اميـــر الحمادين
09/09/2007 - September 9th, 10:47 PM
بسم الله الرحمن الرحيم
السلام عليكم ورحمة الله وبركاتة
أسعد الله صباحكم بالخيرات
أطرح بين أيديكم قصيدة الشاعر / ملفي المورقي لمزاين قبيلة عتيبة ( الهيلا ) والذي سيقام بإذن الله تعالى في شهر شوال (10) لعام 1428هـ
ويقول أبو وافي
ياعيدنا اللي صاير(ن) بيـن عيديـن=بين رمضان وبيـن عيـد الضحيـة
جعلك تعود ليال وشهـور واسنيـن=وحنـا بخيـر ولا رزانـا رزيــه
نعم بنعـم الضافـي الأمـن والديـن=ماعنـدنـا بغـضـا ولا مكرهـيـه
في ظل ربـي ثـم بظـل السلاطيـن=العادليـن اللـي ذممـهـم بـريـه
حكامنا الوافين فـي العسـر والليـن=فـي حكمهـم كـل القبايـل سويـه
وحنا لهـم طـول الليالـي مطيعيـن=علـى كتـاب الله وسـنـة نبـيـه
من عهد أبو تركي مقـر الموازيـن=اليـا عيـالـه طيبـيـن السجـيـه
متكاتفيـنـن كلـنـا ومتصافـيـن=الـرأي واحـد والضمايـر نقـيـه
سوات هذا اليـوم فالمحفـل الزيـن=اللي حضرنـا فيـه مـن كـل نيـه
في أربع ميه وإلف وثمنيه وعشرين=في شهر عشره وسط نجـد العذيـه
مسجل(ن) فـي قلوبنـا والدواوييـن=مايمحـي مادامـت الشمـس حيـه
مزايـن الهيـلا للأبـل المـزايـن=أهل الحـلال اللـي قليـل(ن) حليـه
سود(ن) وواضح(ن) غاليات المثامين=وشعل(ن) وصفر(ن) فيهن الجاذبيـه
نسع الغـوارب ضافيـات العرانيـن=وظهورهـا فيهـا تقاعـس شويـه
معمقـات(ن) مـن خيـار البعاريـن=ماحولـت فيهـا الزمـول الـرديـة
ومن السطر فيهـا تـدك المياديـن=عسكـر ولـو ماتعـرف العسكريـه
تعمل عروض خلاف ويسار ويميـن=تقـول راعيهـا مــدرب سـريـه
والوحـده منهـا تراعيـه بالعـيـن=تقول تضـرب لـه سـلام وتحيـه
ماجـات معنـا بالتسلـف وبالديـن=والا عطـن مصفـوط والا هـديـه
اللي ورثها من رجـال(ن) مسميـن=وصية(ن) يوصـي عليهـا وصيـه
واللي دفـع فيهـا مئـات الملاييـن=ويقـول مهمـا سقـت فيهـا بليـه
والبـل تـرى ماتؤخـذ الا بثنتيـن=شي(ن) مجرب من علـى الجاهليـه
أمـا بنثـر الـدم يـوم الأكـاويـن=ومصافق الفريـس صبـح وعشيـه
والا قناطير الذهـب والذهـب ويـن=يخلـي النـاس الفـقـارى غنـيـه
وحنـا كسبنـاه مـن أول وذلحيـن=بالجهـد وعـزوم الرجـال القويـه
وقمنـا بواجبهـا كـلام(ن) بتثميـن=واللـي يسـوي مثلنـا حـي حيـه
مرباعنا عرعر وأبا القـور ويميـن=اليا الحجـر ومـن تحتهـا شويـه
وأن صار للصيف المبكـر وداديـن=علـى العبـال الشاسعـات الخليـه
جاتك تخافـق مخزيـات الشياطيـن=تبغا الجنـوب اللـي تطـارد نصيـه
وأن صار يامشكاي وجه الدهر شين=وضاعت علوم اللي يسوق المطيـه
علـى مصارفهـا بربـي قويـيـن=نـدرك عشاهـا لـو نباتـه وقريـه
