الخير

[سعد الحميداني]

انأ أخيل نو ٍ من شمال الحمــى ضــوى = بعيد ٍ ولكن بيّــنت با لسماء رســومه

عراكيــــز برقه حـــولت ليـــلنا ضــوى = وكـــل ٍ فرح في طــــلت الخير وقدومه

رعوده تقــــل ضلع ٍ من العالــيه هـوى = رزيمه يصحّي غــارق النـوم من نومه

تشرفـــت في حزم ٍ مــلاذ ٍ لمــن غــوى = يعــيش بسكون الـــلــيل ويغازل نجومه

أبااعانق الغربي وابا اسهــر مـع النوى = وابتــرك عـشيـــق النوم يقـتات بحلومه

ياحي المطــرريحه يجــيني مــع الهوى = تلــقيته بنفسٍ مــــــن الضـيــق مكتــومه

عسى الله يعـين اللي على الصبر ماقوى= وروحــه من الأشـــواق والبعـد معدومه

أصارع ردى حضن على عمري اللتوى = تــقـول ان نفسي بالغـرابيل محتومه

انا ياهـــل المعـــروف طــاويني الجـوى = عـلى شـوف حي ٍ مـاعــد تجيــني علومه

قضــابي غرامه واثـر بـــراسي الخـوى = ياعــزي لمــن نفسه مــن الحـب مظلومه

رويــته غــلاي وخـــافــقـي منه ماروى = مــتى اجـوّده بـــيـدي واكــنّ مشــمــومه

مشينا طريق الحب انا وصــاحبي سوى = ولاهــمنـــى الـلي بالقـــــفا مـكثــر ٍ لومه

انا كــل مايس منه تـــاخــذني ارهـــوى = عــلى شــوفهٍ من والي العــرش مقسومه

تراحيــب يا نوٍ شمـــال الحمـــى ضــوى = اعــرفه ولا يجهــلـني الخـــيــر ورسومه

[ابونادر]

اخوي ابو يوسف

صح لسانك مليووووون على هالقصيدة الجزلة


رغم ان شهادتي فيك مجروحه


احترااامي



..

[سعد الحميداني]

انا تلميذك وكل حرف تكتبه عني هو جميل لايمكن رده ابو نادر الله يطول عمرك

والف شكر على الرد اله لايهينك تقبل تحياتي

[صادق الود]

صـــــــــــــــــــــــــــــــــــــــــــــــــ ــــــــــــــــــــح السانك وتقبل تحياتي اخوك صادق الود

[سعد الحميداني]

الغالي صادق الود الف شكر على الرد تقبل تحياتي