كابتن الطياره اعلن ياطوال العمر ربط الأحزمه

[شقران]

مسيكم بالخير ياوجيه الخير





ان خلا كرسي عزيز النفس ياشعار ماني شاحذه=ان خذا شامان كرسيه حلاله وان بغى لاياخذه

وسيف ابوحدين عينه للكراسي مير عيا النوخذه= (كابتن الطياره اعلن ياطوال العمر ربط الأحزمه)






عيونن ماتبينا ندخل التجديد=نداويها ونكحلها ونعميها

يقولون البدو بانت ليالي العيد= ليالي العيد بانت من عصاريها

[النايفه الوفيه]

http://alfrasha.com/up/1368432503285236906.gif

[ابونادر]

الله يستر الدعوى عاضمه فيها طيارات وربط احزمه وكباتنه

هذا هوشقران دائما يفاجينا بما لانتوقعه الا من شاعرمثله

صح لسانك يابو شقراء على هالطاروق المميز كعادتك ..




..

[الـــمـــلـــكـــي]

جتكم مطمه من مطمات شقران خخخخخ

شقران انت نكبة شعار القرن الواحد والعشرين والحمد لله أني ماني بشاعر ولا كان رحت غلطه من مبطي

صح لسانك ياشاعرنا وحنا متااابعين للمحاوره

تحيااااااااااااااتي

[النوخذه]

مساء النور ياهلا ومرحبا

احــــمد الله في غنــى عن هالكراسي كلها ياصاحبي=رايح(ن) من وين ما فكري خياله فالقصايد راحبي
في محلي جالس ووقت المقام افزع لمنهو صاح بي=( كبتن الطياره اقلع من مطاره وافطنوا للاحزمه )




هلا يامرحبا فالشـاعر الصنديد=بعــد ما تــنــعمي حنا نداويها
الا يا طير ياللي جبت لي الصيد=كثـر خيرك وخرجي دوم ماليها

[النوخذه]

شقران استمتع باللعب مع شاعر كبير مثلك
ولا يهونون شعار المنتدى
دخلت بالصدفه ولقيت ابياتك وحبيت اشارككم ولو بالشي القليل

[شقران]

ونعم بالله ياعميلي والكراسي همها همن كبير=انت ماتدري عن الي خابره شقران يالورع الصغير

انت ورعن مانبا نخرجك جاهل ثم تبلشني مطير=(كابتن الطياره اعلن ياطوال العمر ربط الأحزمه)



يدوم ابك البقا ياباشة التفنيد= تداويها ومثلك رايحن فيها

عساك تصيد في تالي الزمن وتفيد= وانا ماهقوتي ورعن يسويها

[شقران]

http://alfrasha.com/up/1368432503285236906.gif



النايفه من دخلت القسم وانا اقول من ها الخبل الي حاط عطر نسائي خخخ

واثريه عطرك

مرورك فاخر جدا


لاهنتي اختي على المرور

[شقران]

الله يستر الدعوى عاضمه فيها طيارات وربط احزمه وكباتنه

هذا هوشقران دائما يفاجينا بما لانتوقعه الا من شاعرمثله

صح لسانك يابو شقراء على هالطاروق المميز كعادتك ..




..



لاهنت (استاذي) ابونادر


دايم ترفع المعنويات جعلني ماخلا منك

لاهنت على المرور

[شقران]

جتكم مطمه من مطمات شقران خخخخخ

شقران انت نكبة شعار القرن الواحد والعشرين والحمد لله أني ماني بشاعر ولا كان رحت غلطه من مبطي

صح لسانك ياشاعرنا وحنا متااابعين للمحاوره

تحيااااااااااااااتي







خخخخخخخخخخ

والله ما اضحك ولا استانس الا لا شفت تعليق ها المسلم

[شقران]

شقران استمتع باللعب مع شاعر كبير مثلك
ولا يهونون شعار المنتدى
دخلت بالصدفه ولقيت ابياتك وحبيت اشارككم ولو بالشي القليل


