ان خرب شامان شقرانه خرب

[شقران]

مسا الخير ياوجيه الخير


وين شامان ازهموله ياعرب=لايروح بعيد يومنه قرب

ان خرب شامان شقرانه خرب= لا تقول النوم اخير من الصلاه


ياشامان وسمك من وسوم الحمادين= هل الخيل فريس المهار الاصيله

انا اقول فالمظمار لزو حصانين= وغيري يقول الخيل عز القبيله

[شامان]

هيه ياشقران جعلك ماتهون

لاتهجد مطير حمران العيون

حولكم شامان وأنتم تعرفون

لا تقول النوم أخير مان الصلاة......


ياشقران وسمي في خدود البعارين******يميــــن ويمين اللي تشيل الثقيلة

وأنا آقول مال الخيل غير الميـادين******ليا ركب خيـــــــــال الكحيلة كحيلة

[شقران]

الرسايل جاتكم عبر البريد= وانت مارديت ياعبد المجيد

لويزيد جفاك بجفاك وبزيد= لاتقول النوم اخير من الصلاه



المطيه عليها وسمنا يااحمر العين= هلالن وسمته من وسوم الدويله

تقوله وخيلك مالها كود شهرين=وبنت العبيه من سنين طويله

[شامان]

الرســــــــــــايل منك وصلت والرسول

عنــــــــــــــدنا به مشكلة كيف الحلول

ميـــــــــــــــر ياشقران قلي ويش أقول


لاتقول النوم أخيـــــــــر من الصلاة

عنــــاوين ياشقران حول العنـــــاوين*****لـــو إنك عرفت الوسم من ينتمي له

أقوله وأنا ما بين ربعي إو مـــــا بين *****عدو( ن) يشوف الميل من غير ميلة

[شقران]

لاتقول الوسم واضحلي واشوف=لو جنابك مابيى نطق الحروف

بنشدك بالفوج رجال معروف=لاتقول النوم اخير من الصلاه



تريحيب فارس وغدروه المعادين= وغدر المعادي ياعميلي فشيله

ولا راح دمه من وراه الجبارين=خذينا امير القوم تركي بديله

[شامان]

الهلال إهلال والدنيا نجوم

[شامان]

الهلال إهلال والــــدنيا نجــوم

وأنت نجم إولا تغطيك الغيـــوم

إترك أهل العلم وأبشر بالعلوم

لا تقول النوم أخير من الصلاة ؟؟


تــــــــــــراحيب ياشقران مافيه رايين.

مــــــع إن العميل أحيان ينكب عميله

شهادة شبابة من هاكالحيـــــن للحين

وأنا خابـــــــــــــــر تراحيب يندر مثيله

[شامان]

الختام عندك

أخوي شقران

صح لسانك

وأنا مضطر أغيب عن المنتدى فترة

أشوفكم على خير

شامان.

[شقران]

ياعميلي ماعلا شرواك زود=اشهد انك فارسن مانت بشرود

مير ياشامن واعدني تعود=لاتقول النوم اخير من الصلاه


تخاويت انا وشامان خوة رفيقين=ولا ادري فراقه عننا كم ليله

لاكن الحقيقه يالرجال المسمين=اببطي وان فاقد رجال الثقيله

[غنام العرافه]

شقران وشامان


الله يعافيكم محاوره جميله وممتعه والله لايهيينكم أعطيتم قسم المحاوره جو أكثر من رائع وعلى القوووووووووووووه , دمتم بكل الود .