قصيده للشاعر /غويزي ساري العليم

[خالد العليم]

هذه القصيده للشاعر غويزي ساري الحميداني الذي يتميز بحب الصيد والقنص وحب الروابي وخوة الرجال المناعير ,,,,,,,,,



أحب الروابي لا صبحت خضر ممطوره=وفاحت عطور زهورها عقـب ماطرهـا
فـي ديـرةٍ لا شفتهـا تقـل مهـجـوره=من الناس ولا الصيـد يمـلا حواجرهـا
أفضل هواها عن هـواء كـل معمـوره=عسى السيل دائم هـو ملكهـا وعامرهـا
يزيد الفرح لا شفت الاشعـاب معيـوره=ودلت هما ليـل المطـر مـع عوايرهـا
وصارت مروج وهي بالاذكار مذكـوره=وانا الذى مـن كثـر الاشـواق ذاكرهـا
الى ابطيت عنها تصبح النفس مذعـوره=كما الريم يوم تفر من صـوت ذاعرهـا
عشقت المروج الخضر والروض وزهوره=كما يعشـق البلبـل يقطـف زواهرهـا
واشوف الغزيـل فيـه وتمـر وتـزوره=جذبها جمال الارض والشـوق زايرهـا
تعرض بعينٍ كـن فـي موقهـا صـوره=جمـال حباهـا الله قــدر وصـورهـا
وصارت لكل الناس بالوصـف موثـوره=وكـم عاشـق شبـه وليفـه بحاجرهـا
ترى الخازع اللى مابـه الريـم موفـوره=تراهـا عديمـة ذوق مثلـي معاصرهـا
اقضيبهـا وقتـي والاعمـار محصـوره=ولا دامـت الدنيـا لكسـرى وقيصرهـا
وهذى قصيدة شوق من نفـس محـروره=تذكر عصور الصيد والشـوق شاعرهـا




مع تحيات ---- خالد العليم

[برق الوسم]

عديت في حيدٍطويلٍ رفاعه

حيدٍطويلٍ من الحيود الرفيعات



تسلم اخوي خالد العليم

على النقل لهذه القصيده الجميله والصادقه

ودقة الوصف ماشاءالله عليه شاعر جزل صح الله السانه

لاهنت لحسن الاختيار وذائقتك الراقيه ووودي

برق الوسم

[ابونادر]

صح الله لسان الشاعر/غويزي العليم على هذه القصيدة الجزلة

وسلمت يمينك ياخالد على النقل لاهنت


تقبل فائق تحياتي


..

[خالد العليم]

حياك يالبرق وشكرآ علي مرورك

[خالد العليم]

هلابك يابونادر والله يحييك