**][ لعبه:: ورط اللـــي بعـــدك .. ][ **

[راعي الدهماء]

مســــاء الخير

لعبه حلوه واللي هي أسئل سؤال وورط اللي بعدك .....

كل شخص يسأل ويرد عليه اللي بعده شرط..يجاوووب بصراااحة..

أنــا أبدأ..

اللي بعدي أيش فيـــه قــــدامك؟

[ابوجراح]

مشكور على اللعبه الحلوه ياراعي الدهماء
وانت ماورطتني سؤالك فيه مراعاه وبسيط
وقدامي ياطويل العمر والسلامه شاشة الحاسوب وقلم وكتاب قصص الانبياء لابن كثير
واقراص سي دي والماوس
وسؤالي للي بعدي
مارايك بالمنتدى حاليا وبك صراحه السلبيات ولايجابيات
ومشكورين

[راعي الدهماء]

شاكر لك أخوي أبو جراح على تفاعلك الجميل مع المسابقه الحلوه ..

بس سؤالك حيل حيل قوييييييييي ..

رايي أنه ظهرت عليه سمات التطور والنمو والنجاح ..

أما السلبيات والإيجابيات مانبي نتطرق لها هنا وأنا أخوك ..

سؤالي للي بعدي ...

كم أنجزت جزءا من القرآن منذ بداية رمضااااان ؟؟

[ابونادر]

راعي الدهماء


مواضيعك دائما تعجبني وتشدني بس ربعنا الله يهديهم باردين شوي رغم اننا بالصيف



ومن الصدف أن اللي امامي ألآن في هذه الحظة تدرون من ياشباب ؟؟

؟





؟






؟




الفنانة .. اريام .. والمذيعة .حليمة بولند .. وشاشة روتانا .


..


والان طلع واحد زلمه لبناني مدري وش اسمه الله يقلعه





والى اللقاء

[رحال]

هههههههههههههههههههههههههههههههههههههههههههههههههه ههههههههههههههههههههههههههههههه آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآ يا بطني يا بو نادر اويلي اويلي اوييلي اويلي هههههههههههههههههههههههههههههههههههههههههههههه آآآآآآآآآآآآآآآآآآآآآآآآآآآآآ يا بطني


يا راعي الدهماء وابو جراح وراعي الدهماء ابو نادر تراه ما درى عن طريقة المسابقه هو فهم ان يجاوب على السؤال الاول ما درى ان كل واحد يجاوب لاازم يسئال للى وراه لا تواخذونه يا جماعه الخير

عيني على التلفاز وقلبي بديني **** وش حيله المهيوم غير العطيه

بهدي لريام قلبي وعيني ***** وبنت البولند لها حياتي هديه

على شاشات روتانا مسجيني *** رحال بيسلم ولبو نادر تحيه

رحاااااااااااااااااااااااااااااااااااال

[ابونادر]

رحال


سلامة بطنك أن شاءالله ماينفجر من الضحك الزائد من ابونادر


نعم ياخي انا اعر ف أن السوال موجه للعضو الذي بعدي ولكني اعتبرت أن اللي بعدي هو انا ،وقلت من الصدفة ياشباب

يعني أن الذي امامي جعلني اكتفي بالجواب عن غيري وهي نوعا من فن الطرفة .. هل فهمت يارحال ؟؟؟؟ ارجو ذلك ،،


تحيااااااااااااااتي

[راعي الدهماء]

ههههههههههههههه

الله يهديكم ياشباب .. الحين قعدتم تسولفون ونسيتم اللعبه!!!

على العموم السؤال للي بعدييييي ..

هو : كم يوم أفطرت من بدا رمضان ؟؟

[شيخ الحمادين]

انت قلت لازم اجاوب بصراحه
والصراحه؟
؟

؟

؟

؟

؟

اني ولا يوم صمت اصلا
وتقبلو ......تحياتي
اخــــوكــــم..........
الـــحـــ شيخ ـــمـــاديـــن

[ليلى بنت المهلهل]

انت قلت لازم اجاوب بصراحه
والصراحه؟
؟

؟

؟

؟

؟

اني ولا يوم صمت اصلا
وتقبلو ......تحياتي
اخــــوكــــم..........
الـــحـــ شيخ ـــمـــاديـــن
استغفر الله

اخذتك العزه بالاثم



سؤالي



للي بعدي واذا فيه خير يجاوب



وش اسم أمكـ >>>>> متأثره بطاش ماطاش:p

[ابونادر]

مالقيتي إلا هالسؤال يابنت المهلهل

اسم أمي


منيرة الحمد


..

اللي بعدي لويسمح





يكتب اسماء 7 اعضاء .. ؟

[ابونادر]

مالقيتي إلا هالسؤال يابنت المهلهل

اسم أمي


منيرة الحمد


..

اللي بعدي لويسمح





يكتب اسماء 7 اعضاء .. ؟





تحيااااااااتي

[رحال]

السلام عليكم

سبع اعضاء مش مشرفين طبعا
انا اولهم رحال و ابن رويل و صفصف صافي النوايا و شيخ الحمادين يا عيبي عليك تفطر والناس صيام هين لو اعرف اسمك بفضحك :d

والنقل الجماعي الله يذكره بالخير وبعد خالد رشيد وايضا فهد الشخر وشكرااا لكم سبعه الحين بعين العدو والباقي يتفرجون ويضحكون :d

[رحال]

ما هو اخر شيء اكلته اليوم يم يم يم يم

[راعي الدهماء]

والله ياطويل العمر .. اممممممممممممممممممم ..