شعور متبادل جدا جدا جدا

والشعر مافيه كبير (الله يرفع قدرك عند مولاك)

ولايهونون الشعار

[الـــمـــلـــكـــي]

مساء النور ياهلا ومرحبا

احــــمد الله في غنــى عن هالكراسي كلها ياصاحبي=رايح(ن) من وين ما فكري خياله فالقصايد راحبي
في محلي جالس ووقت المقام افزع لمنهو صاح بي=( كبتن الطياره اقلع من مطاره وافطنوا للاحزمه )




هلا يامرحبا فالشـاعر الصنديد=بعــد ما تــنــعمي حنا نداويها
الا يا طير ياللي جبت لي الصيد=كثـر خيرك وخرجي دوم ماليها



كفووووو يالنوخذه

كنت متوقع أنك بترد لأني أعرفك شاعر جزل وشجاع وانت لها يالنوخذه

وردك وااااافي وعزلله أنكم من فطاحلة شعارنا ولايهونون أخواني الشعار الباقين

الصفوووف الصفووووف يا أبوحدين وياشامان وينكم ( ترا النايفه بصفوفنا مع النوخذه :wink: )

متاااااااااااااااابع ومن قررررررررريب

[النوخذه]

ماهقيتك تلتفت للسن وانت تقول انا عقلي فهيم=مادريت اني ليا من صبت ياشقران في قلب الصميم
ودي احشمك ولاكن والله المعبود لا ماانت بحشيم=(كبتن الطياره اقلع من مطاره وافطنوا للاحزمه)



انا ماني بلا خبل ولا رعديد=تحمل غلطتك يوم انت باديها
تريح ياخصيمي لا تروح بعيد=سباع القوم تعرف من حصانيها

[شقران]

اثرك نفيسه ونفس العبد لاشانت تهدل برطمه= هو نسى كوي المياسم فوق خده كود نرجع ناسمه

فا المعارك يابيض الخدين من لايحشمك لاتحشمه=(كابتن الطياره اعلن ياطوال العمر ربط الأحزمه)



انا ماقلتلك خبلن وراك تزيد= لقافه واللقافه ماتخليها

حشيت البندق وهدفت للتسديد=وسباع البحر ماتستاهل ارميها

[النوخذه]

من يرد الشيعي اللي طش سرواله ونزل طينته=اشهد ان السينه القشرى بوسط الناس هذي سينته
ان حفظ مسكينته والا ترى مااحدن حفظ مسكينته=(كبتن الطياره اقلع من مطاره وافطنوا للاحزمه)




تبي تنقد ولاكن خانك التنقيد=سباع البحر منك تو نوحيها
قبل لا تتجه لمكيتب التجنيد=ترفق شف عيوبك من بيحصيها

[شقران]

المسيكينه عجوزن ماتشوف الناس وانتم خابرين= وش تبى بالعجز ياراعي العجايز والنشاما حاضرين

خذ عجوزك معها ورعانن تسامرهم عساكم صابرين=(كايتن الطياره اعلن ياطوال العمر ربط الأحزمه)



تأكد ياعميلي واحسن التاكيد= بلشنا في ثقافتكم ننميها

تحفظ وادرس التجويد والتوحيد= صقور الناس لاتبلش وتشويها

[النوخذه]

يالله دخيلك غديت وضعت ياشقران في وسط العجاج=صرت مثل اللي يغش الناس فالسلعه وهو باارض الحراج
لاتحذف الناس فاحجارك وبيتك يارفيقي من زجاج=(كبتن الطياره اقلع من مطاره وافطنوا للاحزمه)




انا دكتور فالتنوين والتشديد=علومي كلها ماني بناسيها
خسرت الله يديمك ياريال مدريد=مراميكم غدت ربي يعافيها

[سيف ابو حدين]

