كلمه مني000 وبيت منك ¤¦¤

[آورنـس]

بسم الله الرحمن الرحيم
السلام عليكم ورحمة الله وبركاته


الموضوع هو مجرد لعبه شعريه فيها الكثير من التسليه والإمتاع

وهي لعبه مطروحه في عدد كبير .....من المنتديات

اللعبه وبكل بساطه أقوم بوضع كلمه معينه مثل ( لبيه )

ويأتي عضو آخر ليضع هذه الكلمه داخل بيت شعري

مثلاً :

لبيه يالغلا لك من خاطري آجيك

................................وأرحب ببيوتن نظمها زود علمك


0


0

نبي لو محاوله شعريه ....

أتمنى تكون اللعبه واضحه يالله أنتظر تفاعلكم



اخوكم .



آورنـــــس .:messenger3:

[منابع الطيب]

مشكور آورنس

خالص التحاياااا

[فارس الفكسار]

لبيه ياراع العيون المظاليل

لبيه لك لو كنت ماني ملبي

[ابونادر]

فكرة اكثر من ممتازة ياورنس وتشكر عليها

وابشر نحاول المشاركة فيها لو على الطاير

لبيه ثم لبيه ياللي دعــاني = اطلب وتاجد ماطلبته على طول
اللي تبيه يصير باربع ثواني = والا لغير دايم اقول مشغــول



...

[آورنـس]

ياليت للعشاق درب جديدي***كان اتبعه واترك كلام الحواسيد




اللي بعدي (( روحي ))

[فجر الحمادين]

عالمك يابعد ( روحي ) منتهاي=خذني لدنياك مجهول المصير
في حياتي لك غلاي ولك وفاي=ماتغيّر لويصير اللي يصير




الغالي اورنس



http://img129.imageshack.us/img129/4977/eng11qo9.gif[/align]

[آورنـس]

ارجوك جفت دموعي لاتبكيني=
يكفيني ياللي من الهجران قاسيته=

ياما من الدمع من اجلك هلته عيني=
لوحيت طاريك غالي الدمع هليته=

متدري انه عليك الوجد طاويني =
وماتدري اني عليك الليل ماامسيته=

ماتدري انك بنار الحب كاويني =
وماتدري اني عليك الشوق غنيته=

ياجارح القلب زت الجرح جرحين=
من صد قلب يوم انك توليته =

ارجوك جفت دموعي لابتكيني=
يكفيني اللي من الهجران قاسيته=




للي فوقي . هع هع .



والكلمه الي جايه ((( ليتك )))

[فجر الحمادين]

( ليتك ) معي ساهرٍ ليل الهـوى كلَّـه=ما انوم أنا وإنت لأجل الحبِ سهراني
ترى السَّهر مع حبيبك يبري العلَّـه=لي صرت شفقٍ وهو عليك شفقانِ
كلِّش طراته إلى وافق علـى حلَّـه=وإلا ترى كل شيٍ يالغضـي فـاني
لاعاش خلٍ تنكَّر عن هـوا خلَّـه=يومٍ حبيبٍ ويـوم صـار قومانـي
وش فيك دايم تعسر القلب وتتلَّـه=أخاف يومٍ يجـي ماعـاد تلقانـي



ارق التحاياا لصاحب الموضوع هع

[فجر الحمادين]

الكلمــــــــــــة الجــــــــــــايه............. ( مشتـــــــــــاق )



...

[آورنـس]

اسباب شوفك يـا هـوى البـال شوقـي=
مشتـاق لعيـونـك انــا حـيـل مشـتـاق=
وشوفتـك رغبـه تعتبـر مـن حقـوقـي=
وغـيـرك ابــد للقـلـب يـازيـن مــالاق =



والكلمه اللي بعدي .


(( حسيت ))

[البرنس]

شــــــوق



مشتاق مشتاق لـك يـا طيـب الاعـراق
يا من أحبـك وكيفـي وافـق(ن) كيفـك
اسكب لهيبي وحبري .. صافـي الاوراق
اسكب هيامـي حروفـاً فـي تواصيفـك
شوق(ن) بعثته يسابـق بـارق(ن) بـرّاق
وارسلت خافـق ليفتـح لـك مضاريفـك

[آورنـس]

يالحبيب الكلمه يا اخوي تبدا ب (( حسيت ))


ارجو التفاعل وشكرااااا.

