ليتك تموتين والا اني اموت

[العذب]

ليتك تموتين والا اني امـــــــــــــوت
احسن ولا في كل يــــــــــــوم اتألمك

محــــروم من كلك ولا ياصلك صوت
ومحدٍ عن اللي منه اعـــــاني يعلمك

يعني كذا محروم منّك الى المــــــوت
محـــــروم من لمسك ولا اقدر اكلمك

مشتاق لك واغـــــــار وسنيني تفوت
واغـــــــار من توته اذا لامست فمك

من كثر مــــا بي من الم شي مكبوت
اخاف اقوله واذكــــــــــرك واتلعثمك

يعني اقول اسمك بعد وارفع الصــوت
ومعذور لو قلته احـــــــــــبك وهايمك

لكن على حبر القلم شـــــرهة النوت
ما كنت ابي الــــعالم ابي بس عالمك

[/size]العذب

[ابونادر]

لاحول هذا مهو حب هذا انتحار


صح لسانك يالعذب قصيده جزله من شاعر جزل

تحياتي





..

[برق الوسم]

العذب شاعرنا العذب

ماشاءالله على هالقصيده الااليمه والحزينه
مايكتبها كل شاعر رغم حزنها الا انها تلامس الوجدان

وهذا حال المحبين الله يعينك شاعر قادم بقوه

تسلم يالعذب وودي برق الوسم

[غنام العرافه]

أخي العذب

صح لسانك وتسلم قصيده جميله ورائعه والله يعافيك , تقبل مروري وجل احتراامي .

[العذب]

لاحول هذا مهو حب هذا انتحار


صح لسانك يالعذب قصيده جزله من شاعر جزل

تحياتي


..


صح بدنك يابو نادر ولاهنت طال عمرك

[العذب]

العذب شاعرنا العذب

ماشاءالله على هالقصيده الااليمه والحزينه
مايكتبها كل شاعر رغم حزنها الا انها تلامس الوجدان

وهذا حال المحبين الله يعينك شاعر قادم بقوه

تسلم يالعذب وودي برق الوسم

برق الوسم

شكرا لحضورك الكريم ولا هنت طال عمرك

[العذب]

أخي العذب

صح لسانك وتسلم قصيده جميله ورائعه والله يعافيك , تقبل مروري وجل احتراامي .


غنام العرافه

صح بدنك ولا هنت طال عمرك