يــــا ســـــــ ع ـــــــد

[برق الوسم]

ياسعد قلبي مع اللي مشى يم الرقاش= واحدن يلعب بقلبي وتعشقه العيون
شايبه توه خذا الشيك من بنك المعاش= قال عقب العصر نمشي وسرعه تجهزون
مرني دمعه على الخد ديم من الرشاش= ماقدر كلمة وداعه عساهم يسلمون
المشاعروالاحاسيس والقلب الهشاش= خاوته يوم السفر وانت مثلك تفهمون
اعذروني مااقبل الهرج مع كثر النقاش=لاتجادلني تراني مع الغيض محزون
ولاتهاوشني ترى ماتحمل للهواش= الهموم اللي على القلب تكفي وش تبون
والله اني بعض الاحيان في العقل ماش= بس اسولف بالخلا واتخيلهم يجون
يحترق قلب المولع ومردوده بلاش=والتوجد يجرح القلب بااسباب الفتون
ليت ابوها ردها ماخذاها للرقاش= ديرتن مدهال بدون عليها ينزلون
سامحوني بسهر الليل واوقات الغباش= واعذروني ياسعد لونزل دمع العيون






برق الوسم

[حـمـود الـركـن]

يحترق قلب المولـع ومـردوده بـلاش
والتوجد يجرح القلب بااسبـاب الفتـون
ههههههههههههههههههههه
صح لسانك واعتلا شانك وبيض الله وجهك وجمل حالك اخوي برق الوسم
قصيدة جزلة مثل راعيها
وتقبل تحيااتي
اخوك حمود الركن

[برق الوسم]

حمود الركن
دووم الضحكه يعجبني اللي مثلك
هههههههههههههههه
لاهنت ياغالي ووودي برق الوسم

[حـمـود الـركـن]

حمود الركن
دووم الضحكه يعجبني اللي مثلك
هههههههههههههههه
لاهنت ياغالي ووودي برق الوسم


يدوم عزك ونبض قبلك وعفيتك
اخوي برق الوسم
والله لايهينك ولا يهين كل مسلم
وتقبل تحياتي
اخوك حمود الركن

[غنام العرافه]

أخي برق الوسم

صح لساانك وتسلم قصيده رائعه وجميله ويسلم راسك , تقبل مروري وجل أحتراامي .

[برق الوسم]

عنام العرافه
تسلم اخوي لاهنت على مرورك
ووووووووودي برق الوسم