المساعد الشخصي الرقمي

مشاهدة النسخة كاملة : وين الرفيق ... لأبو نادر


الدويله
02/05/2006 - May 2nd, 05:05 AM
هذه القصيده من ضمن ابداعات الشاعر ابو نادر

وين الرفيق اللي على مواصفاتي.. = وقت الرخاء والضيق يضحك حجاجه
يزيد مع زود الليالي ثباتي.. = ما فيه لا مال الزمان انعواجه
مليت من رفقة كثير الشماتي.. = دايم أنا وياه هوش ولجاجه
عيت صفاته تنطبق مع صفاتي.. = وأفكارنا ما تقبل الاندماجه
ضحيت من شانه على حساب ذاتي.. = أهين نفسي واتحاشا إحراجه
مافادني صبري معه والسكاتي.. = حتى لو انه ضايع في عجاجه
مير الردي ما يعرف التضحياتي.. = اللي يعرفه مكسبه من خراجه
لا صار ما له مصلحة ما يحاتي.. = يبيني اتبع مسلكه وانتهاجه
ما حثته نفسه على الطايلاتي.. = بيس المزاج وبيس منهو مزاجه
عجزت اعدل عوجه المايلاتي.. = بعض التغاضي والمجامل سماجه
واليوم قررت اشطبه من حياتي.. = معاد لي في رفقة النذل.. حاجه


صح لساااانك ياابو نادر
بندر ابن مبرد
02/05/2006 - May 2nd, 05:14 AM
اخوي الدوليه لاهنت يابعد راسي على النقل الجميل

للشاعر ابو نادر الله يذكره بالخير

كلامت رائعه من شاعر متمكن


صح لسانك ولسان شاعرنا ابو نادر


تحياتي
بندر ابن مبرد
02/05/2006 - May 2nd, 05:15 AM
اخوي الدوليه لاهنت يابعد راسي على النقل الجميل

للشاعر ابو نادر الله يذكره بالخير

كلامت رائعه من شاعر متمكن


صح لسانك ولسان شاعرنا ابو نادر


تحياتي
برق الوسم
02/05/2006 - May 2nd, 05:18 AM
صح لساااااااااااااااااان ابونادر
وسلم الله والده0وتسلم اخووووي الويله
وشهادتي في ابو نادر مجروحه يابعد قلبي
والله لايهينك00 ودمت باالوجود
ولك كل الغلا والمحبه اخوي ولا هنت
مع اعذب وارق التحااااااااايااااااااا
اخووووووووووووووووووووووك
برق الوســــــــــــــــــــــــــــــــــــــــم
محمد ابن عقوب
07/05/2006 - May 7th, 06:34 AM
أنا رفيقك بالليال المعاسير=وإلا الرخاء كلٍ يسد بمكاني
صح لسان أبو نادر على هلقصيده الرائعه ..
مشكوووور حبيب قلبي الدويله على نقلك الرائع ..
سلمت اناملك ... لا خلا ولا عدم ..
وروووعة القصيده وإبداعه من شاعرها ونقلك لها
تقبل تحياتي واشواقي الحار لشخصك الرائع
أخوك الصغير // صــــاحـــب صـــــاحــــبـه
الدويله
23/05/2006 - May 23rd, 01:35 AM
بندر فلاح - برق الوسم

اشكركما على المرور واعتذر عن تأخري في الرد فالأيام السابقه كانت فتره اختبارات


اكرر شكري واعتذاري لكما


دمتم بخير
الدويله
23/05/2006 - May 23rd, 03:50 AM
أخي نصف الدويله الآخر

لا ادري مااقول فكل حروف اللغه العربيه تعجز ان تفي بحقك

مايكنه لك قلبي أبلغ من اي تعبير أو اي كلمه تكتب في منتدى

لي تعليق بيسط على البيت الآنف الذكر

لست انت من يقول هذا الكلام ..

انت أخي و رفيقي وصاحبي في الرخاء والشده ولن انتظر من يحل مكانك حتى لو كنت بعيدا عنكم

اشكرك على مرورك العطر واعتذر على تأخري في الرد عليك فكما تعلم أنني مررت بفتره اختبارات قد انتهيت منها للتو ..
ابونادر
05/06/2006 - June 5th, 09:48 PM
اخوي العزيز/ الدويلة


الف شكر لك وتسلم يمينك على النقل ماقصرت يالقرم .


تقبل أرق التحايا وفائق الاحترام



اخوك

ابونادر
الموج العابر
15/06/2006 - June 15th, 07:55 PM
صح لسان الشاعر

وتسلم يمين اللي نقلها
ابونادر
01/07/2006 - July 1st, 06:12 PM
الموج العابر


صح بدنك وشكرا على المرور لاهنت والشكر موصول للآخ الدويلة




تحيااااااااااااي للجميع





..