خيال~حلم~أطيور~شعر~وأغاني

[ابو يوسف]

عقارب الساعة على الهم وقفت = قبل يلامس كفي الزعفراني
عاداتها الأيام لاجتني أقـفت = ثم أتركتني في همومي أعاني
مثل السراب إذا وصلته تشتّت= امسك عنانه ثم يطلق عناني
بين الضلوع أجروح قلب (ن) تعدت = حد الألم في زفرتين وثواني
ومليت من ضيم الليالي وملت = حتى الليال وجودها في مكاني
وفي وسط هذا بنت الأفكار سجت = في ماضي الأيام بأول زماني
يوم السعادة في حياتي تفشت = قد كنت أعيش العمر في عمر ثاني
أسنين ما أخطينا وراحت ولا أخطت= بحق الحبيب اللي نسيت ونساني
الله يذكر وقتها أبخير ما أمست = وبخير يذكرها هذيك الأماني
وأن كنت أشبه أمس باليوم ماصبت = مخطي ولو قلته بعظمة لساني
هذاك أول فيه كم ليلة(ن) ذبت = وذابت شموع الشوق وأحلا المعاني
أصلاً ولا في يوم من سكرته فقت = خيال حلم أطيور شعر وأغاني
عطر(ن) وليل وبر وقلوب حبت= وفي سرمدي الحلم تاهت مواني
مثل الحنان اللي رحل مآبها شفت= ولاظنتي في هالزمن به حناني

أخوكم ابو يوسف

عااطر مودتي

[منابع الطيب]

أصلاً ولا في يوم من سكرته فقـت=خيال حلم أطيـور شعـر وأغانـي

ابو يوسف

الف شكر على القصيدهـ الرااائعه كروعتك صح السانك

خالص تحياتي]

[ابو يوسف]

الطيب عند طارية أخي القدير / منابع الطيب

حضور مزهر وإختيار للأبيات يدل على تمعنك بالقصيدة

وذوقك الرفيع وخيالك الحالم ..

اسعدني حقاً تواجدك في متصفحي

عااطر مودتي

[ابوعبدالكريم الحميداني]

مثل السـراب إذا وصلتـه تشتّـت=امسك عنانه ثـم يطلـق عنانـي
بين الضلوع أجروح قلب (ن) تعدت=حد الألـم فـي زفرتيـن وثوانـي


الله عليك يابو يوسف تصوير رائع وكلمات اروع صح لسانك لاهنت

على الأبداع والتصوير وجزالة المعنى

تقبل صادق ودي

[ابو يوسف]

أخي الكريم والقدير/ ابو عبدالكريم

لا حرمني الله من متابعتك يالغالي

حضور مزهر اينما حطت رحالك أجد

كلماتك تلامس روس الجروح ..

لا خلا ولا عدم

عااطر مودتي

[منابع الطيب]

ابو يوسف شكلي انا ونت السهرانين اليوم بس

[ابونادر]

الله يذكر وقتها أبخير مـا أمسـت=وبخيـر يذكرهـا هذيـك الأمانـي
وأن كنت أشبه أمس باليوم ماصبت=مخطي ولو قلته بعظمـة لساني
هذاك أول فيه كم ليلـة(ن) ذبـت=وذابت شموع الشوق وأحلا المعاني
..
نعم امس لايشبه اليوم بالتاكيد . يابو يوسف

ومليون صح لسانك على هالابيات الجميلة

يعطيك العافية ولاهنت




تحياااااااتي


..

[فجر الحمادين]

صح لسانك ملايين ابويوسف

تقبل شكري

ومروري العابر

اختك فجر

[ابو يوسف]

الله يذكر وقتها أبخير مـا أمسـت=وبخيـر يذكرهـا هذيـك الأمانـي
وأن كنت أشبه أمس باليوم ماصبت=مخطي ولو قلته بعظمـة لساني
هذاك أول فيه كم ليلـة(ن) ذبـت=وذابت شموع الشوق وأحلا المعاني
..
نعم امس لايشبه اليوم بالتاكيد . يابو يوسف

ومليون صح لسانك على هالابيات الجميلة

يعطيك العافية ولاهنت




تحياااااااتي


..





اخي القدير ابو نادر

ارجو من الله ان تكون في تمام الصحه والعافية

وانا اسف جدا على التأخير بالرد

بس الظروف وما ادراك ما الظروف

وانا عابر من هنــا اتصفح بعض الاوراق القديمة

وجدت لك هذا الرد فقلت من المحال اني اعدية

صح بدنك ترليون ولا يسدون يالغالي

دمت بكل حب

[ابو يوسف]

صح لسانك ملايين ابويوسف

تقبل شكري

ومروري العابر

اختك فجر


ياهلا بختي فجر

وصح بدنك ترليون

ولا هنتي على الحضور المميز

دمتي بحفظ الرحمن