((عيـيــت على قلبي))

[برق الوسم]

نعنبوك القلب ماهو لعبة(ن)لك=تتلهابه مسا ماادري صباحي
دون قلبي واقف(ن) باالجهد خلك=ان بغيت الموت قرب للرماحي
أدري أنه طاغي(ن)زينك ودلك=وأدري أنك ماتشوف الا ضحاحي
وأدري انك طايش(ن)والطيش دلك= مايضيعك الغرور ولااستراحي
يوم تسرق لي زمان(ن)فاطن(ن)لك=من قلوب الناس جعلك ماتباحي
مير أبا أعيي على قلبي جزاء لك=يو م تمشي لي على عكس النصاحي
من نهار اليوم انا بتركك كلك=وأتجنب عنك في كل النواحي
خلها فرقا تسجل في سجلك=من كلام الجد ماهي باالمزاحي

اخوكم00000
برق الوسم

[ابونادر]

خلهـا فرقـا تسجـل فـي سجلـك
من كلام الجـد ماهـي باالمزاحـي


اللي ماهو مزاح يابرق القصيدة.. هذي غير في اشياء كثيرة . مفارقات . تحولات . مفاجات . قرارات جرئية


اسلوب جديد . قافية . ورقم قياسي اخر يسجل بسم الاعاب الشاعري الغزلي برق الوسم .



صح لسان ابو وسم وسلم لي عليه هو ومن يعزعليه .



تحيااااااااتي




اخوكم ابونادر





..

[برق الوسم]

اخـوي ابونادر الله لايهينك ويسلمك 000ويطول بعمرك على الطاعه ان شاالله00وجعلك ذخر ياابو انادر
والله اعجابك ياخوي ووناستك هو هدفي الوحيد الذي اتمنى من كل قلبي ان اصل اليه0000000000
والله ياخوك القصيد حاجه ثنائيه عندي والله اني متجنبه من فتره00 ماابيه بس تكايزني بدريه عنده
نوب اهاوشها وتزعل ونوب اقول كم بيت لاقناعها000والله صدقني ياابو نادر وللمعلوميه بدريه0000
جنيه0000000000تقبل تحيات اخوك الصغير من الاعماق000وعلى فكره ابناخيك وسم زعلان حيل
عليك لاتقول ماعلمتني00لانك مارديت علىقصيدته ولاقريتها وانا اتعذر عنك00قصيدة وسم مطلعها
لعل ماباس ياعمي00000اخوك برق الوســــــــــــــــــــــــــــــــــــــــــــــ ــــــــــــــــــــــــــــــــــــــم

[الصوت]

دائمن تمتعنا يالبرق

مير أبا أعيي على قلبي جزاء لـك
يو م تمشي لي على عكس النصاحي
من نهار اليوم انـا بتركـك كلـك
وأتجنب عنـك فـي كـل النواحـي
خلهـا فرقـا تسجـل فـي سجلـك
من كلام الجـد ماهـي باالمزاحـي


صح لسانك ولاهنت قصيده في قمة الجمال

من شاعر متميز ولهو قدرات الله يعطيك العافيه

مبدددددددددددددددع صح لسااااااااااااانك ولاهنت

[برق الوسم]

دائما مبدع ياالصوت بردودك00 والله لايهينك على المرور والاشاده00
وليت ولعل محاولاتنا تعجبك يالصوتالهدف اعجابك واستمتاعك00
وواناستك
ووجودك بهذ المنتدى الذي يفتقر دائما للحضور وانت سيد العارفين
لك مني اعذب التحايا والتقدير0000اخوك برق الوســــــــــــــــــم

[JULNAR]

السلام عليكم

لا إله إلا الله .. الله يخليلك قلبك


بصراحة القصيدة فتنه بمعنى الكلمة!!



نتمنى لكم أيام حلوة

[برق الوسم]

مشكوره اختي جنراله000000000
الله لايهنك على المرور والله لايفتنا الابطاعته00
والهدف اعجابك واستمتاعك والوصول الي مشاعركم
ومحاكات امنياتكم كلكم جميعا كلكم عزيزين على قلبي والله
يجملنا عند الجميع000
ولك اعذب تحيه00000
اخوك000
برق الوسم