للمنتدى تسوقني غصب وانساق

[صادق الود]

للمنتدى تسوقنـي غصـب وانسـاق=صدق المشاعـر واتحـرى قوافيـه
للشاعر اللي يشرح الصـدر لاضـاق=جـزل المعانـي لانواهـا اتنـاديـه
شردن مصخرهـن للابـداع مشتـاق=لاصاغهـن ماكـل شاعـر ايجاريـه
يدخلك جون فيه مـن كـل الارنـاق=للذوق واهل الـذوق تسمـى معانيـه
ويكمـل المعنـى وزينـه بالاخـلاق=ويصد عـن شيـن اللغـى مايدانيـه
من زين طاروقه له القلـب يشتـاق=مثل المطر بالوسـم تكثـر مراعيـه
وايجمـل الصفحـات بالشعـر لاراق=واليـا تـكـدر ماتغـيـر مبـاديـه
ماينوصف شعره علـى كـل الاذواق=يطرب له السامـع ويطـرب مغنيـه
اخذتلـي بالمنـتـدى مـعـه دوراق=اليا انعمست افتح جهـازي واجاريـه
ولو قلت اروح اتجيبني غصب الاشواق=من شان برق الوسم تسمى معانيه

[غنام العرافه]

أخي صادق الود


ماينوصف شعـره علـى كـل الاذواق = يطرب لـه السامـع ويطـرب مغنيـه
اخذتـلـي بالمنـتـدى مـعـه دوراق = اليا انعمست افتح جهـازي واجاريـه


صح لساانك ورفع الله شانك قصيده جميله ورائعه وبرق الوسم يستاهل تقبل مروري وودي .

[ابونادر]

للمنتـدى تسوقنـي غصـب وانسـاق=صـدق المشاعـر واتحـرى قوافيـه
للشاعر اللي يشـرح الصـدر لاضـاق=جـزل المعانـي لانـواهـا اتنـاديـه


لله درك اخي الشاعر صادق الود على هالابيات الجزلة لاهنت
ويستاهل ابو وسم جزل المعاني كل ماذكرت فيه

صح لسانك ودام ابداعك للابد

وفي انتظار صدى برق الوسم قريبا ..







...

[سعد الحميداني]

لله الله على الابداع اخي العزيز على قلبي الشاعر صادق الود وبرق الوسم يستاهل هذه المناجاة النادرة والنفيسة وكلي شوق برد برقنا الغالي

[صادق الود]

اجزل الشكروالتقدير لكم ايها الافاضل على مروركم سلمت يابو نادر ويابو حمدان ويا اخي العزيز سعدوتقبلوا تحياتي
و جميع شعراءواعضاء المنتدى وزاوره يستاهلون المدح والاشاده والاخ العزيز برق الوسم وشاعر كبير ونكنوا له في قلوبناالتقدير والاحترام فايق تحياتي لجميع الاحبه