آآهـــدآآآء للنقيب ((( نايف بن خالد بن حبشان الحميداني )))

[فيصل النياف]

السلام عليكم
اهداء لقبيلة الحمادين كافه وللنقيب(نايف بن خالد بن حبشان الحميداني)خاصه
والله انها قليله بحقك وتستاهل اكثر يا ابو خالد
اتمنى انها تنال على رضاكم


مني لبو خالد زعيم الحمادين=تحية(ن)تقدح من الطيب دآيـم
لاشك مثلك يالمطيري قليلين=تسلم ولايسلم ردي العزآيم
بالفعل ما مثل الحمادين ياشين=لاثارت الهيجا وحذف العمآيم
نعم(ن)ببن حبشان سقم المعادين=جدك يا ابو خالد قوي العزآيم
واللحين تكفى ياحفيد السلاطين=مايجحد الفزعات كود الهلآيم
لاضاقت الدنيا من يسار ويمين=عطني ( ألـو ) وازهل علي اللزآيم
اقولها وانا وريث الـــدياحــيــن=خيالة الشرفآ نهار الغنآيم


وسلامتكم
اخوكم / فيصل النياف

[عاشق الثامريه]

الف مرحبا بك يابن نياف وياهلا فيك اخو عزيز وغالي
والله يحيك ياوريث الدياحين بني عمنا

وابوخالد يستاهل الطيب ابن حبشان

[غنام العرافه]

صح لسانك والله يعافيك

ويستاهل الطيب من قدم الطيب

بس فيه ملاحظه

بالفعل ما مثل الحمادين ياشيـن = لاثارت الهيجا وحـذف العمآيـم


ياشين هي الكلمه التي منافيه للبيت وانت يأخي الفاضل تخاطب بالابيات السخص الممدوح وهنا تكون الكلمه معنيه ، أمل أعادة النظر واعتماد المطلوب وشكرا

[فيصل النياف]

عاشق الثامريه
يعطيك الف عافيه ويشرفني مروركـ
والله يبقيك

[فيصل النياف]

صح لسانك والله يعافيك

ويستاهل الطيب من قدم الطيب

بس فيه ملاحظه

بالفعل ما مثل الحمادين ياشيـن = لاثارت الهيجا وحـذف العمآيـم


ياشين هي الكلمه التي منافيه للبيت وانت يأخي الفاضل تخاطب بالابيات السخص الممدوح وهنا تكون الكلمه معنيه ، ((( أمل أعادة النظر واعتماد المطلوب وشكرا )))


غنام صح بدنك
وجهة نظرك واحترمها
والمعني بكلمة ( ياشين ) هو الشخص اللي اعطيه معلومه عن الحمادين وليس بالشخص الممدوح يعني بالبيت هذا انا ما اخاطب الممدوحاتمنى انك ما تستعجل في وجهة نظرك اللي احترمها واتمنى انك استعجلت في ترحيبك قبل نقدكـ



لاشك يا غنآم بالحيل غنآم=قدام لاتفهم معاني بيوتي
حذفت رمحك ودك بصيد وانعام=جودت بعض وبعض منها يفوتي
والضيف لاسير على ربع(ن) اكرآم=يحط له من خيَر العيس قوتي
ماهو عدل تحطها بين الاعلام=ارسل رساله مدرجه في كروتي
تصدر على كيفك تفاسير واحكام=بعض الكلام اخير منه السكوتي

[غنام العرافه]

أخي فيصل النياف

صح لساانك والقصيده جميله، وانا لم اقل فيها شي ماعدا الكلمه
يمكن ماتسمع مني بس ياليت تستشير
الحقيقه حنا في مشكله اليوم اننا نوجه الانتقاد بالمسبه ليش ؟
يمكن يغيب عنك ملاحظاتك



يــافـيصـل الـنيـاف لـشـعـر حــكـــام = وكم واحداً بيضم صوته لصوتي

ورمحي رميته وللهدف صاد مازام = وكم صيدةً من فعل رمحي تموتي

والضيف في حكمة معازيب وحشام = ويبقى مع اللي لابسين البشوتي

يـقـول لـه كـلمه لـها يـبصـم أبـهـام = والا مثل مـا قـلت يبـقى صمـوتي

الشـعـر لـه نـقـاد من دون الاقـــلام = وأنـا عـلى مـا أقـول عـندي ثبوتي

[منابع الطيب]

صح لسسسانك ويستاهل ابو خالد

والف مبروك الترقيه

تحياتي