى جزيـل التماثيـل
لي هاجـس" باللازمـه ماتونـا=والحمل ماله غير شقران وشعيـل
لين القصيده تاصـل لمـا أتمنـا=وتصبح كما ورده على شاطي النيل
لاح الخيال وهايـم الفكـر غنـا=ووردن بنات أفكار شعري مقابيـل
مني سـلام" عـد ورقـا" تغنـا=على الغصون العاليات المضاليـل
يشمل قريـب الـدار والـي تعنـا=من دافع الأحساس مافيه تضليـل
أخصبـه راع الـوفـا والمثـنـا=قرم" رقى بالطيب للجدي وسهيـل
عـدا مراقيـب الوفـا ماتـدنـا=له ماقف" ماهوب حـزة تساهيـل
قرم" على الطاله صروحـه تبنـا=فلاح أبو هابس حفيـد الحلاحيـل
الطيب ساسه دون شـك" وضنـا=كسـاب قـالات الوفـا والتنافيـل
ذباح حيـل مـن الشحـم غلقنـا=وله مجلسا" تندار فيـه المعاميـل
يشري المراجل لو قسـن وغلنـا=يوم الردي ماله عزيمه ولا حيـل
تنصاه شوخ القـوم وإلـه أتعنـا=وتجيه بالشـده زحـول الرياجيـل
عـد" عـلاه النـاس منـا ومنـا=هذا نزل حولـه وذا مـره محيـل
جده عقيـد الخيـل لامـن غزنـا=كم واحدا" منهم يشـوف البهاذيـل
واليوم جينا يـوم الأفـراح جنـا=نـزف باقـات التهانـي مواويـل
على السلامـه بالقصيـد أحتفلنـا=يوم الولي سلم رفيـع المنازيـل
سـلام ياربعـي حمـاة المجنـا=ياعز من ضاقت عليـه المداخيـل
حنا الدويله ماكـر الطيـب حنـا=يشهد لنا التاريخ جيل" بأثر جيـل
حريبنـا بالـوقـت لا ماتهـنـا=لاشافنا يعـذر بتالـي المحاصيـل
أنا أشهـد إن الـي نطحنـا تعنـا=إليـا تعلينـا المهـار المشاويـل
لاثـار عـج الخيـل وأعسامهنـا=عاداتنا نفزع على الكنـس الحيـل
كم فارس" من فوق سرجـه تثنـا=جبناه في حدب السيوف المصاقيل
ويوم الخيـول المكرمـات يعدنـا=يشهد لنا التاريخ والهجن والخيـل
ويوم السيوف بضرب الأيدي تحنـا=السيف ماعلـق لزينـه وتجميـل
ودخيلنا يفـرح ليـا مـن زبنـا=يرقد بأمان ولايشـوف الغرابيـل
الفضل للـي عزنـا مـا خذلنـا=رب" جعلنـا مضـرب" للتماثيـل
نبقى على الميقاف مع درب أهلنامن دون قاصر في جميع المشاكيل
وأختامهـا يـوم القوافـي تغنـا=ياجعلها ترضي سموع الرياجيـل
لله مـن قلـب تبلـواه الأمــراض=أليا بغـى يرتـاح جـاء مايهيضـه
بسباب من قفى عن القلب مغتـاض=زود على قلبـي همومـه وغيضـه
أبو مبيسـم كنـه البـرف لانـاض=في ليلة غاب القمر عـن وميضـه
وأبو جديل فـوق الأمتـان نقـاض=وله مشية مثـل الحمامـه بفيضـه
حلفت ماسمع فيه ناصح ووعـاض=لو زاد نصحـه يالبشـر وتوعيضـه
عليه دمع العين ياخوي كـد فـاض=ونفسي على شوف الغضي مستهيضه
واليوم أبسند شكوتـي يـم عـواض=الحل وشهـو والمشاكـل غميضـه
وجدي وجود اللي عليه الزمن جاض=وضاقت عليه فجوج نجـد العريضـه
جاه مرضن فيه المخاليـق تعتـاض=ومن الحياه أيـس ولافيـه عيضـه
على الذي قفى وأنا فيـه ماعتـاض=روح وروحي مـن فراقـه مريضـه
قـاف" لفانـي بـه الأفكـار مهتمـه=من شاعر" لانطق ياقف لـه الماشـي
يامرحبا عد من يـارد علـى الجمـه=بالشاعر الي بيوته تدهـش أدهاشـي
يشكي من الوقت راع الطيب ويذمـه=دز القوافـي وقـال الحـل ياناشـي
وأنا أبن خاله وأنا درعه وأبن عمـه=وأنا عضيده لاصار الراس منداشـي
أرد المنايـا عشانـه وأرفـع الهمـه=يوم إن راسي وتفكيري معه شاشـي
يأبن سعيدان موت الداب فـي سمـه=أخير من نابه اللـي تقـل منقاشـي
بعض البشر لو يجيه الـورد ماشمـه=وإليا ذبل مايفيـده مرشـي وراشـي
العلـم نعـرف مضامينـه ونزتـمـه=والفرق واضح مابين عميش وعماشي
طرد المقفي ماسر اللـي يجـي يمـه=لو حدك الوقت عنده مأنـت معتاشـي
يزيـد همـك علـى همـه ولا همـه=تجيك عوجاه مثل الكحـل بالشاشـي
أقولها من هجـوس" تعـرف اليمـه=والظبي معروف مافي راسه عراشـي
خل المقفـي قبـل لايجيـك بمطمـه=مادام فوح القدر ياصاحبـي غاشـي
يامحمد الخالد نويت أطـرق جزيـلات البيـوت=من يوم عقبت الحفر متوجهـن يـم القصيـم
سبة هموم" بالحشا قامت تشوت القلب شـوت=جرحي من أسباب الغضي ياصاحبي ماهو سليم
أحاول أنسا ماجرالي منـه لكـن لـو أمـوت=ماأنسا حبيب" مسكنه خلف الحنايا مـن قديـم
أغليه وأحبه كثـر ماعقـاب متعـذب بنـوت=غرو" منه جرحي يابن ماطر من الفرقا سقيـم
غرو" تجيني صورته بالليـل والعالـم خفـوت=وأسج مع ذكرى عديل الروح يامحمـد وأهيـم
ماهمني به هرجة العاذل ولا وهرج الشمـوت=يبقى حبيبي يابو تركـي كـل ماهـب النسيـم
إليا صدفني كن سيف الحب بالصـدر مغمـوت=وإليا فقدته كن سيف الغدر في ظهـري مقيـم
وشلون أجيب الجوهره والجوهره في بطن حوت=عسى الولي يهدي عبـاده للسـراط المستقيـم
ياويش أسوي يابو تركي وأنت شيـال التخـوت=عطني جوابك ياوسيع العـرف تكفـا يالعليـم
عزتي للي عيونـه ساهـره عيـت تباتـي=ما يذوق النوم والعالـم رقـود ومستريحـه
يا منيف هموم قلبي مـن عنايـه مقبلاتـي=لابغيت اقوم وانهض طحت لي تسعين طيحه
لو تشوف الابتسامـه ماهـي بعلـم ثباتـي=ابتسم لكن معاليقـي تـرى ماهـي منيحـه
سبة الي ما يفارقنـي لـو انـي بالصلآتـي=صد عني لين خلآ كـل احاسيسـي جريحـه
والله ما قطعت الوصل في عـذب الصفاتـي=مير بنت الناس في وصلي يابن خالي شحيحه
صدت المملوحه وخلـت عيونـي ساهراتـي=وما يعوضني بهـا المترديـه والا النطيحـه
جعل من لام الصخيني في هوى سيد البناتي=تبـلآه المشاكـل ليـن ياقـع بالفضيـحـه
والله ان شفـي بقربـه والمـواري بيناتـي=كل مافيني يبيه وكـل احاسيسـي صريحـه
كانه اقبل عارف " منزالـه وقـدره بذاتـي=وكانه اقفى مانقول الا عسـى ربـي يبيحـه
مل قلب في هوى الزين يااااااااافايز تولع=لاكتمت الحب بالقلب تفضحنـي دموعـي
من غلاه القلب خطرا على القلب يتشلـع=ودي بشوفه ولـو مرتينـن فالسبوعـي
الوليف ااااااااااااللي ذبحني بزينه والتدلع=جامع غير الوصايف بعد حسن الطبوعـي
لابغيت أصد قلبي من اااااااااااالفرقا تملـع=وان بغيت أروح وأغيب يامسرع رجوعي
مير قلبي من فراقه يابو هلااااااااااال ولع=له غلا مبطي وراسي ورى حدب الظلوعي
النوم عيا يجينـي يابعـد حالـي=والسبه أنتـي خيالـك مايخلينـي
أنتي لي أكبر طموح وأكبر امالـي=مافيه غيـرك بهالدنيـا يسلينـي
صوتك تطري علي ودايـم ببالـي=في كل لحظه تتابع صورتك عيني
