القراءة قبل النوم ......!!! [الأرشيف]

مشاهدة النسخة كاملة : القراءة قبل النوم ......!!!

الصعيري 314

08/12/2007 - December 8th, 03:59 AM

أحبابي والله ....
شلونكم .....

والله يا جماعة ... أنا متعود على القراءة قبل لا أنام ...

يعني الحين على سريري .. تقريبا ... عشر كتب ... واللي تحت السرير يمكن 15 كتاب ....

قبل لا أنام لازم أقرأ ... حتى لو كنت منهار من التعب وبس أدور النوم .. لازم أقرأ قبل لا أنام ....

والكتب تنام بجنبي .. واصبح في وجهها الصبح ... وياحلوه من وجه ... لأني أعشق الكتب ...

هالكتب اللي أقراها قبل لا أنام ... منوعة ... فيها كتب عربية ... فيها .. كتب انجليزية ...فيها الديني ... فيها الموسوعي ... فيها الحكم .....الخ

أنتم .... هل مصابين بهذه العدوى الجميلة ......

ويبقى .........

ابوعبدالكريم الحميداني

08/12/2007 - December 8th, 04:31 AM

الصعيري 314

القراءة ياعزيزي تفيد العقل وتنشط الذاكرة وتصقل المواهب

بس والله انا أقرا الجرايد وأهم شئ المقالات00

تقبل عاطر محبتي

الصعيري 314

08/12/2007 - December 8th, 04:43 AM

اي جريدة تقرا... وهل هناك كاتب معين ...؟؟

ابوعبدالكريم الحميداني

08/12/2007 - December 8th, 04:50 AM

الوطن

فؤاد الهاشم اهم كاتب

والباقون احيانا

مثل نبيل الفضل

عزيزة المفرح

وكل مقالات الوطن

الجرائد الباقية احيانا

تقبل تقديري

الصعيري 314

08/12/2007 - December 8th, 04:54 AM

والله أني أحبك .....

بس الوطن .... ما أدانيها ......

لو تحول على القبس أبرك ..................

ابوعبدالكريم الحميداني

08/12/2007 - December 8th, 05:02 AM

ليش

القبس كنت من زمان أقراها

بس الوطن هي افضل جريدة عندنا مع أنة فية جرائد جديدة الظاهر

بتغطي عليهم كلهم

الصعيري 314

08/12/2007 - December 8th, 05:06 AM

ليش: ياخي أحس انها ضد ... الكثير من الوطنيين... تجربة انتخابات 2006 أكبردليل على ذلك ... كانت واقفة ضد معظم النواب الاصلاحيين ...

أفضل جريدة: ما أظن ... لكن أكبرتوزيع .... وبعض أخبارها زينة ...
كل المشكلة تقع في توجه الجريدة .... الصراحة توجهها مو وطني ...

عالم اليوم .... يمكن ......

ابوعبدالكريم الحميداني

08/12/2007 - December 8th, 05:11 AM

بس اكثر كتاب عندهم جراءة فيها

الصعيري 314

08/12/2007 - December 8th, 05:13 AM

تكفى لاتقولي احمد الفهد

هههههههههههههههههههههههههه

يعني .. أوافقك انه فيها كتاب زينين ....

ابوعبدالكريم الحميداني

08/12/2007 - December 8th, 05:16 AM

لالالا

مو هوو غيرة كثير

بس فؤاد الهاشم عندي احسن واحد

الصعيري 314

08/12/2007 - December 8th, 05:23 AM

والله فؤاد ... حلو لما يتكلم في القضايا الوطنية ...

نفسه حلو بالكتابة ... لكن للأسف .. انه ماعنده أي توجه ...

يعني حاط دوبه ودوب الشعبي .... ما أدري ليش ؟؟

هل عشان ..معازيبه هادينه ....عليهم .... ولا عشان أمر ثاني ..

الله أعلم ....

وبعدين الله يهديه ... أحيانا ... كلامه يعني .... مش مؤدب ....

يعني يتكلم عن شغلات مو زينة .... للأسف أقول ....

نوني الحماديه

08/12/2007 - December 8th, 02:39 PM

الصراحه انا ماحب القراءه لانها متعبه حق العين وتعور الرااااس

الصعيري 314

08/12/2007 - December 8th, 05:24 PM

ليه يا نوني .... هههههه ( لا أتغشمر ...)

