ديحاني
28/09/2006 - September 28th, 04:49 AM
فديت اللي بدى طلعه يميل ويجذب الاعيان
أنا وشلون أبصبر ياعيوني لا بدى طلعه
خسر سوق الفواكه من حلاها وأعلن الخسران
نبت في عودها كل الفواكه وأمتلا فرعه
تضايق راعي المانجا وراع الخوخ والرمان
وتضايق راعي التوت الاحيمر وأتلف السلعه
وصايف جسمها بين العذارى تلفت الاذهان
مثل نور القمر له بالظلام المنعتم لمعه
عبارة عن مجسم من خليط الورد والبستان
ورود ٍ يانعه وأشجارها ماينقطع نبعه
تقول الله خلقها فول ابشن والبني تايوان
وش يجيب الصني للحوت(1) بالميزات والسرعه
ألا يالله صبرك يارفيع المنزله والشان
قبل لاروح من ترف الحشا روحه بلا رجعه
مادام انك خلقت المغريات إلهمني السلوان
بعض خلقك سواة النار وانا عيني لهم شمعه
أنا لاشفت لي رسمه وخدعه صاغها فنان
أجر الصوت وخلقك ماهو برسمه ولا خدعه
كرهت أجلس لحالي من سبايب فكري الهيمان
ماغير أهرب من الوحده وأدور طاري الجمعه
أحاول أكتم إهمومي ولا ينفعني الكتمان
همومي مثل جيش الروس تلحقني على السرعه
وأنا لو أبدي الشكوى على غيرك أرد حيران
ولكن ببدي الشكوى عليك .. ويالله الفزعه
الشاعر.. خالد عزيز الديحاني
أنا وشلون أبصبر ياعيوني لا بدى طلعه
خسر سوق الفواكه من حلاها وأعلن الخسران
نبت في عودها كل الفواكه وأمتلا فرعه
تضايق راعي المانجا وراع الخوخ والرمان
وتضايق راعي التوت الاحيمر وأتلف السلعه
وصايف جسمها بين العذارى تلفت الاذهان
مثل نور القمر له بالظلام المنعتم لمعه
عبارة عن مجسم من خليط الورد والبستان
ورود ٍ يانعه وأشجارها ماينقطع نبعه
تقول الله خلقها فول ابشن والبني تايوان
وش يجيب الصني للحوت(1) بالميزات والسرعه
ألا يالله صبرك يارفيع المنزله والشان
قبل لاروح من ترف الحشا روحه بلا رجعه
مادام انك خلقت المغريات إلهمني السلوان
بعض خلقك سواة النار وانا عيني لهم شمعه
أنا لاشفت لي رسمه وخدعه صاغها فنان
أجر الصوت وخلقك ماهو برسمه ولا خدعه
كرهت أجلس لحالي من سبايب فكري الهيمان
ماغير أهرب من الوحده وأدور طاري الجمعه
أحاول أكتم إهمومي ولا ينفعني الكتمان
همومي مثل جيش الروس تلحقني على السرعه
وأنا لو أبدي الشكوى على غيرك أرد حيران
ولكن ببدي الشكوى عليك .. ويالله الفزعه
الشاعر.. خالد عزيز الديحاني