واذا طرى أسمك عليه زاد غربالي=ودي على شوفتك ياغلى محبينـي
أنا بدونك وحيد وناحل (ن) حالي=وأنتي علاج الفؤاد اللي يداوينـي
[poem=font="Simplified Arabic,4,darkblue,normal,normal" bkcolor="transparent" bkimage="backgrounds/1.gif" border="inset,4,gray" type=0 line=0 align=center use=ex num="0,black""]
مشيـت درب الهـوى وأنـا طبيعـا"=واليوم شفني كسيـف الحـال ليليـا"
ماكنت أظـن المحبـه بعدهـا فرقـا=ولاكنـت أحسـب عواقبهـا نهائيـا"
يالين شفت الخيانـه مـن محبينـي=وأصبحت أغنـي وأهيجـن لاإراديـا"
أحاول أكتم شعوري وأكتم إحساسـي=لكن ماأخفيت قـدم النـاس مرئيـا"
ياصاحبـي ليـه تجفانـي وتطعنـي=بعد الغلا صرت لي شخص أنتهازيـا"
عطيتك الي مايعطى واحـدا" غيـرك=قلبا" على الحب والأحسـاس مبنيـا"
ياما سهرت وكرهت النـوم لأعيانـك=وياما خيالك يجينـي كـل عصريـا"
وياما الهدايـا تجيـك لحـد بيبانـك=وياما دفعنـا بهـا شيكـا" ونقديـا"
وياما على شان شوفك جيت عاني لك=أقطـع مسافـات خيـالا" ورجليـا"
ماكان يطري علـي إنـك تفارقنـي=حتى أكتشفت إني من الحب منسيـا"
عشقت غيـري وجـددت المعاناتـي=وأنا الذي كنت أضنك لـي حصريـا"
سواتـك الـي تسـوي مايسويـهـا=إلا مسيحـي مــردد أو يهـوديـا"
أنا أشهد إني عطيتك قلب وافـي لـك=لكنـك أصبحـت خائـن وأنتقاميـا"
أخطيت وأنـت متعمدنـي وقاصدنـي=وأنا أدري إن الخطأ ماهـو بعفويـا"
واليوم تبغى ترجعنـي علـى حبـك=من بعد موجبك صار العكس سلبيـا"
تبطي عظم ماأجيـك ولاأتعـذر لـك=ماأنزل الـراس لـك وأنـا مطيريـا"
رح جعل ربي يسهـل كـل خطواتـك=بدونك أحسن أريـد أعيـش حريـا"
بلا مشاكـل ودوخـة راس ماريـدك=يعني وجودك معي ماهـو ضروريـاقصيده بزواج الأخ العزيز..علي غنيم بن جبرين لعلها تنال أعجابكم وأستحسانكم:
يالله يالي بأسمك أبـدأ وأسجـد لوجهـك شكـر=يامصرف أحوال العبيـد وعاقـب الليـل بنهـار
من بعد ذكرك منتـوي لأبيـات شعـر" كالـدرر=والله لأروضن علـى ماريـد ترويـض المهـار
ياهاجسي حضر وأنا خابرك فـي وقـت الشعـر=مأنته مضريني علـى الروغـات والا الأعتـذار
خابرك في وقفتك تشفـي همـي الـي بالصـدر=تمتاز عن غيرك ياهاجوسـي بحسـن الأختيـار
أرسم لي الفكره بعد شبيـت نـاري مـن سمـر=وأبشر بقاف" يطرب السامع مـن طـوال العمـار
لها ورى عـوج الحنايـا مسكـن" دايـم خضـر=من ناتج أفكاري ومن فنـي وكلـن لـه مسـار
واليـوم مـاوالله دون الصاحـب الوافـي عـذر=والموقف الحساس أبـا أحطـه بعيـن الأعتبـار
سلام تسليمة وفاء مـن شاعـر" لامـن حضـر=ياقف له الجمهور ويشوش الكبار مـع الصغـار
تسليمة" فيها من الأطيـاب خمـس ميـة عطـر=وألذ وأحلى مـن قـراح المـاء ودر أم الحـوار
تشمل جميع الي حضر من بدو وإلا مـن حضـر=إعـداد ماقالـو يميـن وعـد ماقالـو يـسـار
وتختص علي غنيم أبن جبريـن رجـال السطـر=الصاحب الي له مع أهل العرف وأهل الطيب كـار
حر" نـدر بالعـز فـي روس المعالـي وأشتهـر=ولاهي غريبه دام أبن جبرين مـن ماكـر حـرار
له مجلس" فيه الدلال الصفـر مصطـوره صطـر=من وارد الرسلان مصطورات في وسط الوجـار
كيف النشامـا كاسبيـن الطيـب تيجـان الفخـر=من صبة الدله يعـوج البـن مـع ريـح البهـار
علي علـى علـي السعـد لادق مزمـار الخطـر=ماذم عند الربع في طيبه وفـي حسـن الجـوار
من روس" ربع" بالشدايد تـارد المـوت الحمـر=إليا أعتلو صم الرمك يقفـون بالوضحـا جهـار
مخلديـن أفعالهـم لأجيالهـم عـبـر العـصـر=يوم إن بعض الناس لايذ خلف الأسـم المستعـار
الـي تهقواهـم حصيلـه يأخـذ دروس وعبـر=يرجع كسير جناح ماينقل ياكود أقسـى المضـار
من فعل شلفا" ماتوقع غيـر فـي وسـط النحـر=وسيف" يحذف الروس حذف الناس لأحجار الجمار
في وصفهم تعجز جميع الصحف ويخلص الحـبر=كسابة الناموس وأهل الطيـب ورجـال الوقـار
ياعلـي والله مـن معزتـك ومكانـك بالـصـدر=أصبحت أعز الي سكن ياخوك في وسـط العمـار
جيتك وأنا حامل معـي باقـات مـن ورد وزهـر=جينا نبارك لك ونفرح بـك بعـد طـول أنتظـار
فـي ليلـة" فيهـا يشـع النـور ويبيـن القمـر=ليـل" نعـده مـن ليـال المفخـره والأزدهــار
مبروك يأبن غنيـم يارمـز المواقـف والفخـر=يالصاحب الي له على عسـر المواقيـف أقتـدار
يالله عسى الأفـراح فـي بيتـك تعـم وتنتشـر=وتلقى السعاده ياوسيـع المعرفـه فـي كـل دار
ماجيت يمك غير مـن دافـع معـزه مـع قـدر=ياصاحب" علـى طريـق المعرفـه والعـز سـار
أقولهـا وأنـا حميدانـي علـى بطـن وظـهـر=من روس ربع" بالمواقف تحتمـي شقـح البكـار
قصيده للشاعر ناشي محمد الصخيني في غانم بن جديع الحميداني عند مغادرته الثامريه الى الكويت:-
ياللي نويتم حـزة عصيـر تمشـون=متوجهينـن يــم دار الصبـاحـي
ياليتكـم خمسـة دقايـق تريضـون=مقدار ماكتـب يـا كـرام اللواحـي
سلام مالاحت مـن القبلـه مـزون=واعدا د شب النار بارضـن بياحـي
سلامن من الورد والطيـب مـوزون=والـذ مـن در السنـاد السنـاحـي
الصدر ضاق وضاق مع صدري الكون=والقلـب كـن تغـز فيـه الرماحـي
على مفارقكم ترى القلـب محـزون=ياربعنـا اللـي باللـوازم سـلاحـي
لاهل دمع العين مـا هـو بممنـون=يهـل عقـب الطيـب والانشراحـي
لكم بوسط القلـب منـزال وركـون=مهما نقولـه مايـداو ي الجراحـي
ياربع ابو سلمـان للطيـب تثننـون=ياشبه حرن يـوم ضـف الجناحـي
هو راعي الطالات وابليـس ملعـون=لا يابعـد راع اليديـن الشحـاحـي
عسى سفركـم يالمناعيـر مصيـون=والخيـر تلقونـه بكـل النـواحـي
مدح الشيخ /مسير سلطان الدويش
ياسلام الله على مسيـر ولـد سلطانـي=الدويش الي على الطالات نـاره حيـه
مسير الي سار نهج الطيـب بالميدانـي=نادر" في ماقفه بالطيـب بـه ماريـه
مدهل الخطار ريف الجار وكحيلانـي=عز من ضامه زمانه في نهـار الهيـه
أرجح" من فعل كفـه تعجـز الأيمانـي=الشجاع النـادر الـي يكـرم الطرقيـه
له فعـول" مايوصفهـا كـلام لسانـي=لابغيت اعد أبا أبلـش بيـن ذي وذيـه
ياولد سلطـان مثلـك عـز للمطرانـي=لأفتخر بعض البشر في شخية" عاريـه
ويش أبا أكتب فيك دام إنك من الدوشاني=سمعتك عز وفخـر ماكنهـا إلا هيـه
