(( أرجال الوفاء ))

[غنام العرافه]

السلام عليكم ورحمة الله وبركاته


أسعد الله اوقاتكم

بالخير والمسرا ت

أعجبتني هذه القصيده ونقلتها لكم عن طريق مقطع صوت من الجوال

وياليت من يعرف شاعرها يعطينا اسمه



يقولون مال العبد بداً عن المقسوم = وأنا اقول صح ويقنع العبد مقسومه
عسى الله يعين اللي توافد عليه هموم = هموماً تخلي طبلة الراس منجومه
تراء والله أنه مايكدر عليك النوم = سواء كلمةً من بعض الاصحاب مسمومه
اليا جت من الغالين والا الرخوم رخوم = والامحق من الغالي ليا شانة علومه
ضعاف الروابع تبتلش والقروم تشوم = ولاهي ليا شامت من الشين مليومه
والا ازين من القيع الخلا والوجيه سلوم= ولا رفقتن مع طول الايام ملغومه
ولا الذ من عشرة شريفاً من اقصى القوم = يبادلك فعل الطيب معناه واسلومه
ولا شفت في جو الصداقه غبش وغيوم = عطيت الدروب اللي مع الارض مرسومه
ولا مثل عز النفس لو ما معك مطعوم = وعن اهل الشماته خل الاسرار مكتومه
معي لو سمحت شوي عقبً عداك اللوم = ابا اعطيك عن بعض الرياجيل معلومه
تراء اللآش لو وقف معك في حياته يوم = تشوف الرداء متبيناً فيه من يومه
وانا اقول لو في وجيه الرخوم وسوم = عرفنا نميز قيمة النذل بأ وسومه
على شان نجلس مع أرجال الوفاء ونقوم = ونبعد من اللي عند الاجواد مذمومه
وأنا أسمع مع أهل التجربه في الحياه علوم = بعضه صحيح وبعض الاخبار موهومه
يقولون وكر الحر ما يعـتليه البوم = وانا شوف عيني وكر حراً تحت بومه



_منقول _

[صادق الود]

سلمت يابو حمدان

[برق الوسم]

تسلم يالعرافه

اختياراتك دائما مميزه

وقصيده جزله تسلم ويدوم وجودك

وودي برق الوسم

[غنام العرافه]

صادق الود


برق الوسم






أشكركم على مروركم ولعلكم تسلمون تميز مشاركتي بمروكم وجعلي ماخلا ولاعدم , وهلا بالغالين نورتوا الدار والديره دمتم بكل الود .