ليت برق الوسم

[عزيز النفس]

فرحتي باالعيد عاد القلب كونه =المشاعر كل عفريتٍ شعفها
في مكانٍ تقصر الانظار دونه = حفل ناسٍ صيتها حامٍ شرفها
افرك الكفين والنفس مغابونه = من غضيضٍ عني الهرجه حرفها
خاف من بعض العرب الاينقدونه = بس معنى كلمته يمي هدفها
يوم طب الملعبه يمشي بهونه = كن الارض تبوح لقدامه بسفها
من غروره ماترك غيره بشونه = مظهرٍ بيض الترايب من ترفها
ناوين عين اشقرٍ يفرق بلونه = ليا عتلى الخارم بمخلابه نصفها
يفتن للي صفقوله من جنونه = جود الشيلة بيمناه وحذفها
ليت برق الوسم شافه في عيونه = يوم قض الراس والقذله نسفها
هز ردفه غنج وهتزة متونه = والنهود من الدلع بين طرفها
يتهزع بين ناسٍ من طعونه = رسموله خطة الغدر وكشفها





رد على عزيز النفس



افاء ياعزيز النفس تبي تولع في اخوي الغالي برق الوسم مالك حق

وانا مع برق الوسم ضدك الميدان ياحميدان وستلم


وقال القرناس




ياعزيز النفس مع دينك ليونه = ورجل لاخاف من نفسه عسفها

اقضب المحراب خلك في ركونه = ساعةٍ في ساحته تجني خلفها

الهوى ياصاحبي زلت حتونه = اخره يوم المظاهير وسلفها

يوم طراد المها يتبع الظعونه = الجوازي كل ماسجة لقفها

يوم سر الود له ناسٍ تصونه = عالمٍ مع عصرها بادة صففها

ساعدو برق الوسم لاتزعجونه = يتبع الزهور السنين ولاقطفها

كل ملاحت بروقه في مزونه = قام يركض لوشكت رجله صلفها

خابرٍ وسم الحيا تثمر غصونه = ولغصون يطيب جرحه لاعطفها

ماجرى له تالي ايامه مهونه = ش بقىله دمعة العين وذرفها








الله اكبر مكبر الجور وظنونه=شاعر بااوصاف موصوفه وصفها

من خياله حطها عكشا فتونه= بالجمال اليوسفي روعة عطفها

صور الورده وجملها افنونه = وانتثر شعره على الورد ونشفها

واستعاد الذاكره بااحلا لحونه=من خياله للخيال اللي كشفها

وارسل ابيات القصيده من جنونه= وارقصت هيجات فكري من لهفها

شاعر ويخيل برقٍ في مزونه =والجروح المرمسه جنه دغفها

ايتخيل والخيال اكبر اطعونه= لاذكرها والعرب قفت اسلفها

حن قلبه وانهمر غالي عيونه= والسوالف زينها ينطح عجفها

لاتهد البيت وتغيض المصونه=ركد النفس العزيزه عن صلفها

لاتحرك جيش بالطيش ويجونه=ثم يروح بوفقتن محدن وقفها

قفل ابواب الجهل لاتحرجونه=النصيحه قالها فكرن صرفها

احمدالله واشكره لاتزعلونه= واترك ايام الصبا للي قطفها

[غنام العرافه]

يابو محمد أبدعت وصح لسانك وتسلم بس عز الله انك تبي تحرك اهل القلوب الخضر من الشعار واللي ماهو شاعر الله يعينه يردد هالقصيده ويحفظه ، تقبل مروري وودي .

[عزيز النفس]

اخوي غنام العرافه

عيدك مبارك وكل عام وانت بالف خير

واليوم عيد خل الناس يستانسون

يسعدني مرورك يالغاااااااااااااالي
جل تقديري

[غني عن التعريف]

الله الله يابو محمد صح السانك ابداعن لايستغرب عليك ياشاعر العرب لك تحياتي

[عزيز النفس]

غني عن التعريف

يسعدني مرورك يالقرم

تحياتي

[برق الوسم]

ساعدو برق الوسم لاتزعجونه=يتبع زهور السنين ولاقطفهـا
ماجرى له تالي ايامـه مهونـه=ش بقىله دمعة العين وذرفهـا

