ترى العيون يوصلن الرسايل

[صافي النوايا]

يازين راسلني من العين للعين ***ترى العيون يوصلن الرسايل

قبل امس ماشفتك ولا قلت لي وين ***واظن لو مسألك منته بقايل

ماعاد عندي يالغضي كود ثنتين **حاولت في كل الطرق والوسايل

ترى حياتي وضعها بين قوسين **لا تذبح اللي شاف منك الهوايل

صبري تعدا الحد ياكامل الزين **ياما من اسبابك من الهم شايل


نسيت وقت فات بين المحبين **صرنا كلام الناس قاصر وطايل


عليك قلبي تقل وسطه سكاكين **ناظر بوجهي كان تبغى الدلايل


واللي جرح قلبي إلى قلت بعدين **وبعدين طال وعين خلك تخايل


ياليتنا عن مقبل الوقت دارين ***ما ضاع وقتي بين بريده وحايل


وداعة الله يا حباب عزيزين *** وانا لي الله كان محد بسايل
قلم تلميذ الحمادين

[راعي الدهماء]

الله الله على الابيات الرائعه ياصافي النوايا ..

صح لسانك وجعلك سالم وغانم ..

والله توني دريت انك شاعر يالغالي ..

ولاتبخل علينا بأبياتك العذبه ..


ودمت بود ..

[ابونادر]

صافي النوايا


يقولون بداية الغيث قطرة ولكن الحمد لله الذي جعله ديم سالت على اثره كل اودية منتدى الحمادين .


ولاتزال السماء ملبدة بالغيوم حتى اعداد هذا الخبر ..



صح لسانك واستمر ابداعك والله يشهد انه يسعدني هذا التدفق العذب .



رغم أن الشعر ليس مستغرب على صافي النوايا لانه من اسرة كلهم شعراء .




مع تحياتي