فقدناك يابرق الوسم لا فقدناك

[صادق الود]

مع التحيه والتقدير للاخ العزيز برق الوسم :-

فقدناك يابرق الوسم لافقدناك=عسى رجعتك للمنتدى من بشايرها
واملنا ايتجددوالامل شوفتك في ذاك=عسى الله يهييلك ظروف(ن) تسايرها
ومع الوقت لو صديت يالبرق ماننساك=عسى الله يردك وانتهنا بزايرها
وانا كل مامريت صفحه اقول القاك =وعلى كل صفحه بينات(ن) خسايرها
صحيح الوفى من طبعكم والردي يفداك =عليك القوافي ذارفاتن عبايرها
رسمت الطريق بفن للشعر في مبداك =جزيل المعاني ماتحير بغايرها
لك الشعر يسمو ويتباكا على فرقاك=يجره حنين الشوق جابر كسايرها

[ابونادر]

والله صحيح افتقدنا برق الوسم كلنا الله يعقله

صح لسانك ياصادق لود على هذه الابيات المعبرة عن الاخوة والاحترام

تقبل اجل الاحترام


..

[صادق الود]

سلمت يابونادر ولاهنت تحياتي

[غنام العرافه]

صادق الود

صح لسانك وتسلم وبرق له وحشه وعسى الله يرده , تقبل مروري

وجل أحترامي .

[صادق الود]

سلمت ياغنام العرافه لاهنت يالقرم

[برق الوسم]

مع التحيه والتقدير للاخ العزيز برق الوسم :-

فقدناك يابرق الوسم لافقدناك=عسى رجعتك للمنتدى من بشايرها
واملنا ايتجددوالامل شوفتك في ذاك=عسى الله يهييلك ظروف(ن) تسايرها
ومع الوقت لو صديت يالبرق ماننساك=عسى الله يردك وانتهنا بزايرها
وانا كل مامريت صفحه اقول القاك =وعلى كل صفحه بينات(ن) خسايرها
صحيح الوفى من طبعكم والردي يفداك =عليك القوافي ذارفاتن عبايرها
رسمت الطريق بفن للشعر في مبداك =جزيل المعاني ماتحير بغايرها
لك الشعر يسمو ويتباكا على فرقاك=يجره حنين الشوق جابر كسايرها


تكاشف بروق الشعر والبرق منه اهداك= نوادر قصيده مااملكوها تجايرها
تمد الوفا والطيب والود لااجل ارضاك= عسى الله يجملها ويقدا بصايرها
زرعت الوفا ياصادق الود في يمناك=وصحيح العرب تبذر وتثمر بذايرها
على طيب راسك شعر برق الوسم يزهاك=وجب واجبك والنفس تدفع بشايرها
الايابعد ناسن تشربك لها شرباك= على خبثها تكتب خوافي ضمايرها
ضعوف النفوس مدوجه ماتجي شرواك= لعل الولي يقطع منابع ذخايرها
على شان ماتزعل تركت البشر ذولاك= تركت الرخوم اللي تدفن جرايرها
وانا معتذر والعذر يالقرم مايخفاك=فهيم تحل ارموزها من خبايرها
عسى المنتدى يرقى بالابداع للافلاك= يتعدى النجوم بعز والا يسايرها
وانا معتذر من كل طيب زماني ذاك= رجال الكرم والطيب تفرح بزايرها
على شانهم جنبت يامسندي مناك= أقدر كبار القوم واحقر صغايرها
سلامي عليك اكثر من الوابل السفاك= وعدد ماتنوح الورق والخوف دايرها


برق الوسم