الله الله الله محاوره رائعه وعذروني على التأخير كان عندي التزامات دراسيه

على العموم انا متابع لكم

مبدعييييييييين ماشاء الله وانا ماني بصف احد انا بصفكم كلكم






متابع لي عوده

[الـــمـــلـــكـــي]

هاذي الملعبه اللي على أصوووول

شقرااان - النووخذه

عزالله أنكم شعار مايختلف عليكم أثنين

أبوحدين تعال أمسك االصف لاتجلس تتفرج ترا أيديني أفترن

الليل الليل ياشقراان عجل علينا

[شقران]

نوخذتنا ضيع الطاسه وانا خابره بالدرب الصحيح=الحمول الكايده خلت جملكم ياهل النقره يطيح

اول المشوار صامل مير تاليها بدا زبده يسيح=(كابتن الطياره اعلن ياطوال العمر ربط الأحزمه)



يادكتور الصراحه تذبح العربيد= ولانحرج بها شعار نغليها

تجيب العيد ولا ماتجيب العيد=امشيها لشرواكم امشيها

[النوخذه]

ياعرب راع الطرب غنى وجر الصوت فالناي الحزين=ابتدت له وانتهت له قصة العاشق على شوق وحنين
من يلومه لو يشق الثوب ويبوبه بعد غدر السنين=(ياسباع البحر والله قصة صارت شنيعه مؤلمه )




عليك العين ياشقران بالتحديد=قوافي فايته وشلك تسريها
تقول بيوت ثم ترجع علي تعيد=بيوت قلتها مالله بحاليها

[شقران]

الدعاوي مزوح يارجال وانتم ماتعرفون المزوح=نوخذتنا غالين عندي ولانرضى عن دياره يروح

ياجملنا هدي اعصابك وقدرك ياجملنا لايفوح=(كابتن الطياره اعلن ياطوال العمر ربط الأحزمه)



زعلتو والزعل جانا عالى التقصيد= وان كاش متعمدها وباغيها

لكاعه واللكاعه طبع فبن مهيد= ونفس النوخذه لازم نراضيها

[النوخذه]

الجمل لو هو قصر سنه يشيل اللي تشايله الجمال=ان هدر والا رغى في ماقفه يبقى جمل يابن الحلال
والله اني خابرك تمزح ومزحك غالي في كل حال=(كبتن الطياره اعلن يا طوال العمر ربط الاحزمه)



رفيقك خابر الطبخه بلا ترديد=وخابر نفسك وخابر مغازيها
تراك بحيد وانا يالرفيق بحيد=نروم الطايله لعيون غاليها

[النوخذه]

شقران استمتعت والله باللعب مع شاعر فحل مثلك
والله لا يهينك


سيف ابو حدين يامرحبا والله معذور بالنسبه للمتابعه
والله يوفقك وما عليك زود


الملكي والله لو اقول وش مااقول مااوصف ربع غلاك عندي الله لا يهينك

[شقران]

النوخذه

لله درك ودر عودن جابك


هذا الشعار الي نبيهم ولا ونقعد في بيوتنا ابركلنا


تحياتي لشخصك المحترم جدا

[النوخذه]

الله لا يهينك ياشقران
وماعليك زود





ولي الشرف والله باللعب معك



صح بدنك


تحياتي

[الـــمـــلـــكـــي]

جزله هالمحاوره كلها جربعه خخخخ

النوخذه

أتمنى أن تكون متواجد دائما بيننا بصراااحه أنت شاااااااعر جزل جزل جزل ونفتخر بتواجدك

شقران

تعرف رأيي من زمان فيك يالأطخم ....

لاتحرمووونا متعة المحاوراة الجزله يالربع ترانا متااابعين والزوار اللي متابعين تعدو الألف

تحياااتي

[سيف ابو حدين]

بيض الله وجهيكم كان ودي احضرها مير انشغلت اشوي ماقصرتو واللله كلكم مافيكم طب ههههه

مبدعين ولاهنتم