قصيدة محمد الخس

[الصــارم]

الله من قلبٍ عوى عويـت الذيـب =ذيب عوى لجـت ضلوعـه ولجـي
عليك ياراعـي العيـون المهاديـب =سـودٍ مضاليـلٍ وسـاع ٍ وبـجـي
سودٍ تشذب بسرة القلـب تشذيـب =طحـت بخطرهـن يالله انـك تنجـي
سهومهن تسطي على القلب وتصيب =تخـج صنـدوق المعاليـق خـجـي
ياصاحبي حبـك لقلبـي عواقيـب =ارفق علـي شـوي قبـل استلجـي
يا اللي عليك عيون الامه مراقيـب =تقـول بيـن شـفـاك درٍ يمـجـي
والخد بـراق المـزون المهاضيـب =اللي رعـوده رجـت القـاع رجـي
يامنوتـي مافيـه شـك ولاريــب =منساك كود انسى صيامـي وحجـي
يابو نهـودٍ شلعـن مقـدم الجيـب =كمشمشٍ عرقـه مـن المـاء ينجـي
من فوقهن شقرٍ تغذى على الطيـب =ريح الشمطري في طرفهـن يعجـي
ذيل اشقرٍ ينسف خلاف العراقيـب =تطلـب عيالـه بالمهـر والتـرجـي
هزت وزرفـات السبايـا جناديـب =لوما شليـل الصبـر والمـال هجـي
ذبحتنـي ياسيـد كـل الرعابيـب =فجيت قلبـي يأريـش العيـن فجـي
فجن مثل مظراب شلفـاء تراحيـب =شلفاءاً تخـل الـدم الاحمـر يكجـي
لا وردة من كـف مـرو المغاليـب =والخيـل كاسيهـا ضبـابٍ وعجـي
ياعاذل المشتاق مابالهـوى عيـب =ماذقت لذاتـه عسـى امـك تدجـي
لو ذقت من حلوه ومـره تجاريـب =مالمـت طـراد البـنـي الغنـجـي
نجل العيون مزعـلات الخطاطيـب =شعـوٍ عـذاب مقطعيـن الفـرجـي
يم الحبيب اللي هروجـه تعاجيـب =ياعيـن لديلـه ويـارجـل سـجـي


دمتم بود


الشاعر محمد الخس



تحيــــ الصــــــــــــــارم ــــاتي

[ابونادر]

اخوي الصارم


تسلم يمينك على النقل وشكرا على الاختيار المميز


وصح الله لسان شاعرنا الكبير / البستان




تحيااااااتي




..

[الصــارم]

ابو نااااااادر اشكرك على مرورك السريع وتسلم طال عمرك

[محمد ابن عقوب]

الـــــصـارم

الشكر يعجز لو أردت شكرك


أخي العزيز ،،

أختيارك جداً رائع لهذا البستان الجميل الذي طالما أحببته ،،





لك أرق التحايا و أعذبها

دمت بخير و عافيه

[الصــارم]

محمد الله يعطيك العا فيه على مرورك القصيده والف شكر