الـكـذب والـظـلـم

[خالد الرشيد]

رأيته كاذب

رأيته ظالم

موقف حصل لي قبل مدة

فثار ما أكنه في صدري

فكتبت ( الكذب والظلم )

يقول خالد :



بديـت بإسـم الله بديـع المعـالـم=والعلـم عنـد الله مبيـن ومعلـوم
أكره حياة الظلـم وأهـل المظالـم=ديرة وفيها حق الأجـواد مهضـوم
أحـدٍ رقـى مـا تعبتـه السلالـم=وأمسى يضاهي بالسماء وقدمه نجوم
ما يـدري ان الله بالأسـرار عالـم=ربٍ رفع طير الحباري عن البـوم
يكذب وأنا من ديـن الأيـام سالـم=مدام ربـي ناصـرٍ كـل مظلـوم
يكذب وانا لساني صـدوق الموالـم=لو فاز يومٍ ما خسرنا العـرب دوم
ويالله تخيـب بالبشـر كـل ظالـم=ويا رب جنبني دعا كـل مضيـوم

أخوكم / أبو مساعد

[راعي الدهماء]

ويالله تخيـب بالبشـر كـل ظالـم = ويا رب جنبني دعا كـل مضيـوم

الله الله عليك يابو مساعد ..

وش هالدرر الثمينه .. قصيدة رائعه بمعنى الكلمه ..

صح لسانك ولاهنت ..


تقبل صادق الود من .. أخوك .. رااعي الدهماء

[ابونادر]

اكره حياة الظلم واهل المظالم = ديرة وفيها حق ألاجواد مهضوم




صح لسانك يابومساعد على هالابيات التي يعرف ابونادر دوافعها

ويشارك شاعرها في معاناته منها ولكن الله اقوي من كل ظالم


الجبال لاتهزها الرياح يابومساعد وأنت وجهك ابيض وقلبك انقاء من المطر


لك كل الاحترام وصادق التقدير

[صافي النوايا]

أحـدٍ رقـى مـا تعبتـه السلالـم
وأمسى يضاهي بالسماء وقدمه نجوم


يا ابو مساعد كل واحد خذا بيت وغنا فيه اما انا اخترت هذا البيت لغني فيك انت يا هلا وغلا شرفتنا يا ابو مساعد والله يبيض وجهك على هذه القصيده التي تعطي لنا وتظهر رجل بقوة الجبال وعزم الرجال الكتاب الاقوياء هم الذين يستطيعون العطاء ولا ينتظرون شيء من احد غير اتعلم فقط شكرا وصح لسانك يا ابو مساعد
اخوك المحب صافي النوايا

[خالد الرشيد]

راعي الدهماء

يا هلا والله ومسهلا بك

وحياك وبياك وسعدنا بلقياك

وصح بدنك والله

والروعة تواجدك جعلك تسلم

لا هنت

[خالد الرشيد]

أرحب يا أبو نادر

يا هلا والله ومرحبا مليون

وصح بدنك جعلك تسلم

وأنت يا أبو نادر خابر كل شيء

وما ودنا تاصل هالأمور ولكن حيل الله أقوى

وعلى ما قال ياسر بن عرفات راعي فلسطين الله يرحمه

يقول : يا جبل ما يهزك ريح :)

لا هنت لا هنت لا هنت

وتسلم

[خالد الرشيد]

صافي النوايا

يا هلا والله ومسهلا مليون

ومرورك يعلم الله إنه يسعدني

والله يبيض وجهك

وصحت أبدانك ولا هنت يا الذيب