تسحرت مندي .. وعقبه حليت بكيكة كاكاو ..


اللي بعدي استلم ..


شنو سيارتك؟
وإذا ماتسوق .. شنو سيارة سايقكم؟
وإذا ماعندكم سايق .. شنو أحلى سيارة عندكم؟؟ >>>>>>>>>>>> تجاوبون غصب يعني تجاوبون على السؤال .. ههههه

[القلب النابض]

فورد
اللي بعدي ،
وش أسم هنديتكم <<أطلع برا
لا جد ، كم مرة جبت العيد بالدراسة بالعربي سقطت وبي صف ومنو كان يدرسكم ، ومن كان معك يرجي ذكر جميع الطلاب علي اساس ما احد يزعل ، ومن كان يومها حارس المدرسة ، ومنو كان بياع المقصف ؟وعلل

[ابوجراح]

والله توهيقه ايش سالفت النكبات اليوم هذا
المهم سيارتي فورد ميركوري موديل 95ولونه ذهبي
سؤالي للي بعدي
ماوظيفتك
واذا كنت طالبا بأي صف
واذا كنت متسببا فماهي طريقتك لكسب الرزق بعد الله سبحانه وتعالى
وسلام

[ابونادر]

ابلش عاد يعني لازم اجاوب صح والا اطلع




الوظيفة : مدير مستوصف الثامرية


اللي بعدي

كم : اكبر مبلغ استلمته في حياتك ومن أين ؟





تحيااااااااااااتي

[راعي الدهماء]

والله أكبر مبلغ أمممممممممممممممممم ..

ما أستلمت مبلغ كبير إلى الآن عشان أقولكم ..

على العموم نفس السؤال للي بعدي ..

لعل أبو نادر له غايه من هذا السؤال ولا أريد أن أفسدها عليه ..

[ليلى بنت المهلهل]

ماراح اجاوب لأن عمري ماستلمت مبلغ مسكت:o


بس حبيت أبدي أعجابي بأبونادر والله يطول في عمر الوالده

[راعي الدهماء]

والله اظاهر يابو نادر ان سؤالك إما صعب أو محرج !! هههههههههههههه

والله ماودي أغير السؤال عشان خاطر أبونادر ...

تكفى يابونادر تعال وحل هالمشكله ..

[ابوجراح]

لا مااقبل
راعي الدهماء
وليلى
يتهربون من الجواب
ولا وش رايكم ياجماعه
السؤال واضح ولا ترى المشاركه تفقد مصداقيتها
ابونادر يسأل اكثر مبلغ استلمته بحياتك ومن اين انشاءلله مية ريال
وشكرا
الجواب ننتظره منكم يالاعزاء الاثنين

[ليلى بنت المهلهل]

بما انا في مجتمع شرقي

الأولويه للرجل:p

[شيخ الحمادين]

لا عادت
مزحنا
معهم
وصدقوا
((مصدقين اني افطر))
امزح وربي امزح










والجواب على سوالك يا القلب النابض..هو
جبت العيد بالدراسه مره وحده
في صف ثاني ثانوي ((علمي))....العام الماضي
وكان يدرسنا يا طويل العمر..
أ/علي الشعيبي((لغه عربيه))
أ/فهد القحطاني ((كيمياء)) (توفي قبل رمضان بحوالي10 ايام) ادعو له بالرحمه
مدير المدرسه أ/عايد الظفيري
وكيل المدرسه أ/عواد الظفيري((مدري وش اسمه))
أ/مدرس شمري عربجي (ابوجدايل) (( نفسيته خايسه)) ((رياضيات))
أ/نزار((سوداني)) ((اللغه الانجليزيه))
أ/عبد الباسط((ايضا سوداني)) ((فيزياء))
أ/عبدالله الغامدي((قران وحديث))
والطلاب هم/
1-علي سعود العتيبي
2-عبد الرحمن السبيعي العنزي
3-عبد المجيد عبد الله العنزي
4-عبد المجيد محمد المطيري
5-انا
6-عبد العزيز خلف العنزي
7-عساف العنزي
8-عبد الله العنزي
9-علي مبارك الصيعري((ساره مول))
10-سعيد مبارك الصيعري((ساره مول))
11-سامي الحربي
12-مفرح العنزي
وحارس المدرسه/علي ((هندي))((يا عليه شاي))
وبياع المقصف /دروال ((بنقالي))


وسؤالي يقول/عندك 30خرووف ولازم تذبح كل يوم عدد فردي وتخلصهم في3 ايام؟كم تذبح كل يوم((عدد فردي لازم))؟؟
يالله فكرو فيها ومعكم 90 عام


تــقــبــلــو تــحــيــاتــي........اخـ ا لـــحـ شيخ ــمـــاديــن ـوكــم

[راعي الدهماء]

خلصت المهله .. عطنا الاجابه .. >>>>> انكبه

متى حسيت بالسعاده .. قبل تدخل منتدى الحمادين .. والا بعد ما إلتحقت به ؟؟ >>>>>>>> لازم سؤال سهل خخخخخخ

[ليلى بنت المهلهل]

انا دايما سعيده:d


كم مقاس رجلك>>>>> يعني قدمكـ ؟؟!!

[راعي الدهماء]

43

كم عمرك ؟
كم طولك ؟
كم وزنك ؟

>>>>>>>>>>> استبيان خخخخخخخخخ