المبسم سموووووووووول

[غريب الدار]

اخواني هذه بويتات حبيت ان اشارك بها

امل ان تنال ولو الشي اليسير من الاستحسان


يابو جديل فوق الامتان مفلول= والرمش ضافي فوق طرفٍ نعوسي
والخشم سلة سيف والمبسم سمول =وبالصدر كالرمان وسط الغروسي
خصره نحيل وزاهيٍ جسمه الطول = والردف لاقفى خطيرٍ يهوسي
ماشوف غيرك بالبشر شدني زول =واغار من ملمس جسدك اللبوسي
ومادام مالي فيك قوه ولاحول =ارجع واسلي خاطري في هجوسي
واصخر صعيب القاف من طقة الجول =واقول غيرك للعذارا ندوسي
ولاعاد عندي شي وش عاد ابا اقول=مادام فكري والخيال محبوسي

[ابن نمش]

ولاعاد عندي شي وش عاد ابا اقـول
مـادام فكـري والخيـال محبوسـي

صح لسانك على هذه القصيد ه الرائعه

والوصف الرائع


وننتظر جديدك

[غريب الدار]

ابن نمش
صح بدنك وشكراً لمرورك الكريم والاطراء الجميل
وابشر بطلبك في حال الجديد
لان بصراحه لايوجد جديد لدي الان
اعدك والاخوان
بانه اذا كان هناك جديد سيكون هذا الموقع او محطاته
شاكراً لك مرورك
دمت بخير

[ابونادر]

و مدام مالي فيك قوه ولاحول اااااا ارجع واسلي خاطري في هجوسي

الصراحة راحة ياغريب الدار

صح لسانك قصيدة تستحق القراءة من شاعرصادق ألآحساس




صادق تحياتي

ابونادر

[غريب الدار]

هلا والله ابو نادر
صح بدنك ومشكور على المرور والاطراء الجميل
لك كل الشكر واسعدني مرورك
دمت بخير

[المنسدح في اللفه]

صح لسانك غريب الدار

الله يعطيك العافيه

[غريب الدار]

المنسدح بالفه
صح بدنك
وشكرا لمرورك