شيختك عن جد والشيخه لهـا برهانـي=دون قاصر في شيوخ الكوره الأرضيه
يالدويش أقبل تحيـة شاعـر حميدانـي=واقفا" قدمك يسلم مـن سطـر وحميـه
نشرة ماقالهـا عنـي حسـن كرانـي=من هجوسي يازعيم المجد لـك مهديـه
مل قلب" لاطفه بالوقـت لاطـف=من سبايب جادل" عـذب فـؤادي
لي ثلاث سنين ودموعي تناطـف=من غرابيـل المفـارق والبعـادي
كن في قلبي سراحيـن" تخاطـف=لاذكرته وإنتحـى فيـه العنـادي
صد وفؤادي عن العيشه ملاطـف=كيف أبسلا والغضي شربي وزادي
هرجته در البكار الـي تعاطـف=نادرات الوصف وعراض التوادي
لاضحك كن العسل منه يتناطـف=والثمان الي مثـل لمـع الهنـادي
مالك" قلبـي بنظـرات" خواطـف=نظـرة الحـر المـدرب للهدادي
من زماليق الحشا والروح قاطـف=وردة" ماأسقيتهـا مـن دم عـادي
من شراييـن" تغذيهـا العواطـف=والمشاعر كل يـوم" لـه جـدادي
ثابت" حبه وغيره جـاء مشاطـف=أشهد إن الزين هو غايـة مـرادي
مشكلة قلبي معـه دوم متعاطـف=كل مأخطى قلت أنا كبوة جـوادي
لي زمان" مارأيت الزين عاطـف=مارحم قلب" لأجل عينـه مفـادي
والمصيبه صد والملعون خاطـف=خاطفا" قلبـي وقلبـي مأستفـادي
السلآم عليكم ورحمة الله وبركاته
اقدم لكم ديوان الشاعر : ناشي محمد الصخيني
وامل ان يحوز على رضاكم
هذه القصيده قالها شاعرنا عندما طردوا الحمادين جموع المفحطين عن ام دباب
هات القلم ثم سطر القاف تسطيـر=ابا اشرح الموضوع في كل الاحوال
سلم على ربع(ن) حمو جوبة البير=وفكو ديرهم من سرابيت واهبـال
وفكو بيوت(ن)للنشامى المشاهيـر=اللي لهم ذكر(ن)قديـم(ن) ولا زال
نسل الكرام ومحتميـن المظاهيـر=بالسيف والشلفا وبجنوب الابطـال
اللي منـول يلحقـون المصاغيـر=فكاكة التالي علـى مـر الاجيـال
وحنا على ساقة ارجال(ن)مناعيـر=والـذل والله يـام دبـاب منـزال
عشرين وقفوادون جمع وطوابيـر=الضول ما هابوه مع كثـر الازوال
دونك ارجال(ن)تارد الموت وتغير=سلايل السربه مواريـث الابطـال
حنا الحمادين ولنا مضرب(ن)غير=من ماضي الايام تضرب لنا امثـال
نذكر ونعرف من عصر سالم الزير=بالطيب نشهر مابهـا قولـة اذلال
لاجاء نهار(ن) فيه شر(ن)بلاخيـر=رجالنـا ينطـح ثمانيـن رجــال
وين الربع غنا على راسه الطيـر=والمسندي منا لقى فعـل الاهـوال
وسقنا المعقل يوم وقـت المناذيـر=لين الرشيد اهتال من سبعة ارجال
لي الفخر فيهم وتفخربنـا مطيـر=ربع(ن)لهم في ساحة العز منـزال
نفديك والله يـام دبـاب ونسيـر=درب الرجال وفدوة الـدم والمـال
وقولي عليه شهود ماهوب تزويـر=واقوالناتعـرف لياجـن الافـعـال
اللي جرابـك يـام دبـاب تحذيـر=لحضر القصيم ان كان للعلم مثقال
وتسلم لنا ياعقوب من دون تقصير=بباقي الرجال وكل ربعي والابطـال
[/poem]
قاف سمعته هيض القلب ياسعـود=وهجوس فكري في مجـاره راوت
شاعر وفكري في مجاراه مشـدود=دام ان بيوتـه مايجيهـا تفـاوت
يقطف ورود الشعر من كل عنقود=يـوم المقـرد للمقـرد تصـاوت
ذكرتنـي ياصاحبـي ليـن العـود=اللي عليها الدمع حـول مشـاوت
ترسل علي سهومها يافتى الجـود=ماعندها الا الجـرح مايـوم داوت
أحبهـا والقلـب يالبـرق ملهـود=والبنت ماغيري من الناس هـاوت
منول معـه المحبـه فـري قـود=واليوم حيـن يشوفنـي قـال اوت
نرسل عليه ولايجي منـه مـردود=راح وعلي جروح قلبـي تضـاوت
أصافح الذكرى ورى كـل مطـرود=حزين دام أركـاب حبـي تثـاوت
ياخوك عن حب الغضي مأقدر أعود=دام أرتوت منه الجروح وتـراوت
يفداك يابرق الوسـم كـل مقـرود=القلب ماهـو سلـف والا كتـاوت
هيه يالي منطقك شد أنتباهي=تدعي بالطيب وتبز المناخر
تحسب إنك من رياجيل" دواهي=مادريت إنك مابين الناس الآخر
الفعل يزهى الذي للطيب زاهي=مانت كفو" للفعايل والمفاخر
عن علوم الجود والمعروف لاهي=خايب" بين العرب لو أتفاخر
كد نهيتك مير مأنته بمتناهي=لاتهاذي بالمجالس وأنت ساخر
عدنا بالطيب يالمقرود راهي=وعن رفيقي بالوفا ماني بذاخر
ضيفي أقهويه من دله وشاهي=وأذبح الحايل وعودا" فالمباخر
حافظ" بين البشر قدري وجاهي=وش يجيبك يالقوارب للبواخر
ماذكرت بطيب لو إنك تظاهي=لا السنين الأوله ولا الأواخر
تفتخر وأقول أنا فلم" فكاهي=للفخر مأنت كفو ولانت فاخر
ياشبيه الي ربض وزن الشياهي=خلك وزان المره وأرقد وشاخر
يابلاد العز منشى المسلمين=يابلاد العز يادار السلام
يابلاد العز بالله نستعين=لك غلا لك حب لك كل احترام
يابلاد العز يالسد المتين=دونك الأرواح ترخص بأهتمام
يابلادي يوم بين مايبين=قالوا الدنيا ترى فيها قتام
فيه ناس تحسدك خلك ذهين=لاتسمع هرجهم وسط الزحام
ويابلادي يوم صرنا فاهمين=شفت كيف الحسد يبغا لك هدام
شفتهم وشلون حطو لك كمين=شفتهم بعيالك بشرق وشام
غرروهم فهموهم مغلطين=درسوهم درس مبداه الخصام
ادعو في دين مدري اي دين=يقتل الشياب والطفل الفطام
وحطو ان الشعب كله مستهين=وكثرو باللوم لعيال الأمام
يابلادي والله انك تكرمين=عن ضعوف الناس وهروج الهلام
يابلادي انتي وردة ياسمين=فيك ريح الورد وارياح الغمام
يابلادي والله انا صامدين=ضد من يضهدك وعيال الحرام
نرخص الارواح لأجلك ميتين=ولايجيك من الضرر حتى العسام
يابلادي عزك الله تسلمين=دام عزك فيك بعيال الامام
وابومتعب بالولاء له مخلصين=سيدي قد المهمات العظام
سيدي ياسيدي لك معلنين=مانهاب الموت بغبات الظلام
والله انا لاجلسنا واقفين=ونتحرى الموقف لشد الحزام
ماحيينا لأجل نكتب كلمتين=حطنا الله للعباده والمهام
نحتمي الموقف ونضرب بالسمين=ولاهزمنا لاجل نسعى لأنتقام
ياملكنا بالوفاء دنيا ودين=الولاء ثم الولاء لك كل عام
افتخربك والفخر لازم يبين=في قصيدة شعر والا في كلام
هذه القصيده في زواج الأخ العزيز,,,,,عبدالله بن خالد بن ماطر العليم
بأسمك بدينا ياولي العرش في جزل القصيد=أبيات شعر" للجزاله منتوي طاروقها
أصوغها صوغ الذهب وأصبها صب الحديد=ونذر" عليه دامني شاعر لحفظ حقوقها
أقودها قود المطيه بالرسن من دون قيد=وأرقابها فوق الطوال بقدرتي وأسوقها
أحوفها من معرفة فكري قبل هرج البليد=أرفا خمايلها عن الزله وأخيط فتوقها
شاعر وتطلعني يميني مع هل الراي السديد=ومتذوقة شعر النبط تبشر بمرضي ذوقها
