وصايف العبدلي
19/10/2009 - October 19th, 09:03 AM
كنتي غناتي عن جميع المخاليق=كنتي حكايات الأمل والأماني
كنتي قصيدة حب بين المعاليق=كنتي حكاية طيَبه في زماني
واليوم خليت الهوى للعشاشيق=دفنت ماضينا بمهجة حناني
لاتسأليني عن قفول الصناديق=انا نسيت اللي مضى من زماني
ما طيق أِشوف أحزان ودموع ماطيق=باح العزا واللي بقلبي كفاني
ياليت عينك تفتش الصدر وتويق=وتشوف وش بين الضلوع المحاني
أشيل همٍ كبر أبانات وطويق=همٍ برا حالي وهمٍ طواني
بين الشقا والحزن والهم والضيق=خلتني أيام العنا شي ثاني
أقطع مسافات العمر يابس الريق=واسج رجلي من مكان أل مكاني
واغضي على بسمات الاحلام وافيق=افيق في بحرٍ بليا مواني
الله يسامح وقت مابه مرافيق=اليا بغيت امن السعاده عصاني
ولا تزعلي ترى السعاده توافيق=ولا يحزنك أمري ويزعلك شاني
انا أنا في وجه كل المعاويق=ضحكة صبر فيها كلام ومعاني
رغم الشقا والحزن والهم والضيق=تبقين صورة طيَبه في كياني
الشاعر سعود العبدلي
كنتي قصيدة حب بين المعاليق=كنتي حكاية طيَبه في زماني
واليوم خليت الهوى للعشاشيق=دفنت ماضينا بمهجة حناني
لاتسأليني عن قفول الصناديق=انا نسيت اللي مضى من زماني
ما طيق أِشوف أحزان ودموع ماطيق=باح العزا واللي بقلبي كفاني
ياليت عينك تفتش الصدر وتويق=وتشوف وش بين الضلوع المحاني
أشيل همٍ كبر أبانات وطويق=همٍ برا حالي وهمٍ طواني
بين الشقا والحزن والهم والضيق=خلتني أيام العنا شي ثاني
أقطع مسافات العمر يابس الريق=واسج رجلي من مكان أل مكاني
واغضي على بسمات الاحلام وافيق=افيق في بحرٍ بليا مواني
الله يسامح وقت مابه مرافيق=اليا بغيت امن السعاده عصاني
ولا تزعلي ترى السعاده توافيق=ولا يحزنك أمري ويزعلك شاني
انا أنا في وجه كل المعاويق=ضحكة صبر فيها كلام ومعاني
رغم الشقا والحزن والهم والضيق=تبقين صورة طيَبه في كياني
الشاعر سعود العبدلي