الصــارم
27/04/2007 - April 27th, 06:31 PM
السلام عليكم
أخواني أحب أن أقدّم لكم كل ماهو جديد للشعراء الفطاحل امثال عبدالله بن عون وغيره من كبار الشعراء
والشاعر المعروف / عبدالله بن عون غني عن التعريف شاعر له بصمه تاريخيه في جبين الشعر
تفضلو منّي قصيدة رثائه بالطير وأنا متاكد من ان تنال اعجابكم
ياطير عقبي كن خاطرك شاين = خاطرك شين وغيبتي عنك يومين
النقص فيك مبينٍ له بواين = في لمعة الريشه وفي ناظر العين
ياطير انا وياك كنّا خداين = وبيني وبينك ولف ومعاملٍ زين
يوم نتخاوى مع وجيه الضعاين = ونهمل سبوقك في مناكب ( خسيرين )
ولاّ ( شمال الهضبتين القراين ) = شرقّ ( طلال) .. ومن ( سواحيق) ويمين
ولإ عطينا سكّة ( التابلاين ) = ولاقد عطيناها عليهن حراذين
نصبح على طارات شهب المكاين = بين ( العراقيين ) و ( الأردنيين )
في خايعٍ به كنّ عيني تعاين = ربد الحباري به على أربع وثنتين
ونأخذ لنا أيامٍ بذيك الدفاين = مابين برقع والغدف والبسيتين
ونكسر على ماينحدر من ضواين = وناخذ هناك أسبوع والاّ سبوعين
وننكف نشاط وسالمين الصخاين = ولوّ كان نتعب عدنّا مستريحين
قدّام يطلع للصقاره زباين = ناسٍ تحوش القوبعه بأم روحين
ليّا روحوّ بمشحنّات الخزاين = مافي نحاهم ذوّقوه الأمرين
واليوم مابيني وبينك مداين = أنا سعودي وأنت جايٍ من الصين
وأمّا لقينا للحباري عواين = والاّ توادعنا وداع المحبين
الوقت ماتاليه معنا بزاين = والبرّ في حادور من حين في حين
أدناه مليانٍ كراتين ( فاين ) = وأقصاه ضاق وضيّقوه به هل الضين
وضاقت مناهج طيبين الضغاين = اللّ على المقناص يالطير ضارين
واليوم كّن اللي يحاكيك ماين = هذي سبوقك وأنتهض بالجناحين
وهاجر مهاجر مبحرات السفاين = للصين والاّ أهبط على ضلع غزوين
لوّ كان عندي من فراقك بهاين = حنّا عزاز ولانهين العزيزين
خلّك تروح ولاتشوف الغباين = شاملك عفوٍ مثل عفو المساجين
عبدالله بن عون
أخواني أحب أن أقدّم لكم كل ماهو جديد للشعراء الفطاحل امثال عبدالله بن عون وغيره من كبار الشعراء
والشاعر المعروف / عبدالله بن عون غني عن التعريف شاعر له بصمه تاريخيه في جبين الشعر
تفضلو منّي قصيدة رثائه بالطير وأنا متاكد من ان تنال اعجابكم
ياطير عقبي كن خاطرك شاين = خاطرك شين وغيبتي عنك يومين
النقص فيك مبينٍ له بواين = في لمعة الريشه وفي ناظر العين
ياطير انا وياك كنّا خداين = وبيني وبينك ولف ومعاملٍ زين
يوم نتخاوى مع وجيه الضعاين = ونهمل سبوقك في مناكب ( خسيرين )
ولاّ ( شمال الهضبتين القراين ) = شرقّ ( طلال) .. ومن ( سواحيق) ويمين
ولإ عطينا سكّة ( التابلاين ) = ولاقد عطيناها عليهن حراذين
نصبح على طارات شهب المكاين = بين ( العراقيين ) و ( الأردنيين )
في خايعٍ به كنّ عيني تعاين = ربد الحباري به على أربع وثنتين
ونأخذ لنا أيامٍ بذيك الدفاين = مابين برقع والغدف والبسيتين
ونكسر على ماينحدر من ضواين = وناخذ هناك أسبوع والاّ سبوعين
وننكف نشاط وسالمين الصخاين = ولوّ كان نتعب عدنّا مستريحين
قدّام يطلع للصقاره زباين = ناسٍ تحوش القوبعه بأم روحين
ليّا روحوّ بمشحنّات الخزاين = مافي نحاهم ذوّقوه الأمرين
واليوم مابيني وبينك مداين = أنا سعودي وأنت جايٍ من الصين
وأمّا لقينا للحباري عواين = والاّ توادعنا وداع المحبين
الوقت ماتاليه معنا بزاين = والبرّ في حادور من حين في حين
أدناه مليانٍ كراتين ( فاين ) = وأقصاه ضاق وضيّقوه به هل الضين
وضاقت مناهج طيبين الضغاين = اللّ على المقناص يالطير ضارين
واليوم كّن اللي يحاكيك ماين = هذي سبوقك وأنتهض بالجناحين
وهاجر مهاجر مبحرات السفاين = للصين والاّ أهبط على ضلع غزوين
لوّ كان عندي من فراقك بهاين = حنّا عزاز ولانهين العزيزين
خلّك تروح ولاتشوف الغباين = شاملك عفوٍ مثل عفو المساجين
عبدالله بن عون