يامرحبا بالي لفانا من قريب ومن بعيد=عد المزون المرزمات اللي تلوح بروقها
وإعداد مانسنس هوى الغربي وما هز الجريد=ترحيبة" عن كل ترحيبه تبين فروقها
في مجلس" فيه الوفا والطيب والمجد التليد=والنار تشعم والدلال الصفر دايم فوقها
والعود الأزرق للنشاما يستدير ويستعيد=والحايل تقلط قدر للضيف في مرزوقها
عند الرجال أهل الدلال ملينة راس العنيد=ربعي هل الميقاف وأهل الطيب من منطوقها
وأهل الفعول النادره نطاحة العلم الأكيد=مثل الحرار الي على الجزله تتل سبوقها
ربع" لهم كل أحترامي بالقصيد وبالنشيد=ربع" لها قدر ومعزه والقصيد يلوقها
ماطر وأخوه محمد بوقت الشدايد له عضيد=وعبدالله القرم السنافي شوق منهو شوقها
ماوفي مواقيف النشاما لو أبا أكرر وأعيد=لو أرسم الأبيات وورود الشعر من فوقها
أعزهم وأفخر بهم بالوقت الأول والجديد=لا يابعد ناس" على الخيبه تمط شدوقها
عيال رجل" نادر" بالطيب والباس الشديد=هذاك أبن ماطر كعام الي وساع حلوقها
يالله عساه بجنة الفردوس والعيش الرغيد=وتجنبه عن نارك اللي تلتهب وحروقها
واليوم نور الجوهره يزداد بالعيد السعيد=مبروك عد غروب شمس الكون وإلا شروقها
جينا نسوق أحلى التهاني والوفا في يوم عيد=بأحلى العبارات الجميله والوصوف تفوقها
وياطيب راسي يوم أفاخر بالدويله بالقصيد=وأذكر بني عمي وهذا حق ضمن حقوقها
ربعي حمادين يضدون المعادي والضديد=عدونا عينه نهار الكون نكحل موقها
إليا تعزوينا يهون الكايد اللي مستكيد=في ساعة" فيها القرب يكبر مصب شقوقها
تشهد لنا صم الرمك والجيش من وقت بعيد=أرواحنا وقت الحرايب مرخصين" سوقها
كم من شجاع" لاتهقوانا يعود مايفيد=وكم من رجالا" بالوغا والحرب حنا عوقها
لعيون وضحا" تلتذع لوحت خبيط" للبيد=ولعيون من يزها مبيسمها جمال دقوقها
ألاد عمي محزمي باللازمه وأهم الرصيد=الشجره الي ياعساها ماتموت عروقها
ياالله إنك ترحم العين من شـي تشـوف=ويالله إنك ترحم القلب من ضيق الصـدر
ياولـي" بالشدايـد ميسـر للـظـروف=فزعتي لاصار مالـي مطيـر ولا مفـر
ضيق الخاطـر غزال"جميـل وفيلسـوف=نعنبوهـا صادفتنـي بكوريـش الخبـر
جادل" فيها الحـلا ماتوصفـه الحـروف=وآعذاب القلب من شوف بـراق النحـر
لامشت تمشي على هون وتهز الكتـوف=أتدلـع بالخطـا وأتغـطـرس بالكـبـر
زينها وهبه مـن الله وللعاشـق تلـوف=كل مافيها حـلا مـن شعرهـا للظفـر
ماقدرت أستحمل وقلت لحظه يالهنـوف=وقفي وأرجـوك لـدي عليـه بالنظـر
ليـه قلبـك قاسـي" لايـود ولايـروف=نعبوا دارك حجمتي علـى كـل البشـر
في عيونك خيل مع حرب مع سلة سيوف=أنتي الفتنه على الناس وأسباب الخطـر
لامشيتي صاروا الناس مع جنبك صفوف=الخلايـق لامشيتـي يشوفـون الـبـدر
العيون السود والعنق وأطراف الـردوف=والشعر ليل" على الصبح غطـى وأنتثـر
ترسلين سهوم عينك على عباد" ضعوف=مالهم حيلـه ولا حـل ياكـود الصبـر
مير سوي بـالأوادم جمايـل ومعـروف=لاتجين ولاتمشي علـى شاطـي البحـر
مير جعلك فدوة الي على قلبـي تحـوف=جادل" في وسط قلبـي غلاهـا مستقـر
مايزعزع في غلاها هبوب ولاعصـوف=مسهرتني عن لذيذ الكرى ليـن الفجـر
ياعساها سالمه من مقاديـر الصـدوف=بهذلتني مير أبا أطلب من الـرب الأجـر
تلـت القلـب المعنـا وزادت بالجـروف=والسبايب كلهـا سبـة القلـب الخضـر
وصفها ماينتوصف بوصف من الوصوف=ويش أوصف ويش أبى أقول طلـة قمـر
جادل" في حبها همت والحـب معـروف=من مشى درب المحبه يبى يلقـى العبـر
ياحبيب" فيك قلبـي مولـع ومهـروف=ياعسى يفـداك يازيـن سكـان الخبـر
قصيده في الشيخ : فيصل بن متعب بن سقيان
يالله ياللي عالـم" غيـب الأسـرار=ياواحـد" رزق الخـلايـق بـيـده
إنـك تنجينـا عذابـك مـن النـار=وتجيرنـا يـوم" عسيـر" مـشـده
من بعدها ياراكـب" فـوق فكسـار=سكبه وراع الصنف لـه فيـه لـده
فكسـار يابانـي بتصميـم بيطـار=إليا عطـى لـه سهلـة" مجرهـده
توه جديد وقيمتـه غالـي الأسعـار=ولا ياصلـه راع الفقـر والمـكـده
إليا ضرب له سهلـة" مابهـا قـار=تقـول حـر" منصـرم فـي مهـده
أركب عليـه ولاتهوجـس وتحتـار=نصه لشيـخ" مـارد الطيـب عـده
منصاه يم مليـح وافيـن الأشبـار=شيـخ" معـرب يـم خالـه وجـده
فيصل ولد متعب ليا صـار ماصـار=له هقوتن تبعد ورى الطيـب شـده
مني سـلام" عـد ماطايـر" طـار=ياسـايـقـه بالله للـشـيـخ وده
شيخ" ولد شيخ" ومن ماكر أحـرار=يوم إن شيخة بعض هالخلـق مـده
ياشيخ ينصونـك طحاطيـح وكبـار=والـي نصـاك بلازمـه مـاتـرده
والعـود الأزرق والمباهيـر تنـدار=يوم إن ولـد الـلاش طيبـه بنـده
لك ماقف" يشرى بغاليـة الأسعـار=وكل ماقف" عسر" تراك أنـت قـده
أبن الحمايل مكرم الضيف والجـار=وفي لازمي ناصيك وأنتـه مسـده
نسل الشيوخ الي لهم فالبلـد كـار=وأبـوك متعـب مانسيتـه وأعـده
حر" وفيه تقـال زينـات الأشعـار=مزبان من ضده من الوقـت ضـده
ستر العذارى من قديمات الأعصـار=قرم" على الفزعات في كـل شـده
أبوك راع الطيـب دواس الأخطـار=لو إن بعض الخلـق ماهـو بـوده
قرم" علـى درب الردييـن ماسـار=أنتم هلن للسـرج وأهـل الأشـده
يوم إنها ماغيـر فـارس وسبـار=قـوم" لكـم فـي نجـد هـده ورده
وإن صاح صياح الضحى وقت الأنذار=كم شيخ منكـم قبـل القـاع خـده
المدح يزهى كل ماضيـن الأذكـار=مثل الشداد إليا ركـب فـوق بـده
ياشيخ يفدونـك ضعيفيـن الأفكـار=وياجعـل تفـداك الوجيـه المصـده
جني بنات الفكر جلـن مـع إبكـار=وضح" توحى يـم صـوت المـوده
وصلاة ربي عـد همـال الأمطـار=على النبـي وإعـداد سكـان جـده
على الله ياهجوس الشعر والميدان ياحميدان=جزيلات القوافـي ودي أطرقهـا وأغنيهـا
سرى ليل العرب والنوم خله ينفع النعسـان=وساعات المواقف مالها إلا مـن يهقويهـا
أشيل الحمل وآقفبه وأزوزيبه مثل شقـرانولا تشكي متونـي والحمولـه ماتشقيهـا
أسج الرجل مع درب النشاما وأترك الرديان=أمشيها وأنا في قطعـت الفرجـه مضريهـا
أروم الطايله باللازمه وأصهل صهيل حصان=وقواف" مالها معنى هجوسـي ماتسويهـا
بيوت الشعر اثبتها واراصفها على الميـدان=بعد ماحضـرت وزنـا" تحيينـي وأحييهـا