مرحبا باللي وصل يسحب اردونه=مثل شيخ لادقل يحمي سلفها
يحتمي جرد الرقاب ويعرفونه=شوخ قوم تحتمي غالي عطفها
قد قطفنا الورد من عالي غصونه=ساعتن فيها العرب مالله كلفها
ساعة فيها رقد راع المهونه=والعيون الساهره ماامرح طرفها
ماطلبت مساعدة راع النمونه=اصرف العمله على اللي ماصرفها
تو برق الوسم مابانت مزونه=في بداية عمر بااشعاره كشفها
بااول ايامه ولالانت متونه= والعرب مابين خاطوف خطفها
والدموع الغاليه تفدى عيونه=ان ذرفها صاحبك وان ماذرفها
سر بين اثنين حذرا تقربونه= القلوب العاشقه تعرف هدفها
لويطيح الحظ من دوني ودونه=ماشكا برق الوسم حظ نسفها
شفت يالقرناس من شعرك جنونه=واختلف فكر الفهيم ولاعرفها
يوم اطب السوق بالسومه زبونه=اخذ الزينه واجنب عن حشفها
وانت غالي عند برق ولك معونه=لاصدف بعض المواقف من صدفها
والسلام اختام من نفس~شطونه= حاسها الطاروق والهاجس نتفها


برق الوســـم

[القرناس]

والدموع الغاليـه تفـدى عيونـه=
=ان ذرفها صاحبك وان ماذرفهـا
سر بين اثنيـن حـذرا تقربونـه=
=القلوب العاشقـه تعـرف هدفهـا


صح السانك ملياريابعد راسي يابرق الوسم

تعجنبي تقديري الشخصك

[عزيز النفس]

الله الله الله

مافيك حيله يابرق الوسم انت والقرناس

ياليت من يعرف سركم يالثنين
تحياتي للجميع

[برق الوسم]

الله الله الله

مافيك حيله يابرق الوسم انت والقرناس

ياليت من يعرف سركم يالثنين
تحياتي للجميع


ياعبيد سرنا ماتعرفونه=ماتعرف اسرار ناسن ماتعرفها
ابتعد خل البشر كل وشونه=لاتجي الديره ولاتقرب غرفها
سرنا يصعب ومثلك يجهلونه=عارف العّريف يبطي مارشفها
مبهمات افكارناسن يكتبونه=بين دمج وبين مجنون رجفها
لاتساوى الظرف ونفوس محزونه=غنت الورقاء على صوتن شغفها
شاقها القرناس في شيلة الحونه=والكبود الناشفه زاد بكلفها
يرسم المعنى على طيشة اشجونه=ماكسر بيت القصيد ولاشطفها
برمجة فكر الخبير بيتلفونه=الرموز بشاشة الجوال شفها
برمجة فكرين لعيون الفتونه=مبعدين السر عن ناس وعذفها
البحر بعض العرب مايعبرونه=كود انا وثنن والهاجس ولفها
لاحضرنا صادق الود وفنونه= علموا راع القصيده يلتحفها
شاعرن حريف فكره مايخونه=مايروم الا الصعيبات وعسفها
مايحل الرمز من طارت عيونه=والقصايد بيننا محدن كشفها
ياسلام الله عدد هلت مزونه=للهجوس اللي تزاحم من عنفها


برق الوسم



يا000 راع الهوى دمعه يخونه = تفضحه دمعة عيونه لاخذفها
ساعةٍ يفقد بها قلبه ونونه = من ركز رمانة القلب ونتفها
من تشوفه تدري ا نه فيه بونه = يشتم الدنيا ويشكي من قرفها
يوم لقاي الدلي قل مخزونه = فوق بيرٍ كل ماجمة غرفها
يحسب ان العمر مايوفي اديونه = يقتلب بين النوائع ويخرفها
لين من جور الزمن يبست شنونه = قانعن عقب المذانيب بحشفها
وكان يابرق الوسم عندك مرونه = العلوم اللي ذكرت العام شفها
يشهد التاريخ والي يكتبونه = يوم غواص اللزى نفسك شعفها
يوم شفت الخوخ مايلتن غصونه = خيم الهاجوس بالحال ونحفها
وانت تدرك لحظة العمر الحنونه = بس نفسك تايه الاريا صرفها
الهوى ياصاحبي يتعب زبونه = من عيوبه مهلةٍ ترجي خلفها
ومن ولاه العود لوطاحت سنونه = يشغله باوهام لحظاتٍ صدفها

اخوي برق الوسم معذرةعلى التاخير والسبب اني كنت مسافرالى الكويت
وشكرا

[برق الوسم]

القرناس

تسلم يابعد راسي لاخلا ولاعدم

حضورك وسام فخر وكل عام وانت بخير


ودي برق الوسم