محتاج افضفض وانفض الصمت واقول

[ديحاني]

محتاج افضفض وانفض الصمت واقول
صدري من الكتمـان والكبـت ضاقـي
الى متى بظـل ساكـت علـى طـول
طول معـا طـول السكـوت العناقـي
واللـي تخفيـه المقابـيـل مجـهـول
ماينـدرى عـن وضحهـا والزراقـي
ماقـول غيـر الله واكبـر ولاحــول
عقـب اللقـا ياشيـن طعـم الفراقـي
ياعونة المولى لي اكثـر مـن الحـول
يجري لهيـب الشـوق بعيـون شاقـي
ياللي كلامـك بيـن اشافيـك معسـول
وستايلـك راقـي ومنطقـك راقــي
توي عرفـت اللـي يسمونـه اللـول
اللي ورى سحـر الرسـم والمذاقـي
شي اشوفه فيـك هـول مـن الهـول
جمـال ربانـي وسـحـر عـراقـي
فيك الثقل والنحـف والغنـج والطـول
مـن روعتـك ملبسـك عليـك لاقـي
واللي حبـاك تقـول بالزيـن وتطـول
مالـي ورى شوقـي عليـك اشتياقـي
وانته تسـوي شـي ماهـوب معقـول
شـي يجـي بيـن الوفـا والنفـاقـي
احيان راضي عنـك واحيـان مذهـول
واحيـان تعمـل شـي ماهـو يطاقـي
ان شفت زولك قلت ياحـي ذا الـزول
وان غبت كن من فوق راسي عرَاقـي
طولتهـا والعـذر ماهـوب مقـبـول
وحديتنـي يـم الـدروب الضيـاقـي
القلب عن غيرك مـن النـاس مقفـول
تقـول مغـلـوق علـيـه انغـلاقـي
يكفخ وكـن بيـن المعاليـق مصقـول
كفخ العديم اللـي علـى الطلـع تاقـي
والا انت لو اتصول في الارض وتجول
كثـر هيامـي فيـك ماانتـه بـلاقـي
لكـن تعـال وهـات للمشكـل حلـول
والا فحـرر مـن شبـاكـك وثـاقـي
والا اسقني من صافي الجـم شهلـول
لايختلـف ظنـي وانـا فيـك هـاقـي
لااعيش من دونك عن الكـون معـزول
وافقدك باللي لـي مـن العمـر باقـي
رسمك دخيل اللي حفظ محكـم القـول
ماانسـاه دام يشلنـي عظـم سـاقـي
الشاعر عوض ابو الفقايا

[محمد ابن عقوب]

الله الله الله عليك ياديحاني روعه روعه روعه بكل ماتحمل من كلمه

بصراحه عجزت أقتبس أي بيت ... تدري ليش ؟؟؟ كل بيت أروع من الثاني


أخي العزيز أسمحلي والله أسمحلي القصيده هذي وبذات راح أنسقها وضبطها ...


وما راح أقولك أي شيء ثاني لأن هذي القصيده فوق كل المعاني

[محمد ابن عقوب]

محتاج افضفض وانفض الصمت واقول=صدري من الكتمـان والكبـت ضاقـي
الى متى بظـل ساكـت علـى طـول=طول معـا طـول السكـوت العناقـي
واللـي تخفيـه المقابـيـل مجـهـول=ماينـدرى عـن وضحهـا والزراقـي
ماقـول غيـر الله واكبـر ولاحــول=عقـب اللقـا ياشيـن طعـم الفراقـي
ياعونة المولى لي اكثـر مـن الحـول=يجري لهيـب الشـوق بعيـون شاقـي
ياللي كلامـك بيـن اشافيـك معسـول=وستايلـك راقـي ومنطقـك راقــي
توي عرفـت اللـي يسمونـه اللـول=اللي ورى سحـر الرسـم والمذاقـي
شي اشوفه فيـك هـول مـن الهـول=جمـال ربانـي وسـحـر عـراقـي
فيك الثقل والنحـف والغنـج والطـول=مـن روعتـك ملبسـك عليـك لاقـي
واللي حبـاك تقـول بالزيـن وتطـول=مالـي ورى شوقـي عليـك اشتياقـي
وانته تسـوي شـي ماهـوب معقـول=شـي يجـي بيـن الوفـا والنفـاقـي
احيان راضي عنـك واحيـان مذهـول=واحيـان تعمـل شـي ماهـو يطاقـي
ان شفت زولك قلت ياحـي ذا الـزول=وان غبت كن من فوق راسي عرَاقـي
طولتهـا والعـذر ماهـوب مقـبـول=وحديتنـي يـم الـدروب الضيـاقـي
القلب عن غيرك مـن النـاس مقفـول=تقـول مغـلـوق علـيـه انغـلاقـي
يكفخ وكـن بيـن المعاليـق مصقـول=كفخ العديم اللـي علـى الطلـع تاقـي
والا انت لو اتصول في الارض وتجول=كثـر هيامـي فيـك ماانتـه بـلاقـي
لكـن تعـال وهـات للمشكـل حلـول=والا فحـرر مـن شبـاكـك وثـاقـي
والا اسقني من صافي الجـم شهلـول=لايختلـف ظنـي وانـا فيـك هـاقـي
لااعيش من دونك عن الكـون معـزول=وافقدك باللي لـي مـن العمـر باقـي
رسمك دخيل اللي حفظ محكـم القـول=ماانسـاه دام يشلنـي عظـم سـاقـي



الــشــــاعــر // عـــوض أبـــو الــفــقـــايــا

[قوت القلوب]

يسلموا الديحاني على الشعر الرائع لاهنت

ننتظر المزيد من ابداعاتك

ويسلموا على النقل الحلوو المميز

تحياتي

[ديحاني]

صاحب صاحبه

من مايسرني الشي اللي يعجبك وعساه ينال استحسان الجميع

[ديحاني]

الاخت قوت القلوب

هلابك وشاكرين لك الحضور

[برق الوسم]

الرائـــــــــــــــــــــــــــــــ الديحاني ـــــــــع

ياسلااااااااااااااااااااااام عليك مهما اقول يااخي
من الاطراء والاشاده يعلم الله اني لن اوفيك حقك
سجل اعجابي وتقبل تحياااااتي مشرفنا الرائع
تحياتي برق الوســــــــــــــــــــــــــــــــــــــــــم

[الصوت]

صح لسانك ولاهنت

يالامير


تحياتي

[ديحاني]

الاخ برق الوسم والاخ الصوت


كل الشكر على تواجدكم وصحت ابدانكم