نـــــو الــصيف

[سعد الحميداني]

$
$
$
$



يــــاشعيل قالـوا تهون وشفتها تكـبر= والمشكـل انــه مافيه احلول بيديني

اخيل لعج البروق ونورها يســـحر = لارفرف البرق حـرك نـشـوةٍ فـينـي

النو ركّب ونو الصيـف مايمـــطـر =وان جاء مطر قطرتين ٍ ماتكـفــــيـني

اخايـله من قـــديمٍ والزمان اقشــــر = ارجيه يا شعيل والمحبوب يرجـيني

ياشعيل طال الطريق وعمرنايقصر = ياخوفي اني برجـواه اقضي اسنيني

والصايم اللي حلف ياشعيل مايفطر =ليـن ايتهيـا الـلزوم الـلـي يـمانيـــــني

ياشعيل شـــح الكلام ويشكي الدفتر = قصايدٍ حـبرهـــــا دم الـشـرايـيـنــي.

اما يجـيـنـي غـلا واغـليـه انــا اكثر = والا يقـفـــي ولاتـبـكـــــيـه ياعـــيـنـي

[الساحل الشرقي]

سعد الحميداني

السلام عليكم ورحمة الله وبركاته

صح لسانك ياابو يوسف عساك على القوه يالغالي

والله يحييك في منتداك تحياتي والسلام عليكم


اخوك الساحل الشرقي

[سعد الحميداني]

الساحل الشرقي

لاعدمتك ياغالي


انا عاجز عن الشكر تقبل تحياتي


الله لايهينك

[برق الوسم]

ياشعيل شح الكلام ويشكـي الدفتـر=قـصـايـدٍ حـبـرهـا دم الشرايـيـنـي.
امـا يجينـي غـلا واغليـه انـا اكثـر=والا يـقـفـي ولاتـبـكـيـه يـاعـيـنـي


الله الله الله

عليك ياابو يوسف انت ونو الصيــــــــــــــــــــف


رائعه تضاف الى روائع شاعرنا العذب سعد الحميداني


تسلم اخووووي الغالي وصح لسانك ملااااااااااااااااين


لاخلا ولاعدم تقبل ودددددي وسجل اعجابي ارق التحاياا


برق الوســـــــــــــــــــــــــــــــــــــــــــــم

[ابونادر]

صح الله لسانك يابو يوسف قصيدة جزلة من شاعر جزل ولاغرابة

ماشاءالله عليك مبحر عقبي ياسعد . لكن اقول ترا الهوى غلاب


تحيااااااااااااااااااااتي


..

[سعد الحميداني]

ابو نادر لاعدمتك


انا احد تلاميذك وكنت اخي الكبير الذي كنت اطلعه على قصايدي


ولن اخجل بالقول ان ابو نادر ساعدني بشرح بعض امور الشعر لي


وكنت اطلعك على قصائد البدايات وكنت تعلق بكل صراحه


ادامك الله ومهما يكون انتم الاساس

[المستشار]

ابويوسف صح لسانك

ولاتبخل علينا بقصايدك ترى نشفق عليها والله

ودامك الله بالصحه والعافيه

اخوك

[سعد الحميداني]

اخي برق الوسم


الله يطول عمرك


الف شكر على الرد




تحياتي ياطيب

[سعد الحميداني]

صح الله لسانك يابو يوسف قصيدة جزلة من شاعر جزل ولاغرابة

ماشاءالله عليك مبحر عقبي ياسعد . لكن اقول ترا الهوى غلاب


تحيااااااااااااااااااااتي


..



الله لايخليني منك يابو نادر

نبقى تلاميذ لك

واتشرف بكل ماتكتبه وتقوله عني


تحياتي

[فجر الحمادين]

صح لسانك سعد الحميداني.......يعطيك العافية