الشاعر ضيدان بن قضعان

[مجرد انسان]

ياوجودي


يـا وجـودي كـل مـا هـبّ صـوتـك مـن شـمـال=وجـد مــن حــدّه زمـانــه عـلــى الـلــي مــا يـبـيــه..


ويـا وجـودي كـلـمـا اضـحـيـت ثـم مـال الـظــلال=لا غـفــت عـيـنــي ولا ذقــت شــي ٍ مـشـتـهـيــه...


وجـد مـن قـفّـى وهْـو فـي رجـا كـلـمـة تـعـال=وإلـتـفـت مـن عـقـب مـاْ اقـفـى ..ولا أحـد ٍ لــدّ فـيــه..!!!


ويـا عـذابـي لا دنـا الـلـيـل مـن روس الـجـبـال=وانـتـهـى يــوم ٍ مــن الـعـمــر مــا عــاد أرتـجـيــه..


وانـتـي أبـعـد مـن سـمـا الـحـلـم ووصـالـك مـحـال=يـا بـعـد مـن هـلّ دمـعـي ضـحـى الـفـرقـا عـلـيـه..


يــا غـنـاتــي لا تـحـسـبـيــن دمـعــي يـــوم سـال=ضــعــف ولاّ خـــوف ..ولاّ كـــذا ولاّ كــذيــه !!


والله إنــي مــن رجــال ٍ يـضــدّون الـرجــال=لـكــن الـحــظ ّ الــردي ..ســاق دمـعــي كــل أبـيــه !!


ووالله ان قـد لــي وانــا اصّــد لا جـالــك مـجــال= صــدّة الـلــي لا تـضـايــق تـذكّــر قـبــر أخـيــه !


ووالله إنــي كـلـمــا دار حـولـيــك الـجــدال=قـمــت كــنّ الـمــوت يـشّــر عـلــى قـبــرى بـديــه !!


ومـن سـألـنـي قـلـت مـدري..وإذا عـاد الـسـؤال=قـلـت لــه تـكـفــى سـؤالــك تــرى مـاهــو وجـيــه !!


وش تـبـيـنـي اقـول عـن مـن تـرى ذبـحـي حـلال ؟=والـخـطـا مـنـهـا عـلـيّ..صـرت أحـبــه وأهـتـويــه!!


عـذرهـا لـو مـاْ تْـعــذّر مـثــل واضــرب مـثـال=واحــد ٍ مــا يـعــرف الـحــرّ الاشـقــر يـشـتـويــه !!


وان لـفـيـنـا لـلـتـواصـيــف لـلــه الـكـمــال=لاْ انـتـهــى لـيــل الـمـزايـيــن جـاتــك تـبـتـديــه !


كـنّـهـا غـفـل ٍ مـع الـبـدو طـاويـهــا الـحـيـال=مــا يـمـيّــز وصـفـهــا إلا نـبـيــه ٍ مــن نـبـيــه.!!


يـاْ اول أحـلام الـطـفـولـه عـلـى حـد ّ الـخـيـال=الـرجـى بـالـلـي حـمـى الـبـيـت مــن حـمـلــة بـريــه..


حـال دونـك سـيـف عـنـتـر وتـاسـع حـول حـال=بـاْثـر حـول ٍ حــال دونــك وانــا ادعــى هـيــه هـيــه !!


هـيـه يـالـلـي غـرّك الـحـسـن واطـغـاك الـجـمـال=والله أنـي امــوت مــا شـفــت لأوصـافــك شـبـيــه !!


لـو يـسـام الـحـسـن والـتـيـه بـجـنـيـه وريـال=مــا بـقــى فــي ســوق غـيــرك ريــال ولا جـنـيــه !!


كـيـف أهـدّك لـلـمـقـاديـر وانـتـي راس مــال؟؟=راس مــال ومـال..والـمــال مــاْ يـغـطــي الـسـفـيــه !!


حـافـظـك حـفـظـي لـعـيـنـي ورمـشـي لـك جـلال=وانـتـي تْـشـحّـيــن بـالـمـا..وانــا شـفّــي مـويــه !!


شـايـف ٍ ظـلـمـك وسـاكـت وطـال الـلـيـل طـال=لا نـويـتـي طـعــن قـلـبــي وانــا مــا قـلــت لـيــه...


لـو بـقـى لـلـهـيـل صـبـر ٍ عـلـى فـوح الـدلال=مـا بـقـى لـلـهـيــل صـبــرٍ عـلــى شــي ٍ يـجـيــه!!


وانـتـي تْـسـوقـيـن عـقـلـي عـلـى حـدّ الـهـبـال=تـحـسـبـيـن ان مـن بـغـى شـي ..يـقـدر يـشـتـريـه !!!


ولاّ انــا يــا وجــد حـالــي وجــود ٍ مــا يـقـال=وجــد مــن ضـحّــى بـغـالـيــه لْــرضــا والــديــه


ويـا وجـودي بـأول الـعـمـر قـبـل ألـبـس عـقـال !!=وجـد مـن بـاع آخـر الـعـمــر ..فــي رغـبــة ذويــه !!


ويـا وجـودي كـل مـا هـبّ صـوتـك مـن شـمـال=وجـد مـن حـدّه زمـانــه عـلــى الـلــي مــا يــب يــه !!!

[ابونادر]

اخوي /////مجرد انسان

بيض الله وجهك وتسلم يمينك على نقل هذه القصيدة الجزلة

لشاعر كبير مثل بن قضعان له جماهيرية كبيرة




شكرالك وتقبل فائق الاحتراااااااام




ابونادر










..

[فجر الحمادين]

أخـــــي الفاضـــــــل**مجرد انسان**
صــــــح لســــانكـ ولســـــان القائـــــــل
ويعطيك العافية على روعة الاختيــــــــار

ننتظر جـــــــديدكـ...

تقبل تحيـــــــــاتي واحترامي
فجـــــــــورة

[نبع الوفاء]

يسلمووووو اخوى مجرد انسان على الاختيار الجيد

وصح لسانك ولسان الشاعر ضيدان بن قضعان

والله يعطيك العافيه

تقبل,,,,,,,,,,,
تحيــــــــــــــــــاتى

اخوك..... نبع الوفاء

[ديحاني]

كل الشكر على اختيارك الموفق

[تقوى الهجر]

صح لسان الشاعر ولسان القائــلـ ــ


قصيدة نلت شرف أنني أٍسمعها بإلقاء الشاعر الكبير ضيدان بن قضعانــ ـــ


جــداً ذوقــ رفيــع ومتميـــــــــز ـــ



لكـ الإحتــرامـ ,,,

[مجرد انسان]

أشكركم على الردود الجميله

[محمد ابن عقوب]

وجد من قفّى وهْو فـي رجـا كلمـة تعـال
وإلتفت من عقب ماْ اقفى ..ولا أحد ٍ لدّ فيه..!!!

بررررررررررررررررررريّ حااااااااااااااااااااااااااله


أبكييييييييييييييييييييييييييييييييييييييييييييييي يّه


تسلم يالغالي على النقل الرائع ... والمثير ..


حبيب قلبي أهم شيء لا يدري عنها (( أبو غدير )) والله يرووح ملح ...


لاهنت وماننحرم من نقلك المميز ....


دمت بخير

[مجرد انسان]

صاحب صاحبه
مشكور على الرد الجميل وكلك ذوق
وندرى ابو غدير انشهدني رحت فيها