[فايز آبن معنيه]

(( حسيت ))


ليتك تحس بعذابٍ منك حسيته××××

×××× والصدر ضايق وزادت فيه حرّاته

خسارة الدمع لي في حبك اصخيته××××

××××وخسارة الجفن لى هلّيت عبراته


لكنه اللي بتالي الامر عانيته××××

××××خلاني انسى هوى الغالي ومدراته


هذا كياني تخيّل كيف هزّيته××××

××××ياهي خساره وقلبي راح بسكاته



واللي بعدي ؛؛ المحبه ؛؛

[راكان بن شاهين المريخي]

مبروك ياحبي بفوزك بالمحبة - وعسا الله يبقيها على طول
دايمن خلي العمر بسحبة-- وخلي الحزن ترا العالم محوول

الي بعدي كلمة (سطحة)

[فجر الحمادين]

رح للقمر وافرش على سطحه بساط=وخل الحثاله لو بها خير ترقى



الكلمة الجايه " ازعل عليك "

[البرنس]

ازعل عليك (في نيتي بس) "ارضيـــــــــك"
................ واعلمك شلــــــــــــــون "تعشــــــــق" حبيبــي
(مثل الطفل),,"خطوه" بـ "خطوه" امشيــك
.................. بحر الهوى واســــــع,,,,, ولا هو صعيـــــــبي
(اول خطاوي الحب) يــــاحبــــي (تعنيــك)
................... وبــ(الاحتـــرام) ,,, كـــــل الخطى تستجيبي
((اذكــرك ياعمري)) ,,, انا "حيــــل اغليك"
................... ازعل عليك بس ,,,,,, ((( تبقـــــى حبيبـــــي)))


الكلمه : حبيبتي

[آورنـس]

حبيبتي وقمري ...
كم أحبك أيهاألامل القريب .
كم أتمنى لو كنت بجانبك ..
كم أحب عباراتك ..
وكم أعشق كلماتك ..
وهمسك وآهاتك ..
تنهيداتك وأشجانك ..
شوقك وبركانك ..
عشقك وغرامك ..
أحضانك وأنفاسك ..
حبك وحنانك ..
صمتك وأفكارك ..


مجبور

[فجر الحمادين]

انا طبعي سعودي والسعودي لاعشق ( مجبور )=يموت ومايخون العشق وعروقه سعوديه
ســـــــــعودي يوم حبك مااستمد الشور=تباه من منحك الحب مااخلف النيه
وانا مهما قلت احس اني اجي بقصور=مع ان نسبة غلاك بخافقي ميه بميه



الكلمة الجاية

> بخونك <



ــفــ ج ـــرـ

[آورنـس]

والله لأزعل كل الناس واراضيك=
وامشي معك لو حالو الناس دونك=
يامن ملكت القلب بالروح نفديك=
انا معك لا تفكر اني بخونك=
بعت البشر وفى زحمت الناس شاريك=
وكرهت ناسن بالزمن يكرهونك=


وترحل

[البرنس]

وترحل .. صرختي تذبل ...
في وادي... لاصدى يوصل ..
ولاباقي أنين ..
زمان الصمت ..
ياعمر الحزن والشكوى ..
ياخطوه ماغدت تقوى...
على الخطوه.. على هم السنين ..
حبيبي .. كتبت اسمك على صوتي ..
كتبته في جدار الوقت ..
على لون السما الهادي ..
على الوادي..
على موتي .. وميلادي..
حبيبي .. لو أيادي الصمت ..
خذتني .. لو ملتني ليل ..
أناعمري ..انتظاري لك ...
لاتحرمنى ... حياتي لك


الكلمه (( ولـــــهان ))

[آورنـس]

انا مو ولها انا انا دنيا من الوله محتاجك ابيك.........................


............................... انا مو تعبان انا انا دنيا من التعب راحتها اديك


صدمتي غلطه وعدت في سلام يكفي علمني زماني..............................


....................وانا ناقص حب ثاني انجرح منه واعاني الله يرضالي عليك


عافك الخاطر .

[فجر الحمادين]

للصبر آخــــــــــــر
للصبر آخر خلاص (( عافك الخاطر ))
حاولت اسامح ولكن ما اني بقادر
خلاص عافك الخاطر
روح في طريق وانا بطريق خلني على جرحي العتيج
خلاص عافك الخاطر
تذكر يوم كنت انا حديث الناس
ومن منا مثلك يا اعز الناس
واليوم بقدم لك عذر
وان كان لي عندك قدر
محبتي اقطع من راجاها اليأس
روح بطريق وانا بطريق
خلني على جرحي العتيج
خلاص عافك الخاطر
هذا القرار الاخير واعتبرنا منتهين
لا تنتظر لحظه حنين
ما احبك بقناعه قلتها
انتهى الحب انتهى
التها القلب التها
هذا القرار الاخير روح بطريق وانا بطريق
خاني على جريح العتيج
خلاص (( عافك الخاطر ))



الكلمة الجايه
فاهمني غلط...!!

