ابـــوحـــــور
13/02/2008 - February 13th, 09:02 PM
هذا اول الدرب سيري ياخفاف الركاب
.............. دون المسافة تعب صوت وخطاوي مسير
رفرفت مع بيرق الشاعر عزيز الجناب
.............. وبعثرت من مجمل الاحلام شي(ن)كثير
ماجيت ابدمح خطي المخطي واعيد الصواب
.............. جيت اقسم الحق في سيف الكلام الشطير
شاعر و برقا السما واحوم حومة عقاب
.............. لعيون داري وحمران النواظر مطير
ابفتح لين يتساوي الارض سهولها والهضاب
.............. حتي اشوف بعلوي من تكابر صغير
ابي افتح لكل ظلمة للتعابير باب
.............. والنور كلمه عجز عنها لسان الضرير
مابيني وبين مفتاح المشاعر حجاب
.............. انا.. انا لا فرزدقهم .. ولاني جرير
انا اكبر من الحضور اللي ملاني غياب
.............. وانا اكبر من الكلام اللي يهز الضمير
اكتب وعين الزمن تقرا حروف الكتاب
.............. واستطعم الخوف من حال الزمان المرير
غريب حتي مع النسيان والاغتراب
.............. والحب طير(ن)رضا فيني وعي يطير
مهما رما الحظ في وجه الاماني تراب
.............. بذكرك يا سكر ظلالي وملح الهجير
ياسيدي في دفا بوحي لك أكبر حساب
.............. من يوم علمتني واشلون احبك واغير
ظما الجفا في عيونك وارتويتك سراب
.............. قل للمواعيد تنساني وقل للعبير
تهابني خطوة اقدامي وانا صرت اهاب
.............. نزف الاحاسيس ونياب القدر والمصير
لو كان كف المواصل ماتثني وعاب
.............. يمديك ترجع وتاخذني معك للاخير
عاتبتني وانت حتي في سكوتك عتاب
.............. وانا اعتذرلك وعذري مثل قلبي كبير
لاتزعل ياللي جفاك من السحاب السحاب
.............. شوف وش كثر كنت غير وباقي الناس غير
والله لو ان الذنوب براحتينك ثواب
.............. لاعيش عيشة وفا واموت موتة فقير
ماعاد ابي السؤال اللي بعيني جواب
.............. ان كان يمكن يصير او كان لا مايصير
لا صرت شاعرك واحساسي ونبضي شباب
.............. ماهمني المركز الثاني قبل الاخير
.............. دون المسافة تعب صوت وخطاوي مسير
رفرفت مع بيرق الشاعر عزيز الجناب
.............. وبعثرت من مجمل الاحلام شي(ن)كثير
ماجيت ابدمح خطي المخطي واعيد الصواب
.............. جيت اقسم الحق في سيف الكلام الشطير
شاعر و برقا السما واحوم حومة عقاب
.............. لعيون داري وحمران النواظر مطير
ابفتح لين يتساوي الارض سهولها والهضاب
.............. حتي اشوف بعلوي من تكابر صغير
ابي افتح لكل ظلمة للتعابير باب
.............. والنور كلمه عجز عنها لسان الضرير
مابيني وبين مفتاح المشاعر حجاب
.............. انا.. انا لا فرزدقهم .. ولاني جرير
انا اكبر من الحضور اللي ملاني غياب
.............. وانا اكبر من الكلام اللي يهز الضمير
اكتب وعين الزمن تقرا حروف الكتاب
.............. واستطعم الخوف من حال الزمان المرير
غريب حتي مع النسيان والاغتراب
.............. والحب طير(ن)رضا فيني وعي يطير
مهما رما الحظ في وجه الاماني تراب
.............. بذكرك يا سكر ظلالي وملح الهجير
ياسيدي في دفا بوحي لك أكبر حساب
.............. من يوم علمتني واشلون احبك واغير
ظما الجفا في عيونك وارتويتك سراب
.............. قل للمواعيد تنساني وقل للعبير
تهابني خطوة اقدامي وانا صرت اهاب
.............. نزف الاحاسيس ونياب القدر والمصير
لو كان كف المواصل ماتثني وعاب
.............. يمديك ترجع وتاخذني معك للاخير
عاتبتني وانت حتي في سكوتك عتاب
.............. وانا اعتذرلك وعذري مثل قلبي كبير
لاتزعل ياللي جفاك من السحاب السحاب
.............. شوف وش كثر كنت غير وباقي الناس غير
والله لو ان الذنوب براحتينك ثواب
.............. لاعيش عيشة وفا واموت موتة فقير
ماعاد ابي السؤال اللي بعيني جواب
.............. ان كان يمكن يصير او كان لا مايصير
لا صرت شاعرك واحساسي ونبضي شباب
.............. ماهمني المركز الثاني قبل الاخير