أصوغ البيت وأحوفه عن المنقود والنقصان=وأصـور بالقصيـده مايلـيـق بقوافيـهـا
صخرت البيت من دافع محبة شرد القيفـان=ونحت الصخر والقمـه بفضـل الله معديهـا
أطرز بالقصيده طرز من لولو ومن مرجـان=عشان المستمع يطرب لها من يوم يوحيهـا
أروضها وأطوعها بليـا سـرج وإلا عنـان=بأوامر ناتـج المفهـوم أمشيهـا وأقديهـا
لها خلف الضلوع العوج مدهال ولها مسكان=أوردها على عد القصيـد العـذب وأرويهـا
يدور الكون والأوقات بأمر مدبـر الأكـوان=يسيرها ولي العرش حسب أمـره يمشيهـا
ألا ياوقت يالي فيك كثرة شهـرة الفرسـان=صقاط" في زمان العومله كثـرة مغازيهـا
غزى الساحه شواعير" بلا معنى ولا عنوان=نشوف العلـه القشـرا ولا نقـدر نداويهـا
رجالا" مبتليـن الشعـر بالقيفـان والأوزان=هذاك بيوت كاسرها وذاك بيـوت شاريهـا
حداهم لانشدته قال أنا المبدع وأنـا الفنـان=وأنا صاخر قوافيها وأنـا مسـس مباديهـا
يحسب أن القصايد هرج يم فلان وإلا فـلان=يجر الصوت مايـدري ومسباحـه يلويهـا
لقى ناس" تطبله وجاه من الطبـل زيـران=بلى نفسه ببـدع القـاف والقيفـان باليهـا
يبي صيد المعاني مير كنه طير أبن برمـان=يشيل الكلمه العوجـا وبالساحـه يوطيهـا
غريبه شخص يارد عد ويصدر منه ضميان=مصيبه ياعساني في زماني مابتلـش فيهـا
أعزتهم قنوات الفضاء والفضـل للرحمـن=وخلتهم شواعيـر" تفاخـر فـي معانيهـا
قناوات" لها منـي تحيـات ولهـا عرفـان=حوت موروثنا الشعبي بحاضرها وماضيهـا
وأنا ماعم كل الناس به ناس" لهـا ميـزان=شواعير" تشرف فـي قصايدهـا وطاريهـا
مشاكل مالقينا حلهـا مـع دورة الأزمـان=مع الأيـام زادت وأبتلشنـا فـي بلاويهـا
يامرحبا من دافع أحساس وشعور=باللي مراسيله لفت مع رسولـه
قرم" شكالي من عنا الحب مخطور=وأسند عليه بعـد ماطـق جولـه
لامبارد يشكي وده الحـل بالفـور=وناشي عشان القرم مسرج خيوله
أرسل علي الهم في مجمل سطور=يشكي فراق العيطموس الخجولـه
أسانده وأقف لـه بكـل الأمـور=ماهو بحكي لسـان وإلا مقولـه
نرسل على خلك مراسيل وسبـورونجيب علمه يوم ربعـي عنولـه
وكانه على فرقاك ماهو بمجبـور=وأقفى وصدق فيك ناس" حكولـه
ياصاحبي كانك تباتاخـذ الشـور=اسمع كلا مي وفهم اللى بقولـه
احيان راع الحب يمشي بلا شعور=يحفي قدم رجله ويتعـب ذلولـه
لويشتكي ويصيح الناس معـذور=نفسه على فرقا وليفـه زعولـه
اصبرعلى الاحزان والسهروالجور=ويجيك يومن كـل همـن يزولـه
قصيده موجهه للشاعر : عبيد علي الحميداني
ألا ياوجـدي ياعبيـد علـى مـافـات=وجود الشجـاع الـي لياليـه بهذلتـه
يبى الوقت الأول مير هيهات ياهيهـات=زمانـه لعبـه والمقاديـر مشغلـتـه
شجاع يفك الجمـع ويصامـخ الهيـات=وسيف الوفـا والطيـب يمنـاه ناقلتـه
عقيد النشاما يوم الأكوان لـه وقفـات=مع أهل المواقف تعرف القوم منزلتـه
يفك الجموع وضربتـه تبـري العـلات=لكن الليالي مـن ماهـو فيـه حولتـه
غدر به حقير" للـردى فيـه ماريـات=إطعن بالمنام وطعنـت الغـدر شللتـه
يبى يقوم مير العلم ماهو على الهقوات=سطت به جروحـه ياعبيـد وعازلتـه
عن الناس صد وقام يضحك به الشمات=تقل مايمينه مع هـل الطيـب مهلتـه
يذوق الممات بداخله مير هـو مامـات=يقوم ويطيح وكبـر الوقـت مشكلتـه
يشوف النكد دايم وهو عالي الهامـات=يجر الونيـن وعينـه الدمـع سيلتـه
صوابه عطيب وزايد الجرح بالمشكـات=ولاله ربوع وكـل الأصحـاب مهملتـه
وأنا الحال مثله لي زمانين ود وهـات=على الجادل الي صد مـن يـوم دللتـه
عطيته خفوق" فيه حبا" حيـا مامـات=وعلى صادق الأحساس والحب عاملتـه
فديته بقلب" عاش من شانه المأسـات=وأحاسيس شاعـر بالمشاعـر تمثلتـه
خياله بعيني مايفارق صـدى النظـرات=وبرقه يلوح وعيـن ناشـي مخايلتـه
أحبـه وحبـه بالدقايـق وبالساعـات=يزود الغلا فـي كـل لحظـه تخيلتـه
حسين الطبوع أبو الدلع سيد الخفـرات=مع الناس ماضنـي نحصـل لشاكلتـه
أبو لبة" بيضـا" كمـا شعـة اللمبـات=غـلاه بضميـري مايوفـا بمـا قلتـه
نحت أسمه بقلبي وفرقـاه زاد آهـات=ذبحني ولا أدري وش سبايب مجاملتـه
يكسر مجاديـف المحبيـن دون إثبـات=وأنا لأجل عينـه كـل شـي" تحملتـه
هجرني بعد ماأركى على القلب بالعرقات=ولا أدري ورى نفسه على البعد سولته
جداي أفرك الكفيـن وآجـاذب الونـات=على الي تواصيفه مع الملـح كملتـه
أنا ويش أسوي ياعبيـد بهـا الأوقـات=لفاك الصخيني مالقـى حـل لأسئلتـه
يوم" لك مع الشعار صوله ولك جولات=وتعرف الهوى حيث أنت يالقرم عابلتـه
لفيناك نشكي من عنى الوقت اللوعـات=ومثلك يابو محمـد تشـرف مساجلتـه
من لاينال المرجلـه فـي شبابـه=ماضنتي يلقا المراجل ليـا شـاب
كل" على الطالات يشعـب ركابـه=ولافيه شي" غير في بذل الأسبـاب
إليا أذن المـذن عليـك الأجابـه=وصل الفرايض وأسجد لرب الأرباب
أعبد ولـي" مالـه أحـد" يشابـه=مفرج الكربات في وقت الأنشـاب
وامك وأبوك أرحم بهـم والقرابـه=لاتقطع الأرحام بالربـع الأقـراب
هم الأجر وإن كان تبغـى المثابـه=وخل العلوم الثانيه عنـك مجنـاب
وأفطن وخلك ذيـب بيـن الذيابـه=وأحرص على خوة طويلين الأشناب
أهل النقا والطيب وأهـل الحبابـه=كسابة الناموس في وقت الأصعاب
الـي مواردهـم سـواة اللهابـه=لاجيتهـم باللازمـه فكـو البـاب
وإلا الردي مافـي مخـاواه ثابـه=لو طاب لك يومين تـراه ماطـاب
لابد من يوم تشـوف الـردى بـه=وتقول له روح ترى خاطري طـاب
ولد الردي ماينحسـب وش تبابـه=والله مايحسب من حساب الأصحاب
لو كان له جـدان وفعـول لابـه=ماحد" يعدل بالعصا عوج الأرقـاب
ماينفعـك لا كشـر الوقـت نابـه=كنه سهم سبكيم وإعمار وإنسـاب
وأنصحك عن شي" عليك إجتنابـه=لاتصير بأعراض الرياجيل شـذاب
هرج القفا على النشامـا معابـه=هرج القفا وإلا التنابـز بالألقـاب
يخلـي الرجـال مالـه مهـابـه=وينزله مابيـن ربعـه والأجنـاب
والمجلس وأحذر لاتزيد الحكى بـه=لاصار بالمجلس من الناس شيـاب
الهرج منقود" علـى الـي هذابـه=وعيب" على الرجال لاصار كـذاب
أتبع طريق الطيب والـي سعابـه=ولا تترك شماغك ولا تلبس الكاب
ودرب" يجيب الريح قم سـد بابـه=مالك ورى بعض السواليف طـلاب
