ما نيب مسيّر بعد خلي على الحاره

[العنيده]

ما نيب مسيّر بعد خلي على الحاره
جعل الزلازل بعد خلـي تزلزلهـا
دار جفت لي حبيبٍ عفت مسيـاره
يالله بنجمٍ مـن السابـع يجزلهـا
خلي غدوا به هله يا بعد مشـواره
وانا من الزين والزينـات عازلهـا
جوا له بعاد النحايا واقلعـوا داره
والقلب غيره حرامٍ ما يفـزّ إلهـا
امني النفـس رد الحـول بزيـاره
يا من يبشر الـى زارت منازلهـا
يا كودي ارتاح وانسى الهم واكداره
باللي عيوني وانا مـاش تغازلهـا
كلٍ على قد فعلـه تذكـر اخبـاره
الناس بالناس والله مـا نهزلهـا

لشاعر عنيزة الكبير حمد بن عبدالرحمن المغيولي ...:rose:

[همس الغرام]

الله أبيات رآآآئعه
صح لسان شاعرها
و يعطيك العافيه على مثل هذا الاختيار
مــا قصرتي عنوده
دوم يارب هالابداع
واصلي ابدعك ولاتحرمينا جديدك

[سيف ابو حدين]

صح لسان شاعرها وشكرا على النقل خيتووووووووو والاختيار الموفق لشاعر كبير

[دحيم السلاهبي]

سيدتي الغاليه العنيده
قصيده في منتهي الرقه والجمال
تداخلت مع شراين قلبي بلونها الخاص
فلكي كل الشكر والحب والتقدير
اخوكي /جندي خفاره

[عشقي لذابحي]

غاليتي صح لسانك بصراحه اختيارك في القصيده
قمه الروعه ومعجبه فيها وصح لسان شاعرها