الشاعر ملفي المورقي
السلام عليكم ورحمة الله وبركاتة
أسعد الله صباحكم بالخيرات
أطرح بين أيديكم قصيدة الشاعر / ملفي المورقي لمزاين قبيلة عتيبة ( الهيلا ) والذي سيقام بإذن الله تعالى في شهر شوال (10) لعام 1428هـ
ويقول أبو وافي
ياعيدنا اللي صاير(ن) بيـن عيديـن=بين رمضان وبيـن عيـد الضحيـة
جعلك تعود ليال وشهـور واسنيـن=وحنـا بخيـر ولا رزانـا رزيــه
نعم بنعـم الضافـي الأمـن والديـن=ماعنـدنـا بغـضـا ولا مكرهـيـه
في ظل ربـي ثـم بظـل السلاطيـن=العادليـن اللـي ذممـهـم بـريـه
حكامنا الوافين فـي العسـر والليـن=فـي حكمهـم كـل القبايـل سويـه
وحنا لهـم طـول الليالـي مطيعيـن=علـى كتـاب الله وسـنـة نبـيـه
من عهد أبو تركي مقـر الموازيـن=اليـا عيـالـه طيبـيـن السجـيـه
متكاتفيـنـن كلـنـا ومتصافـيـن=الـرأي واحـد والضمايـر نقـيـه
سوات هذا اليـوم فالمحفـل الزيـن=اللي حضرنـا فيـه مـن كـل نيـه
في أربع ميه وإلف وثمنيه وعشرين=في شهر عشره وسط نجـد العذيـه
مسجل(ن) فـي قلوبنـا والدواوييـن=مايمحـي مادامـت الشمـس حيـه
مزايـن الهيـلا للأبـل المـزايـن=أهل الحـلال اللـي قليـل(ن) حليـه
سود(ن) وواضح(ن) غاليات المثامين=وشعل(ن) وصفر(ن) فيهن الجاذبيـه
نسع الغـوارب ضافيـات العرانيـن=وظهورهـا فيهـا تقاعـس شويـه
معمقـات(ن) مـن خيـار البعاريـن=ماحولـت فيهـا الزمـول الـرديـة
ومن السطر فيهـا تـدك المياديـن=عسكـر ولـو ماتعـرف العسكريـه
تعمل عروض خلاف ويسار ويميـن=تقـول راعيهـا مــدرب سـريـه
والوحـده منهـا تراعيـه بالعـيـن=تقول تضـرب لـه سـلام وتحيـه
ماجـات معنـا بالتسلـف وبالديـن=والا عطـن مصفـوط والا هـديـه
اللي ورثها من رجـال(ن) مسميـن=وصية(ن) يوصـي عليهـا وصيـه
واللي دفـع فيهـا مئـات الملاييـن=ويقـول مهمـا سقـت فيهـا بليـه
والبـل تـرى ماتؤخـذ الا بثنتيـن=شي(ن) مجرب من علـى الجاهليـه
أمـا بنثـر الـدم يـوم الأكـاويـن=ومصافق الفريـس صبـح وعشيـه
والا قناطير الذهـب والذهـب ويـن=يخلـي النـاس الفـقـارى غنـيـه
وحنـا كسبنـاه مـن أول وذلحيـن=بالجهـد وعـزوم الرجـال القويـه
وقمنـا بواجبهـا كـلام(ن) بتثميـن=واللـي يسـوي مثلنـا حـي حيـه
مرباعنا عرعر وأبا القـور ويميـن=اليا الحجـر ومـن تحتهـا شويـه
وأن صار للصيف المبكـر وداديـن=علـى العبـال الشاسعـات الخليـه
جاتك تخافـق مخزيـات الشياطيـن=تبغا الجنـوب اللـي تطـارد نصيـه
وأن صار يامشكاي وجه الدهر شين=وضاعت علوم اللي يسوق المطيـه
علـى مصارفهـا بربـي قويـيـن=نـدرك عشاهـا لـو نباتـه وقريـه
الشاعر ملفي المورقي