موعشان جذيه انا أقرأ ... عشان أدوخ وانام ... هههههه

ابوعبدالكريم الحميداني

08/12/2007 - December 8th, 10:52 PM

الليث بن خالد

09/12/2007 - December 9th, 12:59 AM

القراءة قبل النوم جميلة جداً

ولا اقطعها الا بالبر فاني لااضع رأسي الا وانا منهك

والأهم ان يكون الكتاب الذي اخترت مفيد

فانا بدأت بالمجلات الهابطة خاصة التي تحتوي على صور الحسناوات

اما الآن فلا اقرأ الا كتب الادب والتاريخ

تحياتي لك

الصعيري 314

09/12/2007 - December 9th, 02:31 AM

هلابوعبدالكريم ...

وين الصح لما يطعن في مسلم البراك .... وياليت يبين حقائق .... لكنه كان يتصيد على مسلم .. كل صغيرة ويحاول يكبرها ....وين الصح لما يحط دوبه ودوب أحمد السعدون ....
يعني شي غريب من هالهاشم ....

يعني أنت ممكن تقول ... طيب ليش نعطي السعدون ومسلم قداسة ...؟

أبدا والله..... أنا أول واحدمع النقد البناء ... خصوصا هالشخصيات العامة .. ماعندي مشكلة أبدا ... خله ينقد على راحته ....

لكن وين المشكلة ...؟

قبل الغزو ... لما حلوا مجلس 85 سنة 86 قامت مطالبات شعبية كاسحة .. لأعادة مجلس الأمة ... وتكون ما يعرف بدواوين الاثنين .. اللي هدفها .. الحشد الشعبي لأعادة تفعيل دستور 61 .... تدري منو أهم عناصر قاموا بهالدور ... السعدون ... وجماعة اخرون ... ومسلم كان له دور فعال كذلك ...

المعنى ان هالناس توجههم اصلاحي ... ومع الشعب مو ضده ....

يعني أنت شوف الوضع السياسي في الكويت ... وشوف أحسن التوجهات .. راح تلقى السعدون والبراك وغيرهم من الشرفاء في هالطرف ...

وشوف التوجهات الحكومية .. اللي تبي تحول مجلس المة الى مجلس 90 الوطني ... راح تلقى الهاشم في الطرف هذا ....

يعني خذ نظرة عامة ... وصدقني راح تلمس هالشي ....

ناهيك .. عن سمية الخشاب اللي أذانا فيها .... ههههههههههههه

الصعيري 314

09/12/2007 - December 9th, 02:37 AM

هلا بأخوي الليث ...
يالله يحفظك ويبارك فيك .... وفي الجميع ... امين ...

أدري ... هي مسألة تعود ... اذا تعودت على هالشي .. صعب انك تترك القراءة قبل النوم .....

تشكراتي ...

ابوعبدالكريم الحميداني

09/12/2007 - December 9th, 06:00 AM

انا معك في بعض الشئ ووانامن مؤدي مسلم بشدة والكتلة الشعبية

بس انت شفت مواقف السعدون الأخيرة من القروض السعدون يلعب على

الحبلين ورزة مسلم والكتلة الشعبية أقنعة قامت تنكشف ياعزيزي

يوم السالفة وصلت عن الفلوس 000

الصعيري 314

09/12/2007 - December 9th, 07:52 AM

والله بالنسبة لي اللي يلعب على الحبلين في قضية قابلة للأخذ والعطى أهون من اللي يلعب على الحبلين في قضايا مصيرية تندرج تحت عبارة أكون او لا أكون ...

يعني والله لو هي رادة على نظام الحكم او على الحكومة .. كان أستعادوا .. أيام.. (ياسيف يامنسف) ..... اللي دمرها دستور 61 ...

لذلك هم يكرهون دستور 61 ويكرهون كل رجل وطني مخلص للوطن وللشعب ...

أنت شفت موقف الوطن من فيصل المسلم في انتخابات 2006 ....؟؟؟

سبحان الله .. موقف غير مبرر .. الا اذا حطيت في بالك .. كرههم لأي رجل وطني ...

