تسجيل الدخول

مشاهدة النسخة كاملة : تكفيني ابها/منوخ بن نادر الحميداني


سيف ابو حدين
18/05/2010 - May 18th, 04:37 AM
اترككم مع القصيده




قالوا علامك ماتسافر بها الصيف
وش يمنعك من رحلة الصيف عنا

يم الديار اللي بها يوجد الكيف
يدله بها راع السفر ويتهنا

الجو بارد واندماج وسواليف
واللي تبي راهي على ماتمنا

قلت اتركوني ماعليها تحاسيف
مافيه شيء يستحق اتعنا

ماطيع شور اللي هروجه تخاريف
مهما يقول من الكلام ويزنا

ماني خوي اللي يبون الغطاريف
تكفيني ابها مع مصايف وطنا

انا بدار شعبها يكرم الضيف
عشنا بها في عز من يوم كنا

ما مثلهابالكون كله تواصيف
الخير فيها واسعد الناس حنا

ياناس ليه البهذله والتكاليف
يالله دخيلك بالسفر وش فتنا

بكره تجون من السياحه مناكيف
البال ضايق والمخابي فضنا

محد كسب غير التعب والمصاريف
كل يقول فلوسنا ماكفنا

غروبها اللي بالدراهم صراريف
طارت وحنا بالحيل مافطنا

بين الفنادق والمسارح تناتيف
واللي بقا مناك واحيان منا

لو انها ببلادنا مابها حيف
على الاقل فلوسنا في وطنا



منوخ نادر الحميداني




ودمتم



اخيكم



سيف
العنيده
18/05/2010 - May 18th, 05:53 AM
الله الله صح الله لسأن ابو نادر مدد بلا عدد
ع القصيده الرائعه .:thumbs_up:

وتسلم يمآنك اخوي سيف عطرحك للقصيده الجزله
لاهنت:mtr15:
همس الغرام
18/05/2010 - May 18th, 12:54 PM
صح لساانك ولساان الشاعر بونادر
لاهنت ع القصيده الرااائعه
ذائقه مميزة
يعطيك العافيه
ابونادر
18/05/2010 - May 18th, 08:16 PM
الان عرفنا ان سيف ابو حدين حرامي شعر حتى المتخبي ينخشه

ههههههه

مشكور اخوي سبف تصدق هذه القصيدة مضيعها من زمان ومدري وين لقيتها انت


لاهنت والله يعطيك العافية

لك ارفق التحايا ..




ابونادر



..
سيف ابو حدين
19/05/2010 - May 19th, 04:15 AM
الله الله صح الله لسأن ابو نادر مدد بلا عدد
ع القصيده الرائعه .:thumbs_up:

وتسلم يمآنك اخوي سيف عطرحك للقصيده الجزله
لاهنت:mtr15:



لاهنتي اختي الكريمه على المرور الجميل بوركتي
سيف ابو حدين
19/05/2010 - May 19th, 04:16 AM
صح لساانك ولساان الشاعر بونادر
لاهنت ع القصيده الرااائعه
ذائقه مميزة
يعطيك العافيه



صح بدنك نيابةً عن ابو نادر ولاهنتي على المرور اختي همس



سيف
سيف ابو حدين
19/05/2010 - May 19th, 04:18 AM
الان عرفنا ان سيف ابو حدين حرامي شعر حتى المتخبي ينخشه

ههههههه

مشكور اخوي سبف تصدق هذه القصيدة مضيعها من زمان ومدري وين لقيتها انت


لاهنت والله يعطيك العافية

لك ارفق التحايا ..




ابونادر



..


خخخخخخخخخخخخ لاتكشف المستور يابونادر


والله يابونادر الشعر الطيب اندور عليه لوه بقصى الارض وانت ماتحتاج شهاده

والقصيده هذي جبتها بطريقتي الخاصه ولان معلم احد :zip: ههههههههه
غنام العرافه
20/05/2010 - May 20th, 06:48 PM
أخي سيف أبو حدين


لاهنت وتسلم وصح لسان الشاعر الغالي منوخ نادر الحميداني جزل وقصيده هادفه .
سيف ابو حدين
24/05/2010 - May 24th, 01:45 AM
لاهنت اخي غنام العرافه على المرور والشاعر ابو نادر غني عن التعريف