قصيدة خالد محسن الحميداني

[ابونادر]

هذه هي القصيدة التي تاهل من خلالها الشاعر/خالد محسن الحميداني
إلى دور 48 في مسابقة شاعر المليون

.


عسى مـزنٍ بنوه حاجبٍ برق الخيال خيال=مراديمٍ على كـل الـوطـى عزت هماليله

مجاهيـمٍ ربابـه كـن صابـه مـن هـواه جـفـال=تغـشـى كــل جــوٍ فــي هـزيـع اللـيـل ترتـيـلـه

كمـا ليـلٍ طعـن جوفـه لميـع البـارق الشـعـال=بعد مأرخى اسدولـه وانحـدر فتـرت محاميلـه

تنثـر مـن قواريرالسحـاب المـرزم الهـطـال=اسـاريـره تـهـلـل والـسـمـا تـشرب قناديـلـه

علـى دار أبـو جاسـي علهـا للصـادق الهمـال=ربيـع أهـل القلـوب اللـي تباشـر فيـه واتجيلـه

تسيـل مـن النفـود لشرقـي العبلـه لحـد الجـال=شهـر ليـن القسومـي فـي علـوه ينزبر سيـلـه

ربيعـه مثـل مـوجٍ ينكسـر فـي جوفـه المـوال=سـقـاه الـوبـل رحـمـه كــل تسبيـحـه وتهليـلـه

علـشـان إن فيـهـا للحبـايـب والـغــلا مـنــزال=تـداهـا كــل حـلـمٍ للصـبـى كـانــت مداهـيـلـه

لهـا فعيونـي أجـمـل صـورةٍ للـعـز والأمـال=وطن ودي لو أخذ مـن سنيـن العمـر وأهديلـه

وفــا ياديـرتـي يــادار ربـــعٍ لـلـوفـا مـدهــال=أجـل وإنكـان ماقلـت القصـايـد فـيـك منهيـلـه
















..

[مشعل الحميداني]

هذة قصيدتة في أم عشر ..

شاعر كبير ابو محيسن .. نتمنى لة التوفيق وتخطي الأدوار الاولية
فهو خير ممثل للحمادين في المجال الشعري ..

شاكر لك اخوي ابو نادر هذا الموضوع ,,

[القصّيـم]

صح لسانه

لكن ابي اصحح للأداره بأن اسم والده محيسن بن فلاح الحميداني
ومحسن مادري من وين جايبينه ....

تقبلوا مروري

[ابونادر]

هذة قصيدتة في أم عشر ..

شاعر كبير ابو محيسن .. نتمنى لة التوفيق وتخطي الأدوار الاولية
فهو خير ممثل للحمادين في المجال الشعري ..

شاكر لك اخوي ابو نادر هذا الموضوع ,,



اخي مشعل الحميداني

تسلم وشكرا على مرورك لاهنت


تحيااااااااااتي


.


..

[ابونادر]

صح لسانه

لكن ابي اصحح للأداره بأن اسم والده محيسن بن فلاح الحميداني
ومحسن مادري من وين جايبينه ....

تقبلوا مروري


حياك الله يالقصيم

نعرف ذلك طال عمرك ونعرف ابوه جيدا

ولكن هذا اسمه الذي يكتب فيه هو في وسائل الاعلام

وليس من عندنا



..

[ابوعبدالكريم الحميداني]

مشكووووووووور يابونادر على ايراد القصيدة00

اخوي القصيم الدنيا ماهي على خبرك

خال الود

[ابونادر]

لاشكر على واجب يابو عبدالكريم


تحيااااااتي لك



..

[لي الفخر]

ما نقول إلا عسى الله يوفقه ,, وبصراحه المنافسه الجايه قويه جدا وخصوصاَ , أن الشاعر ناصر الفراعنة سوف يكون من ضمن المنافسين معه ,,
يعني ,, الشاعر ناصر الفراعنة له جمهور كبير وخصوصاَ انه أشتهر بالأمسيات الشعرية في دول الخليج ,,

وأما أخونا , (((( خـــــــــالد ))) فشعره منحصر .. ولم يذاع أو أنه قد سبق وشارك في أمسيات ..


ولكن نقول عسى فالنا خير .. وفال أبو محيسن البيـــــــــــــــــرق إنشاء الله ,,

[الحميـــــــداني]

الله يوفق خالد بن محيسن

[القصم]

مرحبا شلونكم

نعم هذي القصيده لكن ناقص منها ابيات ولاتحضرني الا هالابيات

تربع في خفوقي واسرف بحالي وحط وشال
وانا من كثر عشقه صرت حتى اعشق غرابيله
عنود(ن) بالملاقا تتعب الرجلي مع الخيال
رجع قناصها بس التعب منها مراسيله
عليها الحسن شال(ن) ماتلفه تستره في شال

هذا مايحضرني من القصيده

[سعد الحميداني]

ياسلام على الشعر القمه

ابو محيسن مبدع في كل حالاته

وقصايده ابداع

في ابداع


الله يحفظه


تحياتي

[فجر الحمادين]

صح لسان شاعرنا
الف شكر ع النقل ابو نادر
يعطيك العافية