خبر وفـــآتك!!! الوضع مايطمن‎

[ابو زياد الحميداني]

بسم الله الرحمن الرحيم



هو انت..

وتوفاك الله في هذه الايام وفي هذا العام 2009 ...

طبعا يوم توفيت ودوك للمستشفى وخلوك في الثلاجه عشان اجراءات شهادة الوفاة..

تركت غرفتك وجهازك وجوالك واصحابك..

واهلك وامك وابوك والدنيا كلها تبكي على فرقاك

يجي اخوك يقول لامك يمه اخوي فلان توفى .. وامك تصرخ وتبكي ماتبيك تروح عنها ابد..

يتبادولون الرسايل وفلان ابن فلان او فلانه بنت فلان توفى وبيصلون عليه في المسجد الفلاني بكره الظهر..

جاء بكره واخوانك واهلك واصحابك ماناموا يبكوووووون عليك بجد..

جاء بكره الساعه 10 الصبح وجابوك للمغسله والكل جاك وسلم عليك وقبل جبينك.. وانت مغطى كفونك ..بالابيض ..وريحة السدر تفوح في كل مكان..

شالوك وودوك للمسجد وضعوك قدام الامام وابوك واخوانك واصحابك..تجمعوا كلهم في بيت الله.. في البيت اللي يناديك خمس مرات في اليوم وانت ولا هنا..


صااااااااح المؤذن وقال

الصلآآآآآآآآآآة على الميت يرحمكم الله..

وكبر الامام الله اكبر

والكل قرا عليك الفاتحه

الله اكبر

والكل دعا لك وتوسل لك عند اللي انت مقصر معه...وكبر وكبر وكبر وسلم..

السلام عليكم ورحمة الله

والتفتوا لبعضهم وتوافدوا لابوك واخوانك (احسن الله عزاكم الله يغفر له ويرحمه)
شالوك على كتوفهم وودووووك المقبره..

وكانوا فيه ناس هناك مجهزين قبرك والتراب


جابوك وحطوك في الحفره ورصوك بكومه من الاحجار واللبن وكبو التراب ودعوا لك ومشوا..


وانت

تسمع قرع نعالهم اقفوا وخلوووووووووووووووك..

وعزاك 3 ايام وينسووووونك..

وانت

ماعندك ولاااااااااشي.. جيت ضيف عند اللي يناديك خمس مرات ياعبدي تعال ابيك ..ياعبدي حي على الصلاة ياااعبدي الصلاة خير من النووووم...

جيت ضيف عند اللي رزقك وعزك عن الحاجه والسؤال..

جيت ضيف عند اللي خلاك في امان ..واغناك..

جيت ضيف عند اللي غلطت على عباده واذيتهم..

ياترى تتوقع ان فيه احد انت ظلمته يوم سمع بوفاتك قال ( الله لايحلله ولا يبيحه مات اللي اذاني)؟؟؟؟

ياترى تتوقع احد بيجيب خبرك مع اللي تسولف معهم في النت.. والله محد داري عنك..

ياترى حبيبتك اللي انت فرحان فيها ولا حتى تلعب عليهاااا ..وش بتسوي .. اتحداك تصيح عند اهلها وش تقول ؟؟؟ خويي مات..

بتسكت وبيعزونها صديقاتهاااا وبتمر الايام وبتتزوج وتسحب على الذكريات...

غرفتك بتقول ياااارب انا غرفة فلان كان يسوي فيها ويسوي فيهااااا

سيارتك بتحكي

جوالك بينطق

اي ارض مشيت عليها بتقول يااارب فلان ا للي مات سوى كذا وسوى كذاااا

وانت

ماعندك حتى كلمه قلتها من قلبك تحاج فيها ربك..

مت .. وناس زعلانه عليك.. مت اهلك ماذاقوا برك.. مت وانت لاهي مع اللي والله والله يجلسون معك بالساعات واذا قاموا نسووووووووووك..

مت .. واللي عزك وعلاك وكبرك.. الحنان المنان الرب الرحمن.. ماااااااااااااااااجلست معه جلسه تقول فيهااااا الله اكبر وتبدى بالحديث معه وتقول الحمدلله رب العالمين وتركع له وتسجد له خمس دقايق بس..

انا ماقلت هالكلام الا والله اخشى واخاف اني ما الحق على رمضان ويقدر ربي سبحانه ان 2009 اخر سنه اتنفس فيهاااا..
ارجوك حاسب نفسك
واعتذر للي ظلمته و كف اذاءك عنه
وصل فرضك




اللهم بلغت اللهم فاشهد

اللهم بلغت اللهم فاشهد

اللهم بلغت اللهم فاشهد







تكفــوون.. احنا محتاجين لاشياء زي كذا ..



اشياء تذكرنا .. واشياء تنفعنا بعد الممات ..

[الحميداني F]

بسم الله الرحمن الرحيم
الله يجزاك الف الف خير عني وعن كل من قراها

الهم اهدنا وارحمنا .....

سبحانك اللهم وبحمدك ، أشهد أن لا إله إلا أنت أستغفرك وأتوب إليك

[ابو زياد الحميداني]

مشكوووور على المرووور الجميل
وانا سعيد بمروورك هذااااا

حميداني f تقبل تحياااااااتي لك

[ابـــو نـــورهـ]

الله يجزاك خير يابو زياد على الموضوع واللهم اهدنا واهد اخواننا المسلمين

[غنام العرافه]

أخي أبو زياد الحميداني

جزاك الله عنا كل خير , وجعلها الله في موازين حسناتك , والله يرحمنا ويثبتنا على طاعته , تقبل مروري وجل أحترامي .

[ابونادر]

الله يجزاك خير اخي يابو زياد على الموضوع المؤثر والنصيحة المفيدة

واللهم اهدنا واهد اخواننا المسلمين لما تحب وترضى ياكريم


تقديري


..

[ابو زياد الحميداني]

ابو غزوى
غنام العرافه
ابو ناااادر

جزيتم خيرا وزوجتم بكرا وانجبتلكم تسعة عشرا

مشكوووورين على المرور الجميل