قصيده في زواج الأخ,,سطام بن علي بن سالم القصيم :-
بأسم الآلـه المعتلـي رب الأكـوان=الواحـد الـي عالـم" بالسـريـره
من يوم لاح البرق في غر الأمـزان=يالله عسى بالأمـر خيـر" وخيـره
القاف جاهـز للمعانـي والألحـان=من شاعـر نبـع الوفـا يستثيـره
يسوقه الدافع من إحسـاس وجـدان=للي لهـم بالطيـب والجـود سيـره
سـلام يارمـز الوفـا ياكحـيـلان=يانـادر" بالطيـب عقلـه شـويـره
قرم" تسلل مـن سـلالات شجعـان=حـر يبشـر بالسعـد فـي مطيـره
شيال عسـرات الحمولـه بليهـان=بالـراي راع المعرفـه يستشـيـره
علي ولد سالم على العـز والشـان=له صفحـة" بالمجـد دايـم نويـره
له ماقف" يشـرى بغاليـة الأثمـان=لا يابعـد راع اليـديـن القصـيـره
للاش لاش ووقته الشيـن لـو زان=مـع دورة الأيـام يعـرف مصيـره
وإلا أنت للطاله ولا الطيـب عنـوان=ولك في مجال الطيـب دوره وديـره
ربعك هل الفزعات من ماض الأزمان=منهم جموع القـوم راحـت كسيـره
قصمان لاركبوعلى الخيـل فرسـان=بالشلـف والا بالسيـوف الشطيـره
عدوهم مكسور مـن غيـر حقـران=كسـر" بيبطـي مايلاقـي جبـيـره
من جاء يبيهم تالي الليـل طمعـان=يـروح حبـا" بالرحـا المستديـره
تشهد لهم صم الرمك يـوم الأكـوان=وتشهد لهم بالطيب شبـه الجزيـره
ياما أكسبوا بالكون حلـوات الألبـان=وياما رمو روس" بالأسماء شهيـره
خوال أبوي مرجحـت كـل ميـزان=يعني خوالـي هـم كعـام المغيـره
ومبروك ياسطـام ياطيـر حـوران=عسى السعد فالـك ولافيـه غيـره
وأنا ماقـول إلا مثـل قـول راكـان=مثـل ومـن راع المثـل نستعيـره
ماقـل دل وزبـدة الهـرج نيشـان=والهرج يكفي صاملـه عـن كثيـره
أقسم وخل الضرب والطـرح قـدام=مـادام نفسـي للبيـوت محديـه
شاعر ومرفوع علمي بين الأعلام=من فضل ربـي ماقنيـت الرديـه
هيضني اللي حط للقـاف مرسـام=شاعر وصاغ الشعر من مقدريـه
شاعر ويحسب مع هل الشعر مقدام=من ناتج أفكـاره يقـود السريـه
نحت بيوت" كنهـا نحـت الأهـرام=من الجبـل خلـى معانـي جريـه
فيها من الورد وبها شويـة ألغـاهديـة" ياطيبهـا مــن هـديـه
العلم فيه علـوم والعلـم صـرام=اعنـه صـده يالرجـال العذيـه
لاصار مبهم يبشر بصمـة إبهـام=وتحليل مفهـوم البيـوت الذكيـه
أفسر الموضوع تفسيـر الأحـلام=لاضاعـو الرديـان بالمهمهـيـه
الناس ماهم يافتـى الجـود خـدام=وأنته تعـرف إن الليالـي مديـه
الشرق ماله ذنب يبلا مـع الشـام=لاتجمع الأثنيـن وسـط الخطيـه
مافيه عز" غير في ديـن الأسـلام=فـي طاعـة الله وأتبـاع لنبـيـه
لكن أنا بسألـك يالبـرق بـأولام=يوم أنت في شعرك تحالـي طميـه
سؤال عيـت تكتبـه كـل الأقـلام=لـو إن ماحلـه بصعـب" عليـه
يابرق ليـه الزيـر يثـأر بهمـام=عقب الأخوه كيـف يذبـح خويـه
مدري يبى الشهره بذبحه والأعلام=وإلا إن نظراتـه تخيـل الثـريـه
الحل عندك وأرسله يأبن الأكـرام=عبر الأميل أرجوك حـل القضيـه
ياراكب الي يدنـي البعـد ممشـاه=توه جديـد مـن البواخـر منـزل
الموتر الي مـن حفيـزه شرينـاه=ودك تتله مـع طعاميـس وعبـل
كـل المواتـر لامشـى ماتـعـداه=بين المواتر كاسب اعلـى المنـازل
تصميم فكـر يـوم سـواه سـواه=عود ولو تاصف له الـدرب مـادل
ياسـايـقـه بالله يـاخــوك بالله=نصـه لقـرم بالشديـدات مــاذل
اركب عليه ودق سلفـه ومنصـاه=راع الكـرم والمعرفـه والمراجـل
هو صاحبي جعـل البـلاوي تعـداه=وياجعـل تفـداه الرخـوم المبـدل
راع الحجاج المسفهـل لاعدمنـاه=منصى لعكفان الشـوارب ومدهـل
سلم عليـه وحـط خطـي بيمنـاه=وليا لفـاه الخـط ماهـوب باحـل
يابو محمد ذقـت شيـن المعانـاه=أسهر طوال الليل ودموعـي تهـل
على وليف" تل قلبي مـن أقصـاه=تل الرشا من قاعـة البيـر لا تـل
أقفى وقفـت يالشطيطـي مطايـاه=غرو على قلبي مسيطـر ومحتـل
الـي عقـد مثنـاة قلبـي بيمنـاه=عقد المرار ليا انعقد زيـن ماحـل
قام يتغلى واطرده واطلـب ارضـاه=قفى وانا اشكي منه سوء التعامـل
ماشوف انا بالعين غيـره ولامـاه=ريمية ياخوك تجفـل مـن الضـل
افز انا لاوحيـت صوتـه وطريـاه=واليوم جيتك واشتكي من هوى الخل
حيثك تعرف الحب وتعرف مجـراه=شاعر مع اهل الشعر تنقض وتفتل
يابو محمد محتمي كـل مـن جـاه=جاك الكتاب وصاحبك يطلب الحـل
-----------------------------------------------------------------------------مناسبة القصيده خروج الاخ/ فلاح بن الحميدي بن عبيسان الحميداني من المستشفى
بأسم الولـي رب العبـاد أستعنـا=مدبر الأحـوال بالصبـح والليـل
الواحـد الـي عالـم" ماجهلـنـا=منـزل كتابـه بالأيـات تنـزيـل
معلقيـن" بالـولـي دوم أملـنـا=مافيه غيـره يستحـق التهاليـل
يوم أرعدت غر المـزون ولفنـا=وأنهل من مزن الخيـال الهماليـل
جالي مع الطـاروق قـاف" يغنـا=ونظمت قـاف" لاود عـدل الميـل
هاض الصخيني من هجوس" تغنا=بأقصى الضماير قامت تحط وتشيل
ماني مضريها علـى غيـر فنـا=لها على العد الرهـاوي مداهيـل
ماجبتهـا منـا ومـنـا ومـنـا=أتعب على معنى جزيـل التماثيـل
لي هاجـس" باللازمـه ماتونـا=والحمل ماله غير شقران وشعيـل
لين القصيده تاصـل لمـا أتمنـا=وتصبح كما ورده على شاطي النيل
لاح الخيال وهايـم الفكـر غنـا=ووردن بنات أفكار شعري مقابيـل
مني سـلام" عـد ورقـا" تغنـا=على الغصون العاليات المضاليـل
يشمل قريـب الـدار والـي تعنـا=من دافع الأحساس مافيه تضليـل
أخصبـه راع الـوفـا والمثـنـا=قرم" رقى بالطيب للجدي وسهيـل
عـدا مراقيـب الوفـا ماتـدنـا=له ماقف" ماهوب حـزة تساهيـل
قرم" على الطاله صروحـه تبنـا=فلاح أبو هابس حفيـد الحلاحيـل
الطيب ساسه دون شـك" وضنـا=كسـاب قـالات الوفـا والتنافيـل
ذباح حيـل مـن الشحـم غلقنـا=وله مجلسا" تندار فيـه المعاميـل
يشري المراجل لو قسـن وغلنـا=يوم الردي ماله عزيمه ولا حيـل
تنصاه شوخ القـوم وإلـه أتعنـا=وتجيه بالشـده زحـول الرياجيـل
عـد" عـلاه النـاس منـا ومنـا=هذا نزل حولـه وذا مـره محيـل
جده عقيـد الخيـل لامـن غزنـا=كم واحدا" منهم يشـوف البهاذيـل
واليوم جينا يـوم الأفـراح جنـا=نـزف باقـات التهانـي مواويـل
على السلامـه بالقصيـد أحتفلنـا=يوم الولي سلم رفيـع المنازيـل
