انا على المقنـــــــاص قلبــــــــــــــــــــي يرفي

[بندر ابن مبرد]

السلام عليكم ورحمة الله وبركاته


مساكم الله بالخير اخواني واخواتي

كلنا اكيد نعرف الطير= الصقر والرجال الي فيها خير تعرف قدره

http://www.bdr130.net/vb/imgcache/4336.imgcache.gif
يعجبني في وصف الطير الشاعر بدر الحوفي اقامه الله بالسلامه


وفي من الشعار من اجادو الوصف بالطير وشاعرنا بدر الحويفي وصف الطير


ووصف البر

جلبت لكم القصيده بالصوت والنص

وانشاالله تعجبكم


المقطع الصوتي من هنا

http://www.bdr130.net/softme/mknas.rm



أنا علـى المقنـاص قلبـي يرفـي=فترة ونرجع يم اهلنـا منـا كيـف

بديـار لفـروق الحبـارى تلفـى=جنوب من حزم الجلاميد وطريـف

الطير هو غايـة غرامـي وشفـي=اقـدره تقديـر الاجـواد للضيـف

من كبر قدره حاملـه فـوق كفـي=وارعاه تسع شهور بالقيظ والصيف

ودهلـه لاشفـت ريشـه مصفـي=على الدعو واخفف النسر تخفيـف

نقلـه يشرفنـي وشوفـه يكـفـي=عن شوف ناس ما تعرف المعاريف
لاشفت لـي نـو بروقـه ترفـي=نويت اجهـز موتـري للتكاليـف

القيـظ كلـه جالسـن ومتعـفـي=وبرد المكيف نشف الـدم تنشيـف

متـى سمـوم القيـظ عنـا تقفـي=وسهيل قبل يعمد الفجر قـد شيـف

والنـار يصلـح شبهـا للتـدفـي=والبرد نوجس من نسيمه هفاهيـف

وقمنـا لعزبتنـا نشيـل ونضفـي=ونكمل الناقص ونملا المطاريـف

واللي نشيل مـن اللـوازم مكفـي=ومكتفين العفـش بالحبـل تكتيـف

ويمكن اليـا جينـا البقالـة نوفـي=حاجات نشريها كمالـة مصاريـف

والصبح من حـزم ابرقيـه مقفـي=صوب المعظم والهضاب المقاييـف

بديار جعل اشجارهـا مـا تجفـي=تعلهـا غـر المـزون المراديـف

في رفقة اللي نارهـم مـا تطفـي=على الشرف والجود ربع مواليـف

مجلاس طلقين الشـوارب بصفـي=على الدلال اللي بهن ساخن الكيـف

خويهم مـا اوجـس كـلامٍ يحفـي=غير المزوح الطيبـة والسواليـف

عقـال وزن عقولهـم مـا يخفـي=ولاهم على الفاضي خفاف وملاقيف

http://www.bdr130.net/vb/imgcache/4337.imgcache.gif
http://www.bdr130.net/vb/imgcache/4338.imgcache.gif

http://www.bdr130.net/vb/imgcache/4213.imgcache.jpg

[برق الوسم]

ياسلااااااااااااااااااااااااام


عليك ادارة المنتدى هذا هو الشعر


والله يقوم الحويفي بالسلامه
وصح لسانه مليوون وعلمنا عنه ياخوي

ولاهنت على النقل دمت بكل الووووووووووووووووود


تحياااااااتو برق الوســــــــــــــــــــــــم

[رهوفه]

السلام عليكم ورحمة الله وبركاته

لوحات رائعة وصور مذهلة ووصف يملؤه الابداع

الطير هو غايـة غرامـي وشفـي اقـدره تقديـر الاجـواد للضيـف

من كبر قدره حاملـه فـوق كفـي وارعاه تسع شهور بالقيظ والصيف

نقلـه يشرفنـي وشوفـه يكـفـي عن شوف ناس ما تعرف المعاريف

لاشفـت لـي نـو بروقـه ترفـي نويت اجهـز موتـري للتكاليـف

متى سمـوم القيـظ عنـا تقفـي وسهيل قبل يعمد الفجر قد شيـف

والنـار يصلـح شبهـا للتـدفـي والبرد نوجس من نسيمه هفاهيـف

والصبح من حـزم ابرقيـه مقفـي صوب المعظم والهضاب المقاييـف

في رفقة اللي نارهـم مـا تطفـي على الشرف والجود ربع مواليـف

مجلاس طلقين الشـوارب بصفـي على الدلال اللي بهن ساخن الكيف

خويهم مـا اوجـس كـلامٍ يحفـي غير المزوح الطيبـة والسواليـف

عقـال وزن عقولهـم مـا يخفـيولاهم على الفاضي خفاف وملاقيف

الله وصف حملنا معه الى رحلة الممزوجة باروع الاحاسيس

لكل كل الشكر اخي بندر على اضافة هذه الرائعة وتزيينها بهذه الصور

سلمت يمناك اخي ودمت بكل الود

اختك رهوفه

[محمد ابن عقوب]

الله .. الله .. الله

ذكرتني بالمقناص يابندر :cry: :sad: :cry: ياويل قلبي ويلاهـ ...

صح لسان الشاعر الكبير بدر الحويفي .. و الله يقومه بالسلامه و يعافيه ..

عز الله انه أبدع بالوصف << كأني أشوف نفسي يوم أروح للمقناص :secret:


أبيات في قمة الإبداع ... تشكراتي خيو على النقل الطيب .. لا عدمناك ..


تقبل تحياتي و تقديري

دمت بخير و عافيه

[فجر الحمادين]

صح لسانك ادارة المنتدى ولسان الحويفي

الله يقومه بالسلامه يارب

اتشكرك اخوي

تقبل تحياتي

[ديحاني]

قصيده وافيه وشاعر جزل

الحويفي من الشعار اللي اجادوا وصف الطير

صح السانك والسانه

[حلوه راك]

تسلم يا حركاااااااااااااات انت