الغموض

[ابونادر]

الاخوة اعضاء وزوار منتدانا .............ألآعزاء

اهدي لكم هذه الابيات وآمل تحوز رضاكم وذايقتكم الشعرية
---------------------------
ياهيه ياللي عجزت من الغموض افهمه=امرمن الله اليا جيته غديت اطرمي
اضيع بين الدلع وهروجه المبهمه= بس اتلفت الياسولف تقول اعجمي
والمشكلة لاترك لعيونه السلهمه= اكبر مترجم لغة ماهوب انا ينعمي
لاقام ينثر من الياقوت ويلملمه= دخلت بحرالغرام وجوه المظلمي
تقول افتش عن المحارفي مبسمه= والاعن الشهدوالترياق والبلسمي
يازين عذب الكلام اللي يجي من فمه=لوقال هذا عليك بعيد لاتحلمي
كني على مايقول من الكلام اعزمه=ماشفت مثله بخيل ولاعرفت اكرمي
والمشكلة لابغيت اعاتبه واشتمه=قمت اعتذرعن خطاه اللي حصل وندمي
غديت مثل السواراللي على معصمه= افتربيديه يلعبي وانا مرغمي
ياناس مافيه عيب وسر حتى اكتمه= الحب ماحرمه ربي على المسلمي
.......
...
..
مع تحياتي للجميع

ابونادر

-

[غريب الدار]

صح لسانك ابو نادر
تقول افتش عن المحار في مبسمه
000000000000000000والاعن الشهدوالترياق والبلسمي
روعه بالوصف ومفردات اجمل
لك تحياتي
وننتظر الجديد
امل كتابه الاسم باسفل المشاركه
حتى نتمكن من اينتاج ديوان خاص لشعراء الحمادين
امل التعاون من الجميع
مشكور ابو نادر

[المغترب]

ابو نادر

صح لسانك
مافي بعد كذا ابداع........ كفيت ووفيت

انا اعتقد ان (ابونادر) هو الشاعر الكبير
منوخ نادر الحميداني
اذا المعلومه غير صحيح ارجو التصحيح من قبل الشاعر

[ابونادر]

ألآخ

غريب الدار


صح بدنك لاهنت

اشكرك على المرور واسعدني الحضور


تحياتي وتقديري

[ابونادر]

ألآخ

المغترب

صح بدنك يابعدي

لك الشكر والتقدير على المصافحة ومرورك اسعدني

.
اخي العزيز اعتز واتشرف بالاطراء الجميل وارجو أن اكون عند حسن ضنك

وماذكرته صحيح في سؤالك

.



خالص تحياتي

ابونادر

[العفريت]

صح لسانك

تصدق اخي ابو نادر
قلت ابي اسوي اقتباس لأفضل بيتين في القصيده

وكل بيت امره بالقصيده احسن من الثاني لين طلعت من القصيده مقابل :D

صراحه ابداع القصيده من أول بيت الى اخر بيت:)

اكثر القصيد هاليومين بيتين حلوات والباقي حشو كلام يعني تحس ان شاعرها جاب هالبيتين وابتلش :o

يرقع باي كلمه تمره (بحرها - نهرها- قمرها - سفرها - شجرها - رطبها- سماها - مطرها - عصرها - ظهرها )
((وحط رجلك ))
(عشاها - غداها - حذفها - لقها -علامه علاها علامه علاها ورها وراها )
وحط رجلك:mad:


الناس طالعه نازله معه يدخلون موضوع ويطلعون منه في بيت واحد مافهموا شي والبيت اللي بعده لايمت للبيت اللي قبله بأي صله :(
لا ويرز قدام الكاميره ماتشوف الاصفق الفلاشات تحسبنه ضارب شوط:eek: ويقدمونه بالشاعر الكبير وتعال اسمع .:rolleyes:
كأن فيه ((انيميا )) في الذوق العام (( اسال الله العفو والعافيه))

حقيقه بدون مجامله
قصيدتك عذبه وجميله جدا تستحق الاشاده وبيض الله وجهك

لا تحرمنا الجديد


واذا فيه شي في الارشيف لاتبخل علينا

[ابونادر]

الاخ

العفريت

اشكرك على هذا الاطراء وارجو ان اكون عند حسن ضنك أنت والاخوة الكرام

اخي الكريم اعتز واتشرف بمرورك واعجابك وسام شرف على صدري

.
وابشر بما يرضيك قريبا ان شاء الله بس انتظر من الاسبوع القادم بالكثير



تحياتي واحترامي

اخوك

ابونادر

[ابو سارة]

صح لسانك يابو نادر

أشكرك على هذه الرائعه

وننتظر منك المزيد

[ابونادر]

ابوسارة

هلا ومرحبا فيك وشكرا على المصافحة

و
ابشر بمايرضيك قريبا ان شاء الله


.


خالص تحياتي

[لي الفخر]

**********أبــــــــــــــــــــــــــــــــــــــ و نــــــــــــادر***********

صـــــــــــــــــــح اللســـــــــــــــــانك ,,,, وأتمناء الا تبــــــــــــــــخل علينا بـــــــــــــأبداعـــــــــــــــــــك ,فواصل ولك من يـــــــــــــــواصل ......

[ابونادر]

لي الفخر

صح بدنك وشكرا على المرور

و
ابشر بما طلبت قريبا بس لاتستعجل علينا


.

وانت كذلك لك مواضيع مثيرة واسلوب راقي بالطرح اتمنا ان نشاهدها هنا ،،



تحياتي

[تقوى الهجر]

ابو نادر شكراا على رائعتك


وفعلا هي غموووض

[العفريت]

الاخ ابونادر

لاأعجب من ردك فمن يكون هذا شعره

لاأستغرب ان يكون هذا رده

انت تحمل عقل وأدب الله يخليك لابنائك ومحبيك وربعك وجماعتك

جميع ردودك تعبر عن شخصيتك المحترمه

تصدق انا من زود الرجه في باقي الاقسام اذا جيت منتدى شعراء الحمادين البس شماغي واعدل التنسيفه:D عشان فيها اسماء أكن لها سيل من الاحترام مثلك وشرواك لو ماكنت اعرفهم شخصياُ :p

تقبل فائق تقديري واحترامي

[اهـــــم واحد]

صح لسانك يابونادر

الله عليك يابونادر قصيده جزله من راس جزل

وتقبل احتراااااااااااااااااااااااااامي وتقديررررررررررررررررررررررري

[ابونادر]

ألآخ/ اهـــــــــــــــــم واحـــد

..

صح بدنك ولاهنت ياعزيزي

.

اشكرك على المرور واعتز بماقلت وماعليك زود




خالص تحياتي واحترامي

[ابونادر]

تقوى الهجر


شكرا على المصافحة الرائعة وياهلا





مع فائق تحياتي وتقديري

[ابن نمش]

صح لسانك يابو نادر

وتسلم على هالقصيده

وليش انت مقل في اظهار قصائدك

[ابونادر]

اخوي/ ابن نمش

صح بدنك والله يسلمك من كل شر


اشكرك كل الشكر واعذرني على التأخير بالرد


اما من من ناحية انني مقل بالقصائد فاانا لم اعرف عن المنتدى غير قريبا
وسوف اتواصل ان شاءالله ولا يهمك . يابن نمش



تحياتي