سـلام ياربعـي حمـاة المجنـا=ياعز من ضاقت عليـه المداخيـل
حنا الدويله ماكـر الطيـب حنـا=يشهد لنا التاريخ جيل" بأثر جيـل
حريبنـا بالـوقـت لا ماتهـنـا=لاشافنا يعـذر بتالـي المحاصيـل
أنا أشهـد إن الـي نطحنـا تعنـا=إليـا تعلينـا المهـار المشاويـل
لاثـار عـج الخيـل وأعسامهنـا=عاداتنا نفزع على الكنـس الحيـل
كم فارس" من فوق سرجـه تثنـا=جبناه في حدب السيوف المصاقيل
ويوم الخيـول المكرمـات يعدنـا=يشهد لنا التاريخ والهجن والخيـل
ويوم السيوف بضرب الأيدي تحنـا=السيف ماعلـق لزينـه وتجميـل
ودخيلنا يفـرح ليـا مـن زبنـا=يرقد بأمان ولايشـوف الغرابيـل
الفضل للـي عزنـا مـا خذلنـا=رب" جعلنـا مضـرب" للتماثيـل
نبقى على الميقاف مع درب أهلنامن دون قاصر في جميع المشاكيل
وأختامهـا يـوم القوافـي تغنـا=ياجعلها ترضي سموع الرياجيـل
لله مـن قلـب تبلـواه الأمــراض=أليا بغـى يرتـاح جـاء مايهيضـه
بسباب من قفى عن القلب مغتـاض=زود على قلبـي همومـه وغيضـه
أبو مبيسـم كنـه البـرف لانـاض=في ليلة غاب القمر عـن وميضـه
وأبو جديل فـوق الأمتـان نقـاض=وله مشية مثـل الحمامـه بفيضـه
حلفت ماسمع فيه ناصح ووعـاض=لو زاد نصحـه يالبشـر وتوعيضـه
عليه دمع العين ياخوي كـد فـاض=ونفسي على شوف الغضي مستهيضه
واليوم أبسند شكوتـي يـم عـواض=الحل وشهـو والمشاكـل غميضـه
وجدي وجود اللي عليه الزمن جاض=وضاقت عليه فجوج نجـد العريضـه
جاه مرضن فيه المخاليـق تعتـاض=ومن الحياه أيـس ولافيـه عيضـه
على الذي قفى وأنا فيـه ماعتـاض=روح وروحي مـن فراقـه مريضـه
قـاف" لفانـي بـه الأفكـار مهتمـه=من شاعر" لانطق ياقف لـه الماشـي
يامرحبا عد من يـارد علـى الجمـه=بالشاعر الي بيوته تدهـش أدهاشـي
يشكي من الوقت راع الطيب ويذمـه=دز القوافـي وقـال الحـل ياناشـي
وأنا أبن خاله وأنا درعه وأبن عمـه=وأنا عضيده لاصار الراس منداشـي
أرد المنايـا عشانـه وأرفـع الهمـه=يوم إن راسي وتفكيري معه شاشـي
يأبن سعيدان موت الداب فـي سمـه=أخير من نابه اللـي تقـل منقاشـي
بعض البشر لو يجيه الـورد ماشمـه=وإليا ذبل مايفيـده مرشـي وراشـي
العلـم نعـرف مضامينـه ونزتـمـه=والفرق واضح مابين عميش وعماشي
طرد المقفي ماسر اللـي يجـي يمـه=لو حدك الوقت عنده مأنـت معتاشـي
يزيـد همـك علـى همـه ولا همـه=تجيك عوجاه مثل الكحـل بالشاشـي
أقولها من هجـوس" تعـرف اليمـه=والظبي معروف مافي راسه عراشـي
خل المقفـي قبـل لايجيـك بمطمـه=مادام فوح القدر ياصاحبـي غاشـي
يامحمد الخالد نويت أطـرق جزيـلات البيـوت=من يوم عقبت الحفر متوجهـن يـم القصيـم
سبة هموم" بالحشا قامت تشوت القلب شـوت=جرحي من أسباب الغضي ياصاحبي ماهو سليم
أحاول أنسا ماجرالي منـه لكـن لـو أمـوت=ماأنسا حبيب" مسكنه خلف الحنايا مـن قديـم
أغليه وأحبه كثـر ماعقـاب متعـذب بنـوت=غرو" منه جرحي يابن ماطر من الفرقا سقيـم
غرو" تجيني صورته بالليـل والعالـم خفـوت=وأسج مع ذكرى عديل الروح يامحمـد وأهيـم
ماهمني به هرجة العاذل ولا وهرج الشمـوت=يبقى حبيبي يابو تركـي كـل ماهـب النسيـم
إليا صدفني كن سيف الحب بالصـدر مغمـوت=وإليا فقدته كن سيف الغدر في ظهـري مقيـم
وشلون أجيب الجوهره والجوهره في بطن حوت=عسى الولي يهدي عبـاده للسـراط المستقيـم
ياويش أسوي يابو تركي وأنت شيـال التخـوت=عطني جوابك ياوسيع العـرف تكفـا يالعليـم
عزتي للي عيونـه ساهـره عيـت تباتـي=ما يذوق النوم والعالـم رقـود ومستريحـه
يا منيف هموم قلبي مـن عنايـه مقبلاتـي=لابغيت اقوم وانهض طحت لي تسعين طيحه
لو تشوف الابتسامـه ماهـي بعلـم ثباتـي=ابتسم لكن معاليقـي تـرى ماهـي منيحـه
سبة الي ما يفارقنـي لـو انـي بالصلآتـي=صد عني لين خلآ كـل احاسيسـي جريحـه
والله ما قطعت الوصل في عـذب الصفاتـي=مير بنت الناس في وصلي يابن خالي شحيحه
صدت المملوحه وخلـت عيونـي ساهراتـي=وما يعوضني بهـا المترديـه والا النطيحـه
جعل من لام الصخيني في هوى سيد البناتي=تبـلآه المشاكـل ليـن ياقـع بالفضيـحـه
والله ان شفـي بقربـه والمـواري بيناتـي=كل مافيني يبيه وكـل احاسيسـي صريحـه
كانه اقبل عارف " منزالـه وقـدره بذاتـي=وكانه اقفى مانقول الا عسـى ربـي يبيحـه
مل قلب في هوى الزين يااااااااافايز تولع=لاكتمت الحب بالقلب تفضحنـي دموعـي
من غلاه القلب خطرا على القلب يتشلـع=ودي بشوفه ولـو مرتينـن فالسبوعـي
الوليف ااااااااااااللي ذبحني بزينه والتدلع=جامع غير الوصايف بعد حسن الطبوعـي
لابغيت أصد قلبي من اااااااااااالفرقا تملـع=وان بغيت أروح وأغيب يامسرع رجوعي
مير قلبي من فراقه يابو هلااااااااااال ولع=له غلا مبطي وراسي ورى حدب الظلوعي
النوم عيا يجينـي يابعـد حالـي=والسبه أنتـي خيالـك مايخلينـي
أنتي لي أكبر طموح وأكبر امالـي=مافيه غيـرك بهالدنيـا يسلينـي
صوتك تطري علي ودايـم ببالـي=في كل لحظه تتابع صورتك عيني
واذا طرى أسمك عليه زاد غربالي=ودي على شوفتك ياغلى محبينـي
أنا بدونك وحيد وناحل (ن) حالي=وأنتي علاج الفؤاد اللي يداوينـي
[poem=font="Simplified Arabic,4,darkblue,normal,normal" bkcolor="transparent" bkimage="backgrounds/1.gif" border="inset,4,gray" type=0 line=0 align=center use=ex num="0,black""]
مشيـت درب الهـوى وأنـا طبيعـا"=واليوم شفني كسيـف الحـال ليليـا"
ماكنت أظـن المحبـه بعدهـا فرقـا=ولاكنـت أحسـب عواقبهـا نهائيـا"
يالين شفت الخيانـه مـن محبينـي=وأصبحت أغنـي وأهيجـن لاإراديـا"
أحاول أكتم شعوري وأكتم إحساسـي=لكن ماأخفيت قـدم النـاس مرئيـا"
ياصاحبـي ليـه تجفانـي وتطعنـي=بعد الغلا صرت لي شخص أنتهازيـا"
عطيتك الي مايعطى واحـدا" غيـرك=قلبا" على الحب والأحسـاس مبنيـا"
ياما سهرت وكرهت النـوم لأعيانـك=وياما خيالك يجينـي كـل عصريـا"
وياما الهدايـا تجيـك لحـد بيبانـك=وياما دفعنـا بهـا شيكـا" ونقديـا"
وياما على شان شوفك جيت عاني لك=أقطـع مسافـات خيـالا" ورجليـا"
ماكان يطري علـي إنـك تفارقنـي=حتى أكتشفت إني من الحب منسيـا"
