سلام الله على ماجد

[سلطان الظفيري]

بسم الله الرحمن الرحيم
وبعد التحيه للجميع . احب اعرف بنفسي انا الشاعر سلطان الظفيري انا سجلت هنا معكم وحبيت اطرح لكم قصيده كتبتها بالاخ الرائد /ماجد بن غازي بن حبشان اللذي مهما قلت لا أصل لما يستحقه هذا الرجل من حروف ومشاعر .. اتمنى ان تحوز على رضاء الجميع

سلام الله على ماجد ولد غازي ابن حبــــشان
سلام ٍ مايليق إلا على الشـجعان والقاده
وبعد هذا السلام اللي يفوق الوصف يالمطران
ابي اصرف تحيه لايقه في ســيد الساده
هلا مبروك ياماجد هلا مبروك ياكحـــــــــيلان
هلابك كثر نــجم الليل في وزنه وبإعداده
هلا باللي اذا ضقنا يضيق ويمتلي احزااااان
هلابك يابعد عين ٍ حقوده دوم حـــــساده
شجاع وعادك صغير قبيلك منهزم خــــسران
يلوإنه معه مليون واحد مــــــــــاحد ٍ فاده
لكتاب الطيب والنخوه تراك الرمز والعنـــوان
يابوغازي ترا ايدينك لفعل الــــطيب معتاده
تراك العز لاثارت براكين الغضب دخـــــــــــان
هلابك يالشجاع اللي يشرف يوم ميـــــلاده
شبيه لغازي الخالد عساه بروضه وبستــــان
ابو فارس لشط المــوت دوم ايديه وراده
تقبلها يابو غازي احاسيسي وانا سلــــــــطان
ترا والله قصيدي فيك فاز وحقـــــق مراده
رجع ماجد. رجع قائد.رجع شيخ من الشيخان
نعم جينا نهني في وصول الشيـــخ ياساده

[ابونادر]

حياك في محلا مايجفاك ياسلطان الظفيري

وصح الله لسانك مدد بلا عدد وبيض الله وجهك قصيده جزله من شاعر جزل

والرايد / ماجد بن غازي يستاهل ماقيل فيه ومايقال عنه من المدح والثنا

طيبه مع الاجناب والاصحاب يرفع الراس وينومس الحمادين كلهم ..

شكرا لك يالظفيري وماعليك زود طيب من طبين ..


اخوك ابونادر ..


تم نقل القصيده لهمس القوافي

..

[سلطان الظفيري]

لاهنت يابو نادر على سرعة الرد وماهي غريبه عليكم

[صادق الود]

صح السانك ياسلطان الظفيري ويستاهل ماجد المدح

[النايفه الوفيه]

لله درك
فقد كانت حروفك كالاعصار
في وجه الازرق
ابداعكِ فرض كلماته على الصفحات السحرية
لاحرمنا الله هذه الكلمات
لكـ خالص احترامي

[شقران]

صح لسانك مليون وعدوك يهون

بيض الله وجهك ووجه ربوعك مزبنت الدخيل



سلطان حنا ننوب عن ابوغازي

انشهد انك كفيت ووفيت يا ابيض الوجه

وان نصيتها ابن حبشان كنك منصيها الحمادين


لك جل احترااااااااااااامي

[سلطان الظفيري]

هلابكم الجميع وانا ماسويت غير الواجب

[غنام العرافه]

أخي سلطان الظفيري


صح لساانك ورفع الله شانك والله لايهيينك ,

تقبل مروري ووودي .

[سلطان الظفيري]

هلابك ياأخ غنام والف شكر لمرورك

[ابن ربضان الحميداني]

صح لسانك يالظفيري

ولاهنت على القصيدة

ويستاهل ابو غازي كل خير