ياخي يكفي .. ان راعي هالجريدة ...هو .. علي الخليفة المتهم (سابقا) .. بسرقة المال العام .....

ههههه

ابوعبدالكريم الحميداني

10/12/2007 - December 10th, 11:07 AM

الصعيري314

والله فيصل المسلم ماهووو على الهقوة كلامة 2006 غير اداءة بالمجلس

وتبي الصج الحكومة والمجلس كلهم يلعبون على ذقون الشعب00

فاز فيها التاجر وبس00

تقبل تقديري

الصعيري 314

10/12/2007 - December 10th, 01:29 PM

هلابو عبدالكريم .........

مشكور على المساهمة الحلوة ...

والله ياخوك خلنا نتكلم كلام عام .....

فيه ناس تدافع عن ثوابت شعبية .. ومكتسبات وطنية ... كفلها دستور 61

وفيه ناس .. موعاجبها هالشي .. يعني تحاول تخلي أعضاء مجلس الأمة أعضاء مجلس بلدي .. (مع أحترامي للمجلسين و أعضاؤه) ....

طيب ............

الناس هذي اللي مو عاجبهم هالشي ... قاعدين يعملون ليل نهار لأفشال المجلس .. بشتى الطرق .... مثل .. التسويق الاعلامي لفشل المجلس .. محاربة الاصلاحيين والوطنيين ونشر اي زلة في تاريخهم مهما كانت صغيرة .. وغيرها وغيرها من الطرق ...

وبعدين ... انت تدري ان مو كل الأعضاء ينطلقون من مبادئ وقيم وطنية ... بعضهم نجح فقط لأنه يخلص معاملات ... يعني هالنوعية لو يفتحون محل تخليص معاملات يطلعون ذهب ... هههههه

صج والله هالنوعية نجحوا فقط بسبب المعاملات ...

والمجرم الأكبر اللي ساعدهم في هالشي هي الحكومة ...

طبعا .. الحكومة تبي أشباه رجال .. مو رجال ....

زين ... انت فسر لي شغلة ؟؟؟

شنو معنى ان بعض الاعضاء لهم بريد في كل وزارة ... لتخليص المعاملات ..

شنو معنى هالشي .... ؟؟ ...

ج: معناه شي واحد فقط ... وهو تقنين الواسطة ...

الحكومة تبينا تحت رحمتها ....

لكن العتب على الشعب ... اللي يطلع نوعيات أشباه الرجال ...

مساكين هذولي ... على بالهم التاريخ يبي يرحمهم ....

ويبقى مالم ...............

ابوعبدالكريم الحميداني

11/12/2007 - December 11th, 10:36 AM

ياعزيزي البريد لكل عضوو مجلس امة بريد بكل وزارة

ولكن منهم من تمرر معملاتة وواسطتة وهذي سياسة الحكومة لكسبة

الوقوف معا000

وبالنسبة للشعب سابقا كان الشيبان لا يقيمون المرشح من حيث الأداء

إنما ينظرون لخدماتة حتى ولو كانت تافهه أو العنصرية والتحيز00

أما الأن أعتقد أن الشباب المتعلم وأغلبهم متعلم ومثقف يستطيع

نقد أداء الأعضاء وأخيار المرشح00

والحكومة تلعب بذيلها00

تقبل شكري

منابع الطيب

11/12/2007 - December 11th, 07:16 PM

الصعيري 314

كنت اتمنى ان اصاب بهذه العدوى

لكن للاسف ليس عندي صبر وكلما اشتريت كتاب تركته زين اذا خلصت اول عشر صفحات منه ,,

خالص تحياتي

ابوعبدالكريم الحميداني

12/12/2007 - December 12th, 04:51 AM

ليش منابع ناقصك انت متاعب تبي عدوى القراءة

خلك باللي انت فية00

تحياتوووووووووووووو

حوريه الثامريه

13/12/2007 - December 13th, 04:43 PM

أقرأ دوماً روايات عالمية وتساعدني على النوم عوضاً عن تضييع الوقت في التفكير

أشكرك يالصيعري على هذا الطرح الحميل والروح المشعة

تحياتي لك

ابوعبدالكريم الحميداني

15/12/2007 - December 15th, 06:10 AM

الله يحفظك ياحورية

والشكر لكل المشاركين بالموضووووووووووووع