قصيده بعنوان,,(هم الحياه).... للشاعر عبد الله حمود العرافه

[ذيب الحمادين]

السلام عليكم ورحمة الله وبركاته

اخواني الاعزاء نقلت اليكم قصيده للشاعر عبدالله حمود العرافه تحت عنوان (هم الحياه) وهي تتحدث عن نفسها امل ان تحوووز على رضاكم ؟؟؟؟





يالله يالمعبود ياعالم الحال=يامنشين بأمرك مزون الخيالي
هم الحياه اليوم اصبح بالأموال=وشعاد لوكانت تجي بالحلالي
لو كانت الدنيا تشبَع بالامال=ماكان ضاق اليوم صدر(ن)شمالي
كم واحد(ن)من همها صابه هبال=صار بطمان القاع عقب المعالي
ياراكب الي لامشى الدرب زهال=جمس(ن)حمر راعيه ماهو يبالي
خذني ترى بالقلب سبعين شعال=كم واحد(ن)يركي عليه الجلالي
حالي تزين ونوب ماني على حال=لاشك قلبي مايجيله مجالي
ماضاق مخلوق(ن)من البال للبال=لاصار بعض الشين ماهو يحالي
يوم العلوم سمان والطيب مدهال=تناقلو بالطيب طيب الخوالي
يوم(ن)مهف مقيط تضربه امثال=كم طيبن كد هف من راس عالي
كم(ن)رديين صار للشين سوال=معادله قيمه ولا راس مالي
متجنب الواجب على الجار عيال=فعله دقاق وكل هرجه خيالي
لحيث مايبني مع الناس منزال=ولاهو بيكعم قوم دون الحلالي
تلقاه في سوق الرديين يختال=يشري من السلعه رخيص(ن)وغالي



وسلامتكم

[سلايل السربه]

لو كانت الدنيا تشبَع بالامـال
ماكان ضاق اليوم صدر(ن)شمالي
كم واحد(ن)من همها صابه هبال
صار بطمان القاع عقب المعالي

لله درك يابطل شاعر قادم و بقوة

تقبل ودي

سـلايــل الـسـربـه

[جرح قلبي]

’ صَح لسآن الشآعِر عبدالله حمود العرآفة على هالقصييدة الرآآآآآآآآآآآئِعة
وتسلم يمنآك { ذيب الحمآدين -- على النقل المتميز
نترقب جديدكَ الذووق (=

[غنام العرافه]

أخي ذيب الحمادين

تسلم على النقل الرائع والجميل وتميزك بأختيار القصايد المتميزه والله يعافيك

وصح لسان الشاعر / عبدالله حمود العرافه

تقبل مروري وجل احترامي .

[ذيب الحمادين]

سلايل السربه..

جرح قلبي.....

غنام العرافه......

حياكم ربي هلى المرووور نورتو المووضوووع بانواركم السباقه بأتحاف المنتدى بالردوود حياكم ربي مره اخرى