البرقع الشفاف

[ابونادر]

الاخوة ألاعزاء في منتدانا الحبيب يسر ابونادر ان يهدي لكم
هذه البويتات . وألاهدا الخاص للاخ الشاعر/ برق الوسم
....
( البرقع الشفاف )

....


انا ماذبحني كود ابوبرقـع شفاف=رمتني مقادير الهوى في محابيله
تكاشف خدوده والنحركنه الكشاف= شعاعه مثل ضوح القمرمن وراالشيله
ذبحني عسى الله يذبحه يوم لدخلاف=جماله رهيب ور وعتني مضاليله
عليه اشقرمثل الذهب فـوق صدره ضاف=على خصره الضامر تنثرهمالـيله
تعطف بعود ناعـم لا مشى غرياف=كما عـود موزهازعاته عـثاكـيله
وقف في طريقي وعترض والقلوب صخاف=ابااصدعنه وصرت بالسوق اغنيله
عسى الله يعين العاشق الهايم الميلاف=لـيا شاف مثله عاودنه غرابيله
جداه التوجدمن همومه وبـدع القاف= تخمه هـواجيس الولع لاسرى ليله
.........................
..
ابونادر







...


..

[بندر ابن مبرد]

جداه التوجدمـن همومـه وبـدع القـاف=تخمـه هواجيـس الولـع لاسـرى ليلـه

ياسلام صح لسانك يابو نادر والله شكلكم بتخلوني شاعر انت وبرق الوسم

وانا والله مدري بشي عن القصيد

لاهنت يابو نادر وتسلم على المزيونه

تحياتي وتقبل اعجابي

[اهـــــم واحد]

هلا وغلاابونااااااااااااااادر

صح لسااااااااااااااانك يايونااادر وشهاادتي فيك مجررروحه ياخووووووووووك والله لايحرمنا منك ولامن قصايدك يالغاالي
انـا ماذبحنـي كـود ابوبرقـع شـفـاف ....رمتنـي مقاديـر الهـوى فـي محابيلـه

هد حيلي يابووونادر ولكن الشكووى الله

وتقبل احتراااااااااااااامي وتقديررررررري

[برق الوسم]

الله الله الله الله عليك ياابو نادر صح لسانك مليييييييون
مادام هذه بويتات ويشلون عاد تصير اللي ماهي بويتات يارايق شكرا على الابداع ياالمبدع00 انا والله يوم قريت العنوان والله عرفت انها فاتنه صدقني وانا ماقدرت ارد عليك الى الان تبغالها جلسه وجو رايق بس الاخوووان الااعضا قاموا بالواجب الله يسلمهم واليك ردهمممم
هي لبويتات الصحيح ولا تدقق
شكرا لك على اهدائي لقب شاعر...



((سلامات))
سلامات يالشاعر ويا الفاهم العراف=رقيق المشاعرهيضتني مواويله
بعد مارفع صوته ابو نادر الميلاف=تجاوب له أصوات المحبين في ليله
على وصف رعبوب البني ناعم الاطراف =لطيف الكلام وكامل الزين في جيله
جماله طبييغي والوصايف عليه أصناف=حسب وصف شاعرهازهة لبسة الشيله
تهيض بعد ماشاف من وصفها ماشاف=بحلو البيوت اللي على الزين تكميله
تمعن بوصف الخد والشقر والغرياف=وصفها خبير العرف باحسن تماثيله
وانا كيف الومه لوشكا حبها باالقاف=تعابير شاعر يخفي الهم ويشيله
على ماحصل لك معك قلبي على مهياف=دروب الهوى يامسندي مابها حيله
يقولون الاعضاء كان به فزعة(ن)تنشاف=ترانا علىكيفك وهاالحين نمشيله



أخوانك الاعضاء

[ابونادر]

الله الله يسلمون ألاعضاء ماشاءالله كلهم شعراء




لكن عاد الصراحة هذي احلا من قصديتي ولا هي حولها لو دريت مانشرتها هنا .


صح لسانك حقا انت رائع رائع وتستاهل كلمة شاعر من جد .



لك وإلى الاعضاء اجمل التحيات



ابونادر

[برق الوسم]

شكرا اخوي ابو نادر على الرد والتواضع والمجامله يوم تقول قصيدة الاعضاء احسن من قصيدتي واتا اقول ماهي احسن من قصيدتك بس الاتعلمهم يزعلون علييييييييييييي
ولا تطيرهم علي يارفيقك يروحون بكره ينفخون علي000000000وبعدين حنا ياالاعضا انشاالله نبا نصير احسن منكم باالريس والمدير العام والمشرفين بس عطونا فرصه اسبوع اما ردي على البرقع الشفاف تبا تجيكم وهي موجوده عندي الان بس عسا الله يجملنا عندك وان ماوفت باالغرض زبنة الله سبحانه ثم اخواني لاعضاء
صح لسانك ولاتحرمنا من روائع الغزل

[ابونادر]

جداه التوجدمـن همومـه وبـدع القـاف=تخمـه هواجيـس الولـع لاسـرى ليلـه

ياسلام صح لسانك يابو نادر والله شكلكم بتخلوني شاعر انت وبرق الوسم

وانا والله مدري بشي عن القصيد

لاهنت يابو نادر وتسلم على المزيونه

تحياتي وتقبل اعجابي


----

صح بدنك يابندر. والقصيد مصنع انتاجه الريسي مسجل باسم المبرد .

شكرا على المرور. بس نبي منك مجاراة على هذه القصيدة لاتلف وتدور. ترانا نعرف انك تقوصدبس ماتعلم فيه .


لك أرق تحياتي

..

[ابونادر]

هلا وغلاابونااااااااااااااادر

صح لسااااااااااااااانك يايونااادر وشهاادتي فيك مجررروحه ياخووووووووووك والله لايحرمنا منك ولامن قصايدك يالغاالي
انـا ماذبحنـي كـود ابوبرقـع شـفـاف ....رمتنـي مقاديـر الهـوى فـي محابيلـه

هد حيلي يابووونادر ولكن الشكووى الله

وتقبل احتراااااااااااااامي وتقديررررررري


..

ياهلا فيك اخوي اهم واحد



صح بدنك . وشهادتك عندي محفوظة بالدرج الخاص الله يحييك مايحتاج .


اسعدني مرورك وافرحني حضورك لاخلا ولا عدم هالاطلالة الغالية .


تقبل تحيات اخوك


ابونادر



..