عشقت غيـري وجـددت المعاناتـي=وأنا الذي كنت أضنك لـي حصريـا"
سواتـك الـي تسـوي مايسويـهـا=إلا مسيحـي مــردد أو يهـوديـا"
أنا أشهد إني عطيتك قلب وافـي لـك=لكنـك أصبحـت خائـن وأنتقاميـا"
أخطيت وأنـت متعمدنـي وقاصدنـي=وأنا أدري إن الخطأ ماهـو بعفويـا"
واليوم تبغى ترجعنـي علـى حبـك=من بعد موجبك صار العكس سلبيـا"
تبطي عظم ماأجيـك ولاأتعـذر لـك=ماأنزل الـراس لـك وأنـا مطيريـا"
رح جعل ربي يسهـل كـل خطواتـك=بدونك أحسن أريـد أعيـش حريـا"
بلا مشاكـل ودوخـة راس ماريـدك=يعني وجودك معي ماهـو ضروريـاقصيده بزواج الأخ العزيز..علي غنيم بن جبرين لعلها تنال أعجابكم وأستحسانكم:
يالله يالي بأسمك أبـدأ وأسجـد لوجهـك شكـر=يامصرف أحوال العبيـد وعاقـب الليـل بنهـار
من بعد ذكرك منتـوي لأبيـات شعـر" كالـدرر=والله لأروضن علـى ماريـد ترويـض المهـار
ياهاجسي حضر وأنا خابرك فـي وقـت الشعـر=مأنته مضريني علـى الروغـات والا الأعتـذار
خابرك في وقفتك تشفـي همـي الـي بالصـدر=تمتاز عن غيرك ياهاجوسـي بحسـن الأختيـار
أرسم لي الفكره بعد شبيـت نـاري مـن سمـر=وأبشر بقاف" يطرب السامع مـن طـوال العمـار
لها ورى عـوج الحنايـا مسكـن" دايـم خضـر=من ناتج أفكاري ومن فنـي وكلـن لـه مسـار
واليـوم مـاوالله دون الصاحـب الوافـي عـذر=والموقف الحساس أبـا أحطـه بعيـن الأعتبـار
سلام تسليمة وفاء مـن شاعـر" لامـن حضـر=ياقف له الجمهور ويشوش الكبار مـع الصغـار
تسليمة" فيها من الأطيـاب خمـس ميـة عطـر=وألذ وأحلى مـن قـراح المـاء ودر أم الحـوار
تشمل جميع الي حضر من بدو وإلا مـن حضـر=إعـداد ماقالـو يميـن وعـد ماقالـو يـسـار
وتختص علي غنيم أبن جبريـن رجـال السطـر=الصاحب الي له مع أهل العرف وأهل الطيب كـار
حر" نـدر بالعـز فـي روس المعالـي وأشتهـر=ولاهي غريبه دام أبن جبرين مـن ماكـر حـرار
له مجلس" فيه الدلال الصفـر مصطـوره صطـر=من وارد الرسلان مصطورات في وسط الوجـار
كيف النشامـا كاسبيـن الطيـب تيجـان الفخـر=من صبة الدله يعـوج البـن مـع ريـح البهـار
علي علـى علـي السعـد لادق مزمـار الخطـر=ماذم عند الربع في طيبه وفـي حسـن الجـوار
من روس" ربع" بالشدايد تـارد المـوت الحمـر=إليا أعتلو صم الرمك يقفـون بالوضحـا جهـار
مخلديـن أفعالهـم لأجيالهـم عـبـر العـصـر=يوم إن بعض الناس لايذ خلف الأسـم المستعـار
الـي تهقواهـم حصيلـه يأخـذ دروس وعبـر=يرجع كسير جناح ماينقل ياكود أقسـى المضـار
من فعل شلفا" ماتوقع غيـر فـي وسـط النحـر=وسيف" يحذف الروس حذف الناس لأحجار الجمار
في وصفهم تعجز جميع الصحف ويخلص الحـبر=كسابة الناموس وأهل الطيـب ورجـال الوقـار
ياعلـي والله مـن معزتـك ومكانـك بالـصـدر=أصبحت أعز الي سكن ياخوك في وسـط العمـار
جيتك وأنا حامل معـي باقـات مـن ورد وزهـر=جينا نبارك لك ونفرح بـك بعـد طـول أنتظـار
فـي ليلـة" فيهـا يشـع النـور ويبيـن القمـر=ليـل" نعـده مـن ليـال المفخـره والأزدهــار
مبروك يأبن غنيـم يارمـز المواقـف والفخـر=يالصاحب الي له على عسـر المواقيـف أقتـدار
يالله عسى الأفـراح فـي بيتـك تعـم وتنتشـر=وتلقى السعاده ياوسيـع المعرفـه فـي كـل دار
ماجيت يمك غير مـن دافـع معـزه مـع قـدر=ياصاحب" علـى طريـق المعرفـه والعـز سـار
أقولهـا وأنـا حميدانـي علـى بطـن وظـهـر=من روس ربع" بالمواقف تحتمـي شقـح البكـار
قصيده للشاعر ناشي محمد الصخيني في غانم بن جديع الحميداني عند مغادرته الثامريه الى الكويت:-
ياللي نويتم حـزة عصيـر تمشـون=متوجهينـن يــم دار الصبـاحـي
ياليتكـم خمسـة دقايـق تريضـون=مقدار ماكتـب يـا كـرام اللواحـي
سلام مالاحت مـن القبلـه مـزون=واعدا د شب النار بارضـن بياحـي
سلامن من الورد والطيـب مـوزون=والـذ مـن در السنـاد السنـاحـي
الصدر ضاق وضاق مع صدري الكون=والقلـب كـن تغـز فيـه الرماحـي
على مفارقكم ترى القلـب محـزون=ياربعنـا اللـي باللـوازم سـلاحـي
لاهل دمع العين مـا هـو بممنـون=يهـل عقـب الطيـب والانشراحـي
لكم بوسط القلـب منـزال وركـون=مهما نقولـه مايـداو ي الجراحـي
ياربع ابو سلمـان للطيـب تثننـون=ياشبه حرن يـوم ضـف الجناحـي
هو راعي الطالات وابليـس ملعـون=لا يابعـد راع اليديـن الشحـاحـي
عسى سفركـم يالمناعيـر مصيـون=والخيـر تلقونـه بكـل النـواحـي
مدح الشيخ /مسير سلطان الدويش
ياسلام الله على مسيـر ولـد سلطانـي=الدويش الي على الطالات نـاره حيـه
مسير الي سار نهج الطيـب بالميدانـي=نادر" في ماقفه بالطيـب بـه ماريـه
مدهل الخطار ريف الجار وكحيلانـي=عز من ضامه زمانه في نهـار الهيـه
أرجح" من فعل كفـه تعجـز الأيمانـي=الشجاع النـادر الـي يكـرم الطرقيـه
له فعـول" مايوصفهـا كـلام لسانـي=لابغيت اعد أبا أبلـش بيـن ذي وذيـه
ياولد سلطـان مثلـك عـز للمطرانـي=لأفتخر بعض البشر في شخية" عاريـه
ويش أبا أكتب فيك دام إنك من الدوشاني=سمعتك عز وفخـر ماكنهـا إلا هيـه
شيختك عن جد والشيخه لهـا برهانـي=دون قاصر في شيوخ الكوره الأرضيه
يالدويش أقبل تحيـة شاعـر حميدانـي=واقفا" قدمك يسلم مـن سطـر وحميـه
نشرة ماقالهـا عنـي حسـن كرانـي=من هجوسي يازعيم المجد لـك مهديـه
مل قلب" لاطفه بالوقـت لاطـف=من سبايب جادل" عـذب فـؤادي
لي ثلاث سنين ودموعي تناطـف=من غرابيـل المفـارق والبعـادي
كن في قلبي سراحيـن" تخاطـف=لاذكرته وإنتحـى فيـه العنـادي
صد وفؤادي عن العيشه ملاطـف=كيف أبسلا والغضي شربي وزادي
هرجته در البكار الـي تعاطـف=نادرات الوصف وعراض التوادي
لاضحك كن العسل منه يتناطـف=والثمان الي مثـل لمـع الهنـادي
مالك" قلبـي بنظـرات" خواطـف=نظـرة الحـر المـدرب للهدادي
من زماليق الحشا والروح قاطـف=وردة" ماأسقيتهـا مـن دم عـادي
من شراييـن" تغذيهـا العواطـف=والمشاعر كل يـوم" لـه جـدادي
ثابت" حبه وغيره جـاء مشاطـف=أشهد إن الزين هو غايـة مـرادي
مشكلة قلبي معـه دوم متعاطـف=كل مأخطى قلت أنا كبوة جـوادي
لي زمان" مارأيت الزين عاطـف=مارحم قلب" لأجل عينـه مفـادي
والمصيبه صد والملعون خاطـف=خاطفا" قلبـي وقلبـي مأستفـادي