بنات أفكاري

[ساري الليل]

من قرادة حظه الاقشر وعينه ماتهنا =ومن هباله ماطرى يضحك مع الايام سنه
أه ياقو الهبوب العاتيه منا ومنا =والله أن الحال منها مقتفيه أقراع شنه
واوجودي وجد من صوب و من عقبه تثنا =طاح من صهوة جواده ونطلق منها الاعنه
يوم يذكر من زمانه والبيوت اللي تبنا=والرفاقه والجماعه حول ناره مرجهنه
صاح بعلا الصوت والضلعان من صوته ترنا=قال يا رب العباد أرجوك ترحمني بجنه
عاف يومنه يشوف الوقت يخلف كل ضنا =كل ماقام وتوجه تخلف الهقوات ضنه
والقلوب اللي غشاها الحقد وشوله تحنا =دامها رضيت بضيم الحي وشوله تحنه
ليت نظرة راعي الفتنه بعيد عن وطنا=ماقدحها في عيال العود نيرانن مسنه
من لهبها والله ان عيون خلق الله بكنا=حسبي الله يازمانن كل شره مايكنه

[برق الوسم]

هلا وغلا ساري الليل

لي عووده تقبل ودي

برق الوســــــــــــــــــــــــــــــــم

[بنت الحوااامد]

مرحبااا الساع
صح الله السانك ولاهان
منطوقك وعلا شانك بين
ربع وخلانك ونترقب الزود منك
اختك ام زايد

[بندر السعدوني]

أولا: كل عام وأنت بخير أعضاء المنتدى

ساري الليل

صح لسانك
لين ترضى
قصيده في قمة الإبداع والشعر والمشاعر
لله درك من شخص ومن شاعر
قصيد مهما قلت فيها لن توفيه حقها من الإعجاب
سجل إعجابي بهذه واترك إعجابي
إلي مالا نهاية

اخوك
بندر السعدوني

[بن شرف]

ساري الليل
صح لسانك
قصيده في قمة الإبداع

[ابونادر]

ساري الليل

نعم ياخي الوقت غدار والايام دوارة الله يكفينا شرها

صح لسانك مدد بلا عدد على هالابيات الجزلة


لك أرق التحايا ،،



..

[برق الوسم]

أه ياقـو الهبـوب العاتيـه منـا ومـنـا=والله أن الحال منها مقتفيـه أقـراع شنـه
واوجودي وجد من صوب و من عقبه تثنـا=طاح من صهوة جواده ونطلق منها الاعنـه
يوم يذكر من زمانه والبيـوت اللـي تبنـا=والرفاقه والجماعه حـول نـاره مرجهنـه
صاح بعلا الصوت والضلعان من صوته ترنا=قال يا رب العباد أرجـوك ترحمنـي بجنـه


صح لسانك ساري الليل

اتحفتنا بهذه الجزله والرائعه شاعرنا العذب

والحنين للماضي مرفقا به روعة الوصف تسلم ويسلم

راسك عساك دائما على القووه باانتظار ابداعاتك القادمه والرائعه

تقبل كل الووود برق الوسم

[ساري الليل]

كل الشكر والتقدير لأاخواني الاعضاء الكرام على هاذا الاطراء والله لا يهينهم وكلى فخر بهاذههي الكوكبه
المباركه من الاخوه ألاعزاء وعسى الله يجملنا لتقديم ماهو جميل / أحوكم ساري الليل ,,,,,,,,,,,,,,,,,,,

[غطفان]

مشكور الله يوفقك