(( اسعـد اللحضات ))

[ابو سارة]

بصراحه انا ماني شاعر
ولاكن حبيت اشارك معكم بهذه القصيده المتواضعه اللي اخذت من وقتي
اكثر من الوقت اللي ذاكرت فيه لامتحانات الثانويه العامه

( اسعد اللحظات )

ياعذابي لاضحكت وبينن حلو الثمانـــــي
مبسم فيه البرد مع شعلة النار مـــتشابك
والشعر ليلٍ يضيع السابح يدور موانــي
لأنتثر فوق المتون وبينت فتنة شــــــــبابك
البنات احلاهن اللي لو ابوها مشعلانـي
ما تساوي يا عيوني شي من ريحة ثــيابك
اشهدني لاجتمعنا كن يضحكلي زمانـــي
لحظةٍ فيها ينسيني حضورك عن غــــــيابك
ياحبيبي واسعد اللحظات مدتها ثوانــي
وبصراحه ما تكفي لاجلسنا مع جـــــــــنابك




ســــــــــــــــ ابو ــــــــــــــــــاره

[ابن نمش]

ونشكر حضرت جنابك على هذه القصيده

منين سارقها اعترف

اعترف

من اي مجله

انا مره سرقة قصيده وقلت هذي لي وأكتشفوني

ههههههههههههههههههههههههههههههههههههه



امزح معك

لاتزعل

بدايه حلوه لقصيده احلى

عطنا قصيدتين بعد

علشان

نسميك الشاعر

ابو ساره

[الدويله]

اهب ابو ساره والله ماانت بسيط


طيب ورى ماسويت فيني قصيده يوم رحت عنكم


الأسبوع الجاي ابي اجي ولازم تسوي امسيه شعريه


صح الله لسان يابعدي

[ابو سارة]

ابن نمش

اما سالفة عطنا قصيدتين اعتبرها نذاله بصراحه
هالحين اقولك اخذت من وقتي الثمين اكثر من الثانويه العامه
وانت تبي قصيدتين . انا من التعب افكر اعتزل من هالحين

عموماً مشكور على مرورك الكريم

[ابو سارة]

الدويله

والله تستاهل اللي يقصد فيك
المشكله اخوك على قولة البدو ( يا حبا يا دبا )
ما عندي الا غزل ولا سب وماهي معقوله اتغزل فيك
يعني مافيه الا............... بس خلنا كذا احسن

مرورك اسعدني كثيراً

[ابن نمش]

طيب ليش ياخوي ابو سارة

ماتعطينا القصيدتين

علشان تكون خلصة الجامعه

[ابن نمش]

طيب ليش ياخوي ابو سارة

ماتعطينا القصيدتين

علشان تكون خلصة الجامعه

ولا تنسى مشوار الألف ميل يبدأ بخطوه

[الخـارج عن القـانون]

مشكوررررر اخوي ويعطيك العفيه

[تقوى الهجر]

تسلم والله وبصراحه قصيدة

مزركـــــــــــــشة


صح لسانك يابعد قلبي



تسلم والله من الأعماق

[أبن رويل]

البنات احلاهن اللي لو ابوها مشعلانـي=ما تساوي يا عيوني شي من ريحة ثــيابك

أحسنت يابو سارة

قصيدة رائـعــة جدا وجت بمزاج :)