خــير يا طيــــــر ..!

[الا مويهيه]

لا تعتذر يا للي تسـوق المعاذيـر
مال العذر في بعض الأحيان خانـه
لو العذر يا راعـي العـذر تكفيـر
كفـرت سيـات الغـرام أبحسانـه
لا شك ما بقيـت للعسـر تيسيـر
أخذت كل اليسر في غيـر أوانـه
ليتك حسبت أحساب طول المشاوير
ما بين صلفـات الزمـان وليانـه
عسرتهـا والله عليـه التياسيـر
وما خذت من ماضي التجارب فطأنه
بودعـك دام الرجـاء بالمقـاديـر
قدام مـا ينـدب خفوقـي زمانـه
(..وباقول ما قالوا العرب خير ياطيـر
ما طـاح نجـم الا ونجـمٍ مكانـه..)
وأن مرني ذكرك معى تالي عصير
بقول ما صـان الأميـن الأمانـه
وبلقى النفسي الف حجة وتبريـر
ورخي على قلبي لهجـرك عنانـه
مليت من قولت عسى المقبلة خير
ومليت تسميـت الخطايـا ميانـه
وزريت للقاء للجفا منـك تفسيـر
هذا وأنا اللي ما بخل فـي حنانـه
حبيتك وبديت حبـك عـن الغيـر
وحطيت لك بيـن الحنايـا مكانـه
كنت بعيوني سيـد كـل الغناديـر
دانه وشوفك غير عن كـل دانـه
لو تطلب اللي مستحيل أنه يصيـر
ايسره لـو هـو عسيـر اطليانـه
ورغم الوفاء جازيتنـي بالتعازيـر
وبصـد هديـت الغـرام وكيـانـه
وخسرتني والا أنت بغلا المخاسير
وكسبت قلبٍ مـا كسبـك أرهانـه
واليوم جاي مصخر العذر تصخيـر
ما كنك اللي خان عهده ما صانـه
روح مراح مقيط ورشـاه بألبيـر
مرضى على النفس العزيزة لهانـه
مـع السلامـة رافقتـك التياسيـر
يبلغـك قلبـي جزيـل امتنـانـه
(ولا تعتذر) ما عاد تجدي المعاذيـر
العذر مـا بـل الحلـوق الظمانـه

.,.,.,.,.,.,.,.,.,.,.,.,.,.,.,.,.,.,.,.,.,.,.,.,., .,.,.,.,

لشاعر / هادي اليامي

[آورنـس]

صح لسان شاعرها قصيده جزله وشامخه بنفس الوقت . خير يا طير .


الامويهيه مشكوره على النقل الرائع منك . منك نلمس العطاء ومنك يرتقى المنتدى .

[منابع الطيب]

صح السانه


وسلمت يدك


دمتي بود

[حلا الحماديـن]

مشكــوره عالنقل عزيزتي مره حلوه ,,

[ஐ سـمو الاميــرهـ ஐ]

صح لسان شاعرها

وسلمت يدك على النقل الرائع

وتقبل

م
ر
و
ر
ي

[ابوعبدالكريم الحميداني]

صح لسان الشاعر اليامي


والف شكر أختي على النقل