تسجيل الدخول

مشاهدة النسخة كاملة : تل قلبي ياسعد


برق الوسم
12/04/2007 - April 12th, 10:28 PM
انـا تـل قلبـي ياسعـد تلـة الميـراج=بعد مااحرفت من دون الاهداف منحاشـه
نتلها قوي الباس سرعـه يبـا المخـراج=لحقها الخطر من يوم بانت على الشاشـه
رصدها ردار اعداه صوره مع الدوبـلاج=وصكو عليه أهل الطلـب تقـل كماشـه
سبايب وليف(ن)صاب قلبي عليه أخـلاج=غنوج(ن)على لحـن المواويـل شواشـه
الياجيت ابا اسـلا ياسعـد دقنـي دولاج=تحطم أضلوعـي والاحاسيـس جياشـه
خيال(ن)يهرجني وأنـا أهـرج الهـراج=أساليـب للعشـاق باافكـار حشـاشـه
عليها الجمال اللي يشـاد القمـر لنبـاج=ليـا فرعـت تودع هل الحفل منداشـه
عن الغره اللي نورها لـه سنـا وهـاج=تكاشف بياض(ن)مع حمار(ن)على أقماشه
عليها وصوف الريـم بالعنـق مايحتـاج=وعين(ن)على السلهام خجله بلاارماشـه
وانادمعتي هلـت بعـد لبسوهـا التـاج=بعـد لبسوهـا كنهـا بالبـنـي بـاشـه
حضيض(ن)سبقني ياسعد وأخذ المغنـاج=على هرجة العـدوان وقلـوب غشاشـه
وانا جرح قلبي من سببها بليـا أعـلاج=صعيب(ن)على الدكتور والطب ماحاشـه
يضيق الفضاء في خاطري والقـدم دواج=كما دوج من ضيع قطيع(ن)من أدباشـه
غدن عقب ماوردن على العد ابـو دراج=غزايز مغاتير(ن)غلاهن حـرق جاشـه
يسج القدم في غير يمـه علـى المنهـاج=مقاديـر وقتـه لحقتـه والكبـر ناشـه
وانا سامحوني كان سببت بعض أزعـاج=أصور مشاعر داخـل الجـوف مهتاشـه


برق الوســـــــــــم
شوووق العيووون
13/04/2007 - April 13th, 04:49 AM
أخوي برق الوسم

صح لسانك وبدنك ع تلكـ الدرررررررررررة

بصراحه روووعه ع الرغم ماتحمله من عبارات حزينه إلا إنها أصابت

مايختلج بالفؤاد ،،

دمت ودااام نزف قلمك ونبض قافك ،،

ولكن اسمحلي باستفسار عن بعض الكلمات التي أشكلت عليّ /

الميـراج
دولاج
لنبـاج
منداشـه
بـاشـه


تقبل مروري المتواضع

أختك

شوق العيون
برق الوسم
13/04/2007 - April 13th, 05:02 AM
أخوي برق الوسم

صح لسانك وبدنك ع تلكـ الدرررررررررررة

بصراحه روووعه ع الرغم ماتحمله من عبارات حزينه إلا إنها أصابت

مايختلج بالفؤاد ،،

دمت ودااام نزف قلمك ونبض قافك ،،

ولكن اسمحلي باستفسار عن بعض الكلمات التي أشكلت عليّ /

الميـراج
دولاج
لنبـاج
منداشـه
بـاشـه


تقبل مروري المتواضع

أختك

شوق العيون


مشكووووررررررره ع المرور


الميراج طائره حربيه سريعة الانطلاق والانحراف
دولاج هاجوس هم
لنباج يعني اذا طلع القمر اذا بان اذا انكشف

منداشه يعني مضيعه
باشه هاذي ماتعرفينها

ماسمعتي باشة البنات
زينة البنات
يعني بمعنى أخر ملكة جمال البنات

برعاية الله برق
فجر الحمادين
13/04/2007 - April 13th, 05:50 PM
وانا جرح قلبي من سببها بليـا أعـلاج
صعيب(ن)على الدكتور والطب ماحاشـه
يضيق الفضاء في خاطري والقـدم دواج
كما دوج من ضيع قطيع(ن)من أدباشـه
غدن عقب ماوردن على العد ابـو دراج
غزايز مغاتير(ن)غلاهن حـرق جاشـه



بـــــــــرق الوســـــــم

لله دركـ""

سلاسة اسلوبك....وجمال تصويرك...وصدق احساسكـ

تجعل ابياتك واحة غنــــّاء

يرتوي الظمآن لمجرد النظر اليها.......!

