قصيدة رووووعه لشاعر الوهيطات

[الرصاصي]

الله ولابعض المجاليـس ياحمـود= مثل الوليش تمر وتـروح عفنهـا
تلقى المعزب بابه اليـوم مـردود= وتلقى الهلايم له تقـاود ضعنهـا
من مرها يقلط علـى كـل منقـود= يجلس وياكل لقمته مـن صحنهـا
مع العرب تجزا على عق وصـدود = واقدام رجلي تكـرم اليـوم عنهـا
العود بايـر لاترجـى ورى العـود= ثمره من اللي لك تهـزع غصنهـا
لوهي وراها فـود مابغالهـا فـود=ياحمود نبعد عـن وطنـا وطنهـا
عن مجلسه يلقى تصاريف ووعود= واليا اتصل هرجته ماجـاز منهـا
موجود لك لوكان ماهوب موجـود=يبغى وراك اللازمـه وان ضمنهـا
يقفي ولاعنك من النـاس منشـود=وسكينته من لحم ظهرك سحنهـا
هذا الزمن من يصنع الطيب مجحود=(متغثرب ماهـا وصافـي لبنهـا)
الذيب طاح وطيحة الصخر جلمـود=والحصني ان شاف الطويله زبنها
واللي تمد الجود من جود ماجـود= كن الزمان يقـول ماهـو زمنهـا
وان حاولت تبذل لها كل مجهـود=سود الليالي من هو اللـي ومنهـا
في نون عينه تنقلب بيضها سـود=ذلـول متعوتـل بليـس برسنهـا
هذا نصحيه دونها اثبات وشهـود= اقبـل بهـا والا نسجنـا كفنهـا
اليا حداك الوقت واصبحت محـدود= ذي غلطتك واليـوم تدفـع ثمنهـا
مانيب انا ريس على كـل مقـرود=يبلش بها القبار ان قـام ودفنهـا
دنياك ماني ملحـق نقصهـا زود= اعرف وافرق شامها مـن عدنهـا



منقول

[صادق الود]

صح االسان شاعرها وناقلها لك وددددددددددددددددددددددددددددددددددددددددددي

[غنام العرافه]

أخي الرصاصي

يعطيك العافيه على النقل وصح لسان شاعرها , بس لو وضحت اسم شاعرها يكون أفضل , تقبل مروري وودي.