[بنت السعوديه]

((فاهمني غلط ))

ملكتني بالحب يالله عسـى خيــر
هذا نصيب النفس وهـذا قـدرها
أرجوك لاتجعل حياتي مخـاطـير
مدام سلطان الهوى لك أســرها
ياهادي الأعصاب سمـح التعابير
جنبني عن جور الليالي وكدرها

0دموع العين 0

[آورنـس]

ياقلب تكفى لاتزيـد المشاريـه =يكفي دموع العين يوم أفضحتني


ماعاد غير الحزن طالت مساريه =مع صاحبن عنه الظروف أمنعتني


الحـب والله ماتخبـى مواريـه =نبضه وريد القلب حتى أنعشتني


ياويل وقتي يوم غابت طواريـه =حتى جمال الكون سودن حوتنـي


يارب أرحم من همومـه تباريـه =دنيا قويه وبالمصاعـب خذتنـي


ثبت على قلبي ودينـي بداريـه =وأجمع وليفي عقب دنيا أحرمتني


الكلمه الجايه

كــــــــــله منــــــــــهم

[فجر الحمادين]

كله منهم كبـروها براسـه كله منهم غيـروا بحسـاسه
صـار مـاهو الأولـــــــي اللي يزعل لزعـــــــــــــلـــي
صـار يتحفظ معــــــــاي وإبتدى يثقـل عـــــــــــــلي

المحبة مايـبي طــــــاريها هو كـذا شكله يبـــي ينهيها
لا ذكــــرت محبـــــــته أتــكــــــــــــاثر صـدتـــــه
وأرجـع لنفسي وأقـــــول والله ماهي عـــــــــــــادتـه

القســـــــاوة باينـه بعيونه كل ماأشكي تزيــــــد اطعونه
قام يتبـاهى بجـــــــــــــفاه ويتمــــادى في خطــــــاه
ويتفنـن في عــــذابــــــي ويبتسم لا قلت آآآآآآآآآآآآآآآآآآه


الكلمة اليايه


غايب حبيبي

[ابوعبدالكريم الحميداني]

يعطيك العافية اورنس على الموضوع

ولي عودة

[آورنـس]

غــــــــايب حبيبي ....




غايب حبيبي ما وصلني سلامة=مدري غيابه عذر أو شيء مقصود
ما عادته يبخل علي بأهتمامه=دايم يطمني ولو كان موجود
مبغى أشوفه بس أبسمع كلامة=لا صار طيب راحتي ما لها حدود
يرجعه ربي علي بالسلامة=الي وحشني كم بقى يوم و يعود
متى يعود و ترجع الإبتسامة=الصبر مهما طال له وقت و حدود
عندي عتاب و دمعتين و ملامة=و عندي أمل أنه إذا غاب بيعود



الكلمه الجايه


>>>>> تنـــــــــــاساني <<<<<<

[الا مويهيه]

حبيبي ...


حبيبي والمشاعر فيك مختاله ومغروره ....


تدلل وانت في ساحه غلاي اليوم وحداني ....


واذا ملت خطاك الدرب .. مسموووحه ومعذووووره .....


تناساني دخيل الحب لو تقدر ....


تناساني ...






المشاعر

[آورنـس]

المشــــــــــــاعر ...





عرضت في سوق المشاعر بضاعة=جمّعتها من سالف ايأم عمري
من خاطر ضايق برغم اتساعه=أدوّر اللي داله البال يشري
أعرف طباعي خالفتها طباعه=طبعه ملول وطبعي يضيق صدري
لقيت هذ السوق من جاه طاعه=واللي يبي يسري مع الليل يسري
لقيت لي همّه ويمكن شجاعة=آسابق الظلماء على طمس فجري
والناس تشري من الرضاء والقناعه=والقلب يدري واقرب الهم يدري
والخوف كل اللي معه خوف باعه=واللي تأخر يشري الليل بدري
واللي قصيده مأ أنكتب له طباعه=الآه شعري واسفل الآه نثري
والحب يسهل طردته وانتزاعة=ارسل على الصاحب ولا آجيب عذري
وانا انتشي لي منظر السوق راعة=وارسل يجي برضاه ولا بأمري
تنوعت فيني حدود الفضاعه=صرت اتغلى واتبختر واهذري
حلم غريب طيّره دق ساعة=حلمت بايع لكن اصبحت اشري


الكلمه الجااايه .


الله حسيبـــــــــك

[فايز آبن معنيه]

الله حسيبك ..
كنتي نجمة في عالي سمايه
وطاحت


الله حسيبك ..
صدمة .. ادهشتني .. ذوبت قلبي
وتاهت




اغليك

[ناشي الصخيني]

اغليك ومنك اليوم ماراح ااااااااااااازعل ///////// ارتح عليك اليوم مانيب زعلاااان
لو غبت والا جيت تبقى اااااااااااالمدلل //////// لكن أمانه معك لاتزيد هجرااااان
مفرووووض عني كل يووووومين تسأل ///////// مادام حبك صار للقلب سلطاان

اللي بعدها(ارحل)

[بنت العز]

لبيه ياصوتٍ سمعته ينادي 00000 هز المشاعر كلها والاحاسيس
صوتٍ لحونه كنها في فوادي00000 يطرب لها الخفاق ويهيب يابليس



لبيه ياللي تناديني ولبيتك 000000 لبيه من قلبي الكم كل مالبي
لبيه ردي وردك يوم ناديتك0000000 ياكل شي بحياتي يابعد حبي