صح لسانك

كتبت فأبدعت

والابداع ليس بمستغرب عليك

تمنياتي بالنجاح
الصوت
13/04/2007 - April 13th, 06:10 PM
الله واكبر

صح لسااااااااااانك ولاهنت

قصيدة جميله جدا جدا

تحياتي واشواقي
برق الوسم
13/04/2007 - April 13th, 07:02 PM
فجور لاهنتي


من ذوقك الرائع




الف تحيه والف شكر والف تقدير




لاهنتي خيتوووووووو تقبلي ودددي برق الوسم
جنح الدجى
15/04/2007 - April 15th, 10:07 PM
عليها الجمال اللي يشـاد القمـر لنبـاج
ليا فرعت تـودع هـل الحفـل منداشـه
عن الغره اللي نورها لـه سنـا وهـاج
تكاشف بياض(ن)مع حمار(ن)على أقماشه
عليها وصوف الريـم بالعنـق مايحتـاج
وعين(ن)على السلهام خجله بلاارماشـه


يا سلااام



صح لسانك يالغالي



000000000
ابن ربضان الحميداني
16/04/2007 - April 16th, 02:39 AM
صح لسانك ولا هنت
محمد ابن عقوب
17/04/2007 - April 17th, 05:53 AM
خيال(ن)يهرجني وأنـا أهـرج الهـراج^^أساليـب للعشـاق باافكـار حشـاشـه
عليها الجمال اللي يشـاد القمـر لنبـاج^^ليـا فرعـت تودع هل الحفل منداشـه

***

يضيق الفضاء في خاطري والقـدم دواج^^كما دوج من ضيع قطيع(ن)من أدباشـه
غدن عقب ماوردن على العد ابـو دراج^^غزايز مغاتير(ن)غلاهن حـرق جاشـه

ــــــــــــــــــ

لله درك .. ودر أبيك و خوالك ..

لا تــــعـــلـــيــق ...


مـــا بــعــد هــالــكـــلام كـــــلام ...



تحياااااااااااااااااتي لك ...
برق الوسم
18/04/2007 - April 18th, 01:13 AM
محمد ابن عقوووب

لاهنت ع المرور يسلمو يارب


دمت بكل المسراااااااااااااااااااات


تحياااااااااااااااااااااااااتي برق الوســــم
ام عبادى
08/05/2007 - May 8th, 05:01 PM
مشكور على القصيده الحلوه


صح لسانك اخوي برق الوسم


تحياتي
برق الوسم
08/05/2007 - May 8th, 08:41 PM
مشكوره خيتو ام عبادي لاهنتي على المرور


طلبك وصلك على الخاص تامرين ياام عبادي ومايهمك


تحياااااااااااااااااااااتي برق الوســــــــــــــــــــــــــم
اهـــــم واحد
28/05/2007 - May 28th, 01:59 AM
رااسي ذبحني قسم بالله صكني والله ان الكلام في حقك قليل
حلوه راك
28/05/2007 - May 28th, 08:13 AM
سلمت وصح لساانك

دفاشه وابداع ما يصير

لوووووول
برق الوسم
07/06/2007 - June 7th, 05:18 PM
تسلم اهم واااااااااااااااااااحد


تحياااتي برق
برق الوسم
07/06/2007 - June 7th, 05:19 PM
هههههههههههههههههه

حلوه راك

الا يصير بقاموس برق الوسم


ااذا بغيتي دفاشه متوفره ولله الحمد

واذا بغيت ابداعع يمكن موجود لان التقييم عندكم



تحيااااااااااااااااااتو برق الوسم
رهوفه
08/06/2007 - June 8th, 09:20 PM
السلام عليكم ورحمة الله وبركاته

عبارات حب حزينة و قوية بقوت الحب الذي تحمله بطياتها

انـا تـل قلبـي ياسعـد تلـة الميـراج
بعد مااحرفت من دون الاهداف منحاشـه

الياجيت ابا اسـلا ياسعـد دقنـي دولاج
تحطم أضلوعـي والاحاسيـس جياشـه

عليها الجمال اللي يشـاد القمـر لنبـاج
ليا فرعت تـودع هـل الحفـل منداشـه

عليها وصوف الريـم بالعنـق مايحتـاج
وعين(ن)على السلهام خجله بلاارماشـه

وانا جرح قلبي من سببها بليـا أعـلاج
صعيب(ن)على الدكتور والطب ماحاشـه

يسج القدم في غير يمـه علـى المنهـاج
مقاديـر وقتـه لحقتـه والكبـر ناشـه

وانا سامحوني كان سببت بعض أزعـاج
أصور مشاعر داخـل الجـوف مهتاشـه

سلمت يمناك اخي العزيز برق ودمت بود

اختك رهوفه
برق الوسم
08/06/2007 - June 8th, 09:57 PM
تسلمي عزيزتي رهووووووفه


مرورك شرف ووسام فخر لاهنتي عزيزتي


ارق واعذب التحايااااا// خيك برق الوســـــــــــــــم