اللقافه حولت بي تحت برج الفيصليه ...يعلم الله يوم جيته ما احسب اني بالرياضِي

[أبن شـــلاّح]

http://www.mutair.ws/hello.png
http://www.almeshkat.net/vb/images/bism.gif
http://www.ashog.com/images/welcome9098.gif
حال شبابنا باسواقنا

الأخوة الأعزاء
سلام من الله عليكم ورحمة منه وبركات
يصور لنا شاعرنا الفذ الشاعرمحمد بن سعد بن حمدان الرحيمي الشلاحي وضع فئة من شبابنا العربي في هذا العصر من تقليد للغرب في لباسهم وسلوكهم وميوعتهم واختلاطهم .....وهو ينظر لهم من واقع شاب عربي شهم متربي على القيم ويتذكر تلك العصور التي تحتشم بها الفتاه ويتذكر قول الشاعر بندر بن سرور


رجل يحاول بالردى بنت عمه =ورجل يحاول ســـتر عذرى عوانيه


فيقول شاعرنا :


اللقافه حولت بي تحت برج الفيصلية =ويعلم الله يوم جيته ما احسب اني بالرياضِي
.
شفت شيء ما توقعت ولا يطري عليه =ولا تخيلته ولا متصوره حاضر وماضي
.
يخلف الرجال لو عزمه و هقواته قويه = والتقي والله ليطلع منفعل ماهو براضي
.
اثر معهم حق ربعٍ شارحين الوضع ليه = وكنت اكذبهم واقول الهرج هذا هرج فاضي
.
شفت لي شعب امتأثر بالشعوب الأجنبيه = في المذاهب والمواهب والعلو والأنخفاضي
.
والولد والبنت ما تفرق هذا عن شكل ذيه = في اللباس وفي المقاس وفي الحمار وفي البياضي
.
والوضع ما هو طبيعي والعرب ماهي صريه = والعلاقة والصداقه بالتفاهم والتراضي
.
قلت يمكن فيه هيه واثر مافي السوق هية = في هذاك السوق مطلوب التسامح والتغاضي
.

المهم اني وقفت وقفتي عن حسن نيه = اتفرج في البشر مالي على الأمر اعتراضي
.
ومرني واحد وانا واقف وكنه شك فيه = واحدٍ تيخ حمر مليان وكتوفه عراضي
.
قال وش عندك هنا قلت وش عندي هنيه = جيت ابا اشري لي مقاضي ما قدرت اشري مقاضي
.
ردني عنها غلا الأسعار وفلوسي شويه = وكل طفران مهدد عندكم بالأنقراضي
.
قال ما كنك ببرج الفيصليه في العليه = ولابس لك ثوب وشماغ بدوي والجيب فاضي
.
في العليا كل شيء له مزايا عالميه = والغلا في السوق واسعار العماير والأراضي
.
قلت يا قوم العليا ذمتي منكم بريه = واهني من حطكم في القيض في ذيك الفياضي
.
الفياض اللي تحيط ابها الخلي الأصرمية = فوقكم عج وسموم وتحتكم شوك ورماضي
.
ويتلخبط وضعكم لين الخوي يلعن خويه = وكل فسقان يعود منتهي حاله وقاضي


واخيراً فقد انتشرت القصيدة عبر اجهزت الهاتف المتنقل والكثير نسبها الى غير صاحبها ونحن هنا نثبت بما لا يدع مجال للشك ان قائلها هو محمد الرحيمي .


ولك خالص التحية والتقدير ،،،

وتقبلوا تحيات :
محمد الشــلاّحي
منسق موقع قبيلة مطير

من لا فرش للمرجله ما تغطيه ...ومن لا يهز الناس مأحدٍ يهزه
رجلٍ تعـزه قبل ما تلتقي فيه .....ورجل بعد ما تلتقي به تعـزه
ورجل ترزه بالمجالس مبـاديه .....ورجلٍ فلوسـه بالمجالس ترزه
ورجل يموت ولا يجيبون طاريه .....ورجلٍ يجي طاريه في كل حزه
